ماضي لا ينتهي

الحلقة ٨٦

#ماضي_لا_ينتهي
#بوسي_مصطفى
____________
الحلقة ٨٦

في الصباح...
بتفتح أميرة الشباك..
زينة : افتحي بقى يا أميرة.
أميرة : حاضر يا زينة معرفش إنك بره متصلتيش ليه؟
خرجت أميرة تفتح البوابة لزينة.
زينة : متصلتش علشان انتي شايفه اللي معايا.
اميرة : طب هاتي.. وبعدين ايه كل دا؟
زينة : اخدت تكتوك جابني لحد هنا.
اعمل ايه مش قولتي سيف مسافر وعايزة طلبات من السوق.
أميرة : ايوه بس كان اي حد هجيبلي ومكونتيش تعبتي نفسك.
زينة : هيثم قالي استني لما اجي هوصلهم لحد عندها.
قولت هيتأخر ويمكن عايزة تعملي غدا ولا حاجه.
أميرة : عندي حاجات كتير
بس كان نفسي في السمك كويس إنك افتكرتي.
زينة : يا بنتي ما انتي مكلماني امبارح وقولتي نفسك فيه.
أميرة : هههههههههههه ايوه صح بس معرفش إنك هتاخدي بالك.
وبعدين سيف كان قالي هيجيب معاه و هو جاي بس كنت هعمله بكره بقى.
زينة : أنا بعت حد جابلي الطلبات دي على فكرة ووصلها لحد البيت أنا عارفه إن سيف محرج عليكي تفتحي لحد قولت اجي بنفسي بقى.
أميرة ::معلش يا زينة تعبتك.
زينة : تعب ايه بس يا أميرة؟!
بس هاتيلي كوباية مياة ابل ريقي الجو حر اوي النهاردة.
أميرة : حاضر.
زينة : عمي منصور قال انه هيروح يجيب الولاد من المدرسة.
أميرة : ايوه كلمني وقالي.. اتفضلي يا حبيبتي.
زينة : متشكرة.
أميرة : تتغدى معانا بقى.
زينة : لا غدا ايه واللي في البيت مين يغديهم ما انتي عارفه طنط مبقتش تقدر توقف زي الأول و أنا اللي بعمل كل حاجه.
أميرة : المهم انهم كويسين معاكي.
زينة : هو من الناحية دي الحقيقة ب يعاملوني زي بنتهم.
بس تعرفي اوقات كده بحن لبيتنا فاكره يا أميرة؟
أميرة : بتفكريني ليه بس؟!
زينة : صحيح انتي جيتي على طول يعني مطولتيش المرادي
ايه طردوكي ولا ايه؟
ههههههههههههه
أميرة : اسكتي على اللي حصل يا زينة كويس إنها عدت على خير.
زينة : خير ايه اللي حصل؟
اميرة : روحت انا وسيف والولاد نشوف ماما ونقعد معاها.
زينة : اه ما انا عارفه ايه اللي حصل بقى؟
أميرة : هناك بقى قاعدين بنتغدا لاقينا يسرا بنت خالي داخله علينا ومعاها نبيل اخوها.
زينة : نبيل اللي كان...
أميرة بحزن : ايوه.
زينة : وبعدين عملتي ايه؟
اميرة : سيف بقى شافه من هنا وقالي يلا نروح.
زينة : و تروحوا ليه كنتي قعدتي مع جوزك كملتوا أكل ولا كأنك شايفه اللي اسمه نبيل دا خالص وهو كان شوية وهيقوم يمشي... إلا صحيح هو بيدخل عندكم كده عادي؟
أميرة : ماما بتقول اول مرة من بعد ما كان عندنا بالمأذون.
زينة : متزعليش نفسك المهم الموقف عدى وخلاص ولا اتخانقتي انتي وسيف؟
اميرة : لا عدت على خير.
زينة : طيب
الحمد لله.
____________

في منزل إبراهيم...
نبيل بغضب : لا انتي عارفه بتعملي ايه كويس اوي يا يسرا وانا فاهم دماغك دي فيها ايه.
مش علشان ليكي تار عند فادي ابن عمتك ولا عايزة ترجعي العلاقات زي زمان تستخدميني في اللعبة بتاعتك دي.
يسرا : تصدق انا غلطانه اللي عايزة الأمور ترجع لطبيعتها وتقدر تدخل بيت عمتك عادي من غير أي حواجز ولا خلافات قديمة بس معلش اخر مرة.
نبيل : ياريت يكون احسن وبلاش بقى نغمة الصعبنيات دي علشان انا فاهمك كويس اوي انتي مبتجريش في حاجه غير علشان مصلحتك وبس.
وبعدين فين مصلحتي انا في الموقف اللي حطتيني فيه دا؟!
دا انا اتهزأت بالذوق.. ولا انتي مش فاهمه معنى إن أميرة بنت عمتك تنزل هي وجوزها اول ما يشوفوني كأنهم شافوا عفريت ولا دي قليلة؟!
يسرا : ما هي قليلة الذوق هي وجوزها.
قال فاهم يعني هو بكده إنها بيحبها وخايف عليها من البعبوع اللي هو احنا يعني!
نبيل : انا مليش فيه المهم متكرريش الحوار دا تاني ولا يتكرر ليه اصلا انا مش هخرج معاكي نروح هناك اصلا.
يسرا : بس تصدق احلويت بعد ما اتجوزتك بس انت اللي معندكش مخ.
نبيل : سيبناهولك يا اختي.
عاليه : ما كفايه بقى انتو هتفضلوا تتشاكلوا كده مع بعض؟!
يسرا : الاستاذ شايف إنه اتهان.
عاليه : بصراحه بقى يا يسرا اني مش شايفه يا بنتي إن المشوار دا كان له لازمه اصلا.
يسرا : انا كنت رايحه لعمتي يا ماما ولاقيتهم كلهم متجمعين هناك كنت هعرف منين بس؟!
عاليه : خلاص حصل خير.
______________