My Demon (When Childish Meets Badboy)

Ch. 65

My Demon [Ch. 65]

"Ano ba yan may bagyo bukas," sabi ni Elaine, ang Vice President.

"Excited much ka sa pagdating ng bagyo! Sunduin mo na kaya?" sarkastikong tugon ni Angelo sa kanya.

Nagtawanan sila habang naglalakad.

Sa halos isa't-kalahating oras na paghihintay ko dito sa lobby sa wakas at natapos na rin sila. Nung makita ako ng best friend ko, kumaway siya sa'kin. I smiled at him.

Nagpaalam siya sa mga kasama niya tapos kumembot palapit saakin.

"Ang chaka mo today, Sistar. Anong meron at nakasimangot ka?" Pumawaywang pa siya sa harapan ko.

"Wala," sagot ko. "Inaantok lang ako."

"Sauce! Inaantok daw. Tara, mag-shopping nalang tayo." Hinatak niya ako patayo at hinila.

Nilibre ako ni Angelo ng ice cream sa Gelatissimo para daw manumbalik ang ka-hyper-an ko. After that, nagpunta kami sa Fully-Booked sa Serendra. Bumili lang siya ng Ana And The French Kiss matapos ng ilang oras naming pag-iikot sa bookstore na ito at nagbasa ng hanggang Chapter one lang naman nung librong napagtripan naming basahin.

Bumalik kami sa Market! Market! para mag-stroll. Sa tingin ko pinapagod lang ako nitong kaibigan ko eh. Pa'no nanggaling na kami kanina dito, lumabas para bumili ng ice cream doon nga sa Gelatissimo, then, tumawid papuntang Fully-Booked. Tapos bumalik na naman dito sa Mall.

But it's fine with me anyway. Ang sarap kasama ni Angelo eh, kalog. And besides bonding na rin namin ito.

Pagkatapos namin mag-window shopping sa department store, pinasukan namin ang genevieve gozum.

"Nice, kapangalan ni Author," ani Angelo bago kami makapasok sa loob.

Para makabawi kay Angelo dahil kanina pa niya ako nililibre, bumili ako ng dalawa mustache ring. Red and black. Binigay ko kay Angelo yung black tapos akin naman yung red.

"Aww. Thank you, Sistar, for this friendship ring." Niyakap niya ako.

Sumakay kami ng elevator papunta sa fifth floor, sa Timezone. Naglaro kami ng naglaro hanggang sa nag-ring yung phone ni Angelo.

"Hello?" Tumingin sa'kin si Angelo. "Opo . . . sa mall po. Kasama ko po si Soyu . . . sige po . . . opo."

Sooobrang galang ni Angelo. Isa lang ang ibig sabihin nito, kausap niya sa phone ang daddy niya. Uh-oh!

Binaba na ni Angelo ang tawag tapos binulsa na muli ang phone niya. "Sistar, kailangan ko ng umuwi."

"Bakit, umuwi na ba daddy mo?"

Umiling siya. "Next year pa uwi niya. Pero kasi si Mommy..."

"Ha? Anong nangyari kay tita?" Nagsimula na kong mataranta at mag-panic.

"Wag OA, Sistar. Ako ang anak hindi ikaw." Facetious as ever!

"Oo nalang. Ano bang nangyari?"

Naglakad na kami.

"Nag-away daw sila ni Daddy habang magka-chat sa Skype. Ayun, umiyak daw si Mommy tapos ni-log-out-an siya."

"Ah," I now get it. "pinapauwi ka ng Daddy mo para may mag-comfort sa Mommy mo?"

Tumango siya. Ayiie! Ang sweet ng Daddy niya!

"Kalurkey. Ang tatanda na nila umi-LQ pa rin," naiiling na puna niya.

Natawa nalang ako.