ماضي لا ينتهي

الحلقة ٥٥

#ماضي_لا_ينتهي
#بوسي_مصطفى
______________
الحلقة ٥٥

فادي : وموصلكيش انا ليه؟!
على الاقل انا اولى من الغريب اللي هتركبي معاه.
َماجدة : بالنسبالي انت وهو اغراب عني.
وبعدين متخافش أنا مش مسافره لوحدي.
معايا صاحبتي وجوزها.
فادي : كمان !
ماجدة : ايه اللي مضايقك مش فاهمه؟!
جلال : يلا يااميرة علشان ارجع في النور يا بنتي.
أميرة : حاضر يا خالي ب ألبس عمر بس.
جلال : ادخلي ساعديها يا راوية معلش.
راوية : هتوديها كده يا جلال
من غير ب تقعد ونتفاهم؟!
جلال : نتفاهم على ايه ياراوية؟؟
ما انتي كنتي حاضره وسامعه كلام ابنك ليه.
كويس انه مسك اعصابه ومتخانقش معاه.
راوية : انا مبقولش فادي مش غلطان.
لا انا عارفه إنه غلطان ولازم يعتذر ل سيف.
بس بتكلم في حاجه تانية انت مش واخد بالك منها.
جلال : اللي هي ايه بقى؟
راوية : دلوقت أميرة بتقعد هناك بالشهر والاتنين
مبشوفهاش وانا بتعب من السفر زي ما انت عارف
ويعتبر محبوسه هناك
لو خرجت من البيت لوحدها يعمل معاها مشكلة
دا مش حب ده.. دي سيطرة زايدة عن اللزوم..
ومستحيل يخليها تسافر لوحدها
مرتبطه بيه لو عنده شغل لازم تستنى لما يفضى علشان
يقدر يجيبها.
لازم يديها شوية حرية البنت نفسيتها تعبت يا جلال.
جلال : هي اشتكيتلك؟؟
راوية : من غير ما تشتكي انا أم وحاسه ب بنتي..
إنها تعبانه
هو اه بيحبها ومش ب يأخر لها طلب ومش مخليها
عايزة حاجه
وطلبات البيت بينزل يشتريها
يعني مبيتعبهاش بالعكس مريحها
انا عارفه بس ما عدا الحبسه اللي حبسها ليها
ومتنتقلش من عنده غير و رجله على رجلها
وانا بنتي بتبقى وحشاني ومش كل مرة هقدر اروح
هناك.
وكمان بعد المشكلة الأخيرة مش هقدر اروح هناك تاني.
جلال : مشكلة ايه يا راوية..
مهما كان غلط جوز بنتك دا ميساويش كلمة من اللي قالها فادي ليه..
الولد محترم ومتربي ودا بشهادتك كمان لكن ميستاهلش
إنه يتقاله الكلام دا.
كان فادي جه من بره بعد ما وصل ماجدة تحت واطمن
إنها ركبت مع صاحبتها اللي كلمته عنها.
فادي : يا خالي هو اللي غلط الأول مش أنا.
جلال : انت واعي للي قولته
ولا لأ؟؟
اظن محدش هيقبل على نفسه الإهانة دي!
دا لو حتى بيبوس التراب اللي بتمشي عليه اختك
مش هيستحمل الكلام اللي اتقال دا
يا فادي.
وقولنا الكلام دا كتير.. الولد تربى
مع باباه والست يمكن تابت قبل ما تتوفي..
ايه هنفضل نحاسبه ونحاسبها هي كمان؟؟!
كل واحد يخليه في حاله ويحل مشاكله
اظن لو اتهميت بنفسك وبحياتك
المشاكل اللي عندك هتخليك معندكش وقت تفكر في
غيرها..
بلاش تحمل حد نتيجة غلطك يا فادي..
اختك ملهاش ذنب علشان تخرب حياتها سيبها تعيش
وتربى ولادها..
حتى لو مش عاجبك جوزها
هي راضيه وعايشه بلاش تنغص عليها حياتها بقى.
أميرة : انا جهزت يا خالي.
جلال : طيب يا بنتي يلا بينا
هات ايدك يا عمر.
نظرت راوية ل أميرة وهي مدمعه.
أميرة : هجيلك قريب يا ماما.
راوية : في المشمش بكره تقوليلي مش عارفه اجي
علشان العيال ولا المدرسة ولا سيف معرفش عنده شغل
لما يخلصه يمكن نيجي ولا حمايا تعبان ومش أصول
إني اسيبه واجيلك
ولا ليان شبطانه في عمر ومش عايزة تسيبه وفي نفس الوقت مش عايزة تيجي معايا.
مش هي دي اعذارك يا أميرة؟؟
جلال : جرا ايه ياراوية انتي عايزة بنتك تعيش ولا تقعد  جانبك.
راوية : عايزها تعيش طبعاً يا جلال بس ياريتني مجوزتها بعيد عني.
جلال : تاني!.. هنعيده تاني يا راوية.
يلا يا أميرة؟؟
أميرة تسلم على مامتها وتاخد ولادها وتخرج..
كان فادي دخل اوضته ومسلموش على بعض.
_______________