My Demon (When Childish Meets Badboy)

Ch. 59

My Demon [Ch. 59]

 

Nanliligaw sa'kin si Demon. Ibig sabihin gusto niya rin ako.

Gusto ako ni Demon. Kyaah!

 

Di ko mapigilan ang kilig kaya inub-ob ko nalang ang mukha ko sa desk. Kanina pa ko parang lutang. Walang ibang pumapasok sa isip ko dahil occupied ng mga salitang "Nanliligaw" at "May gusto sa'kin si Demon" ang utak ko. Nakakapraning na!

"Kinikilig ang bruha."

Inangat ko ang ulo ko. Si Angelo, nakaupo na sa tabi ko.

"Di ah! Inaantok lang ako," katwiran ko sa kanya.

"Inaantok your face! Kala mo naman hindi kita pinagmamasdan kanina pa. Hello? Kanina pa kaya kita nahuhuling nakangiti mag-isa! Grabe ka, Sistar! Crazy in love ka na."

Nag-pout nalang ako. Kasalanan mo 'to, Demon! Nakita mo na ang dinulot mo sa'kin? Lutang. Hindi ako nagdi-daydream kapag may time katulad ng ginagawa ko kay Johan. Kusa ka nalang pumapasok sa utak ko kahit time ng klase.

Ang hirap ng ganito. Hindi ako masyadong makapag-focus. But on the second thought, masaya na nakakakilig.

"Kitams. Ngumingiti ka na naman," puna ni Angelo.

"Kasi naman eh! Dun ka nga, Angel!" pagtataboy ko sa kanya. "Maghanap ka ng pogi tapos yun ang titigan mo. Wag ako."

"Sauce. Nahiya pa ang bruha. Okay lang yan. Normal lang yan sa taong inlababo." He stood up. Akala ko lalayuan niya na ako. Ayun pala yayakapin ako. "I'm so happy for you, Sistar! Susuportahan ko yang first love life mo. I swear!"

"Sarmiento, may naghahanap sa'yo!" tawag ng classmate kong lalaki.

Lumayo si Angelo para makatayo ako at puntahan ang taong naghahanap sa'kin. Sinamahan pa niya ako na lumabas ng classroom.

Nanlaki ang mga mata ko habang si Angelo ay napatili. Kaya naman pala may tilian at landian akong naririnig kanina nung nasa loob pa kami ng classroom kasi nandito lang naman si Ployj.

May hawak siyang boquet ng bulaklak at isang basket ng chocolates. Halos magningning ang mga mata ko pagkakita ng mga chocolates.

Ngumiti si Ployj pagkakita sa'kin kaya lalong lumakas ang tilian ng mga kababaihan pati na rin ng mga bakla. Nakakabingi. Lalo na yung tili ni Angelo na nangingibabaw sa lahat.

Lumapit si Ployj sa'kin at binigay ang mga dala niya.

Tinanggap ko naman yun. Napansin ko ang note na nakadikit sa basket ng chocolates. Sigurado akong hand written ito ni Demon. Parang kinayod ng manok eh.

Magpapasalamat pa sana ako kay Ployj kaso nung pagtingin ko sa kanya, naglalakad na siya palayo. Hands on his pockets. Grabe! Kakaiba ugali nun ah. Pareho sa kaibigan niya.