My Demon (When Childish Meets Badboy)

Ch. 27

My Demon [Ch. 27]

 

Kriiing! Tumunog na ang bell. Hudyat na oras na para sa lunch break. Matapos magpaalam sa'min ng English teacher namin, lumabas na siya ng classroom.

Kami namang mga estudyante, kanya-kanya sa pag-aayos ng mga gamit. Yung iba nagre-retouch.

"Soyu!" Boses ng crush kong sent from above. Hihi!

As I looked over my shoulder, I saw him heading towards me with a broad smile written on his angelic face.

"For you." Inabot niya sa'kin ang plastic box na may red lace at logo ng brand name nung nasa harapan ko na siya.

"Ano 'to?" tanong ko habang ini-inspect ang laman ng plastic box. Chocolate muffins. Lalagyan palang, alam mo ng signatured and expensive product.

"Sinamahan ko kasing mag-shopping si mommy and then nung nagpunta kami sa Yummuffins, naalala kita. Pinili ko talaga yung chocolate flavor kasi madalas kitang nakikitang kumakain ng chocolates."

Hindi ako agad nakasagot. Dalawang lalaki na ang nakakapansin na chocolate lover ako. At nagbigay din silang dalawa ng pagkain na talagang magugustuhan ko. To think na hindi ordinary guy ang dalawang iyon. Ako na ba ang may pinakamahabang hair sa balat ng lupa?

"Uh, sana magustuhan mo," dagdag na sabi niya nang hindi pa rin ako nakakapagsalita.

"Johaaan!" Sa sobrang saya ko, niyakap ko siya. "Thank you! Thank you, thank you at ang bango-bango mo!"

Narinig ko siyang nag-chuckle. Imagine, binigyan ka ng mismong crush mo ng chocolate muffins? Tapos sinabi pa niya na naalala niya ako. Hihi! Enebe! Gumaganda takbo ng love life ko ngayon ah.

Nakarinig ako ng malakas na fake-cough kaya lumayo ako. Si Angel, nakapamaywang at nakataas ang isang kilay habang nakatingin sa'kin.

"What was the meaning of that?" nagmamalanding tanong niya.

Maya-maya lang nakita ko na sa background niya sina Andrea, Nicole, Carla at Irah na papalapit sa'min. Heto na naman po sila.

"Wag ka ngang ganyan makatingin, Angel! Sa sobrang saya ko kaya ko siya nayakap. Binigyan niya kasi ako ng ganito." Pinakita ko sakanya ang binigay sa'kin ni Johan na chocolate muffins at winave-wave. "Ang bait talaga ni Johan."

Tumingala ako para tingnan si Johan. Nakayuko siya at nakatingin din sa'kin habang nakangiti. Ang gwapo talaga niya lalo na kapag naka-smile!

"Wow, ang sweet naman sa'yo ng crushmmmp!" Hindi na natuloy ni Andrea ang sasabihin niya dahil biglang tinakpan ni Nicole ang bibig niya.

Sabi ko secret lang namin yun eh.

"Pare, tara na!" pagyaya ni James kay Johan. Kaibigan niya ito at pareho silang kasali sa FH Warriors, ang basketball team ng Fuentalez High.