ماضي لا ينتهي

الحلقة ٩٧

#ماضي_لا_ينتهي
#بوسي_مصطفى
_____________
الحلقة ٩٧

مازن بيسحب الستارة و يتفاجيء..
مازن بدهشه : أنت !!
سعيد يخرج من خلف الستار.
سعيد : ايه مفاجأة مش كده؟
مازن : انت بتعمل ايه في بيتي؟!
سعيد : جاي لبنتي.
مازن : لا حلوة دي
بنتك ايه اللي جايلها ثم انت مش مفروض مسجون
دلوقت ايه اللي خرجك؟
سعيد : مش شغلك.
مازن ' لا مش شغلي ايه أنت مش هتتحرك من هنا.
و يمسك مازن بـ يد سعيد
علشان يحبسه جوه البيت عقبال ما يبلغ البوليس.
سعيد بيحاول يفلت من يده.
و ندى منهاره و بتطلب من مازن يترك والدها.
مازن : مستحيل اسيبه دا مجرم و مكانه السجن اكيد هربان
لازم اسلمه بـ ايدي لـ البوليس.
سعيد يصرخ في وجه مازن.
مازن : لا مش هسيبك.
سعيد بـ يده الأخرى يخرج مطواه : بقولك سيبني.
و في لحظة كانت المطواة على يد مازن تركت جرج
و بينزف دم
ندى بتصرخ و ممسكه بيد مازن خرج سعيد بسرعه
من الشقة.
و مازن بيحاول يخرج يلحق سعيد علشان ميهربش..
ندى : رايح فين بس؟؟ خلينا نشوف الجرح ده..
___________

في منزل سيف..
سيف عمال يتقلب ومش عارف ينام.
سيف : و بعدين بقى في الدوشة دي مش هنعرف ننام الليلة و لا ايه حكايتهم دول بالظبط؟!
أميرة : معلش يا سيف اتحملهم الليلة و بكره كمان.
سيف : بكره!!
هو أنا كمان هستحملهم بكره؟!
انا عندي شغل و لو منمتش مش هعرف انزل الشغل الصبح.
أميرة : رايح فين بس يا سيف؟
سيف : حبيبتي الساعة واحدة بعد نص الليل و البيه مشغل الدي جي لحد دلوقت هو مفيش احترام للناس اللي حواليه؟!
أميرة : علشان خاطري متنزلش تتخانق مع حد سيف هما شوية و هيقفلوا البتاع ده.
سيف : يا أميرة مينفعش اللي بيحصل دا لازم يكون في حدود و حق لـ الجار على جاره و دول لو سكتنا خلاص هيبقى دا نظامهم بعد كده انا هنزل احذرهم مستجبوش يبقى هبلغ الشرطة تيجي بقى تتصرف معاهم..
أميرة : كمان !
سيف : هو أنا يعني لازم اسكت على وجع الدماغ ده؟
لا مش هسكت..
غير سيف هدومه و نزل يتكلم معاهم بهدوء مستجبوش يتصل بالشرطة.
لكن من هنا لهنا قفلوا الدي جي و الحجه ان الحفله انتهت وعايزين يناموا و معتذروش على الازعاج اللي عاملينه لـ سيف بس هو كان كل همه يقفلوا الصوت العالي ده علشان يعرف ينام.

أميرة : طب كويس انهم قفلوا نام بقى يا حبيبي و استريح.
سيف : الظاهر مفيهاش راحه يا أميرة طول ما الناس دي جيرانا.
سكتت أميرة بتنهيده و غمضت عيونها علشان تنام و كذلك الأمر مع سيف.
_____________

في شقة راوية...
راوية : خلاص يا ابني الموضوع انتهى هي ليها مصاريف بنتها و بس.
فادي : حارقه دمى يا ماما و كله كوم و الحركة اللي عملتها النهاردة دي كوم تاني.
راوية : اهي نفست عن نفسها و خرجت اللي جواها خلاص سيبها بقى علشان هي تبعد لوحدها..
فادي : ما أنا بحاول انساها اهو يا ماما و ما افتكرش غير بنتي بس بتجر شكلي
طب ما كانت حافظت على بيتها  من الأول؟!
راوية : خلاص بقى الموضوع انتهى..
انتو هتعيشوا معايا هنا؟ و لا ماجدة مرتبطه بشغلها هناك.
ماجدة جايه : لا يا ماما انا نقلت شغلي هنا في الزقازيق.
فادي : ايه رأيك يا ماجدة نقعد مع ماما هنا و لا نرجع شقتنا؟
ماجدة : اللي تشوفه يا فادي.
راوية : خلاص يا ابني ارجعوا شقتكم.
ماجدة : مش القصد بس هنا هنضيق على حضرتك.
راوية : و لا هتضايقوا و لا حاجه
في تلات اوضة الولاد اوضة و انتِ و جوزك اوضة و أنا اهو في اوضتي و الشقة واسعة الولاد هيلعبوا براحتهم و عندهم و لاد خالهم فوق كمان يعني ونس و لمه و بعدين دول وحشني اوي و عايزة اشبع منهم.
و حضنت راوية فارس.
فارس : أنا بحبك اوي يا تيته.
راوية : و أنا بحبك اوي يا نور عين تيته..
ماجدة : خلاص يا فارس نقعد هنا مع تيته؟
فارس : ايوه يا ماما نقعد هنا أنا بحب ألعب مع محمود و منه
و الصغير دا اسمه ايه؟
فادي ببتسامة : عُمر.
فارس : ايوه زي اسم عُمر ابن عمتو أميرة..
راوية : فكرتني اما اكلم عمتك اطمن عليها اشوفها عامله ايه
كانت ماشيه من هنا تعبانه يا حبة عيني مش عارفه مستعجله على ايه؟
فادي : علشان شغل جوزها يا ماما.
راوية : كان سابها و راح شاف شغله يا ابني.
فادي : مش يمكن مبيستحملش تبعد عنه يا ماما.
و نظر لـ ماجدة ببتسامة.
راوية ببتسامة : ايوه حقيقي جوز اختك بيحبها و مش بيستحمل صحيح تبعد عنه
ههههههههههههه
عريس جديد بقى و كده.
فادي : هو مين دا؟
راوية نظرت لـ ماجدة : ماجدة عارفه.
ماجدة ب ارتباك : عارفه ايه؟
راوية : هههههههههههه
انا قايمه اجيب التليفون من جوه اكلم بنتي.
و دخلت راوية جوه..
ماجدة : مامتك كانت تقصد ايه؟
فادي : يعني مش عارفه؟!
ماجدة : فادي خلاص قفل بقى علشان الولد.
فادي : هههههههههههه
طب ما انتِ فهمتي اهو.
ماجدة : فهمت ايه؟؟!
فادي : هههههههههههه
_________________