ဧကရီ၏ ကချေသည် [ဧကရီ၏ ကေခ်သည္ ]

Part - 26 [Unicode]

လပြည့်ညကျော်လွန်ထားတာမကြာသေးသောကြောင့် လရောင်သည်ဖျော့တော့စွာ လင်းလို့နေသည်.. ဘုရင်မ ထွက်သွားသည်မှာအချိန်အားဖြင့် မကြာသေးသော်လဲ ပွဲအတွင်းတွင်တချို့တလေသာရှိတော့သည်..
ဖြစ်ပျက်သွားသော အဖြစ်အပျက်အား အံ့ဩတကြီးဖြစ်နေရကာ သိချင်စိတ်များ တဖွားဖွားဖြစ်နေကြသည့် လူများကတော့ ဇွဲကောင်းစွာ စောင့်လို့နေသေးသည်.. ဒန်လုသည်လဲ ဘုရင်မ၏အမိန့်ကြောင့် ပွဲရှိဧည့်သည်များအား အစွမ်းကုန် ဖြေရှင်းဧည့်ခံနေရသည်.. သူ၏စိတ်ထဲတွင်တော့ မကောင်းသောအငွေ့အသက်ကိုရနေလေသည်..

ဖျော်ဖြေရေးသဘင်သည်များသည်လဲ ပီးဆုံးသွားပီဖြစ်တာကြောင့် စကားသံများကလွဲ၍ ဆူညံ‌နေခြင်းမရှိပေ . .

ရုံလေးကိုယ်တိုင်သည်လဲ အဆောင်တော်သို့မပြန်နိုင်သေးပေ .. ဘာတွေဆက်ဖြစ်မည်ဆိုတာ ထိတ်လန့်စွာပင် စောင့်လို့နေရသည် .. သို့သော်လဲ ဒီကိစ္စတွင် သူဆိုတာကို သိနိုင်မည်မဟုတ် ..

ရုံလေး၏နှုတ်ခမ်းတွေကကျေနပ်စွာတချက်တွန့်ကာ ပြုံးလိုက်ရင်း လက်ဖက်ရည်ခွက်အားကိုင်ကာသောက်ဖို့ပြင်လိုက်ချိန် . .

အားလုံး၏နားထဲတွင် ကြားလိုက်ရသည်က မြေပြင်တွင် ဓားတလက်အား တရွတ်တိုက်ဆွဲလာခြင်းပေ .. ထိုအသံသည် ညလယ်အချိန်တိတ်ဆိတ်ငြိမ်သက်ခြင်းကို ဖြိုခွဲလိုက်ပီး ကျောချမ်းဖွယ်ကောင်းလွန်းလှသည်..

ပွဲရှိလူများအားလုံးသည် အသံကြားရာအလန့်တကြားကြည့်လိုက်ကြတော့သည်..

" ဘုရားရေ ... "

" ဒါက .. ဘယ်လိုဖြစ် ... "

အာမေဍိတ်သံများပါးစပ်ဖျားဆီမှထွက်ကျလို့လာကြကာ အစေခံများအားလုံးသည် မြေပြင်တွင်ဝပ်ချအရိုသေပြုကြတော့သည်.. ဒန်လုတယောက်မှာတော့ သူစိုးရိမ်သလိုဖြစ်လာခဲ့၍ ထိတ်လန့်လို့သွားရသည်..

သူတို့၏ဧကရီဘုရင်မဟာ လူသတ်အရိပ်တို့ ခြံရံရင်း ပွဲရှိရာသို့တလှမ်းခြင်းလှမ်းလို့လာနေသည်.. လရောင်ဖျော့ဖျော့အောက်တွင် တလတ်တလတ်တောက်ပနေသော ဓားရောင်သည် မျက်စိပင်ကျိန်းရလောက်သည်.. တည်ငြိမ်သောခြေလှမ်းတွေကိုလှမ်းနေသော ဘုရင်မ၏မျက်နှာတော်သည် ပြိုကျတော့မည့်မိုးလို မဲမှောင်ကာ မျက်လုံးတို့မှာ ဒေါသတို့ကြောင့် ရဲလို့နေသည်.. ဝတ်ရုံနီနီတို့က လေမှာလွှင့်နေပီး ဂုဏ်အသရေကြီးမားစွာ ခန့်ညားလို့နေသည် .. သို့သော်လဲမြင်သူတိုင်းက ထိတ်လန့်ကြောက်ရွံ့ရအောင် အေးစက်လို့နေသည်..