My Demon (When Childish Meets Badboy)

Ch. 28

My Demon [Ch. 28]

 

"Ang dami naman nito. Sabi ko baked mac lang eh," sabi ko habang tinitingnan ang mga pagkain sa table. Halos na-occupy na ang buong space ng lamesa ng mga pagkain.

Pero sa totoo lang, ina-attract ako ng aroma ng pagkain. Busog pa naman ako at parang wala akong ganang kumain. Ganito ako kapag kakatapos lang kumain ng maraming chocolate.

"Kunyare pa 'to. Wag ka na ngang mag-inarte! Kumain ka nalang dyan." Kita mo 'to. Hindi mo alam kung matutuwa ka dahil sa panglilibre niya ng marami at napakasarap na pagkain o maiinis dahil sa pagiging masungit niya.

Okay na yung papakainin niya ko, kaso nagsusungit pa na akala mo lalaking nagme-menopause.

Almost perfect na siya eh, sumablay lang sa ugali. Hmp! Nobody's perfect talaga.

Hindi nalang ako nagsalita kasi kahit anong sabihin ko e hindi rin naman ako mananalo sa lalaking 'to.

Ni-reach ko yung letuce at sinawsaw sa flavored mayonaise. Medyo naiilang akong kumain kasi ramdam kong pinapanood ako ni Demon. Hindi siya kumakain basta tahimik lang siyang nakatingin sa'kin.

Very thanks to my long-curly-pretty hair na nagagawa kong shield para takpan kahit papaano ang gilid ng mukha ko. Ikaw, try to imagine na pinapanood ka ng isang Keyr Demoneir Fuentalez na ubod ng kagwapuhan (yun nga lang punong-puno ng kasungitan), hindi ka ba kikiligin ̶  este maiilang?

"Hoy, sinong nagsabi sa'yong kumuha ka dyan? Kay Soyu lang yan!" Demon snapped at Angelo.

Tumingin ako sa kaibigan ko. Malapit na niyang makuha yung isang spicy chicken sa plate pero para siyang nag-froze habang nakatingin kay Demon.

Natawa ako kasi ngayon ko lang nakitaan ng ganitong ekspresyon si Angelo knowing na palaban siyang beki. Oh well, si Demon naman kasi ang kaharap niya.

"Nagugutom na ko eh." Tumingin sa'kin saglit si Angelo tapos balik na kay Demon. Aba! Ginaya pa nito ang way ko ng pagsasalita pati na rin ang pag-pout.

"Sagwa nito. Bumili ka kung gusto mo. Kulang pa nga 'yang mga yan sa kulot na 'to eh." Halos mabulunan ako sa sinabi ni Demon. Anong tingin niya sa'kin? Pig?! Ha! Cute ako hindi pig!

"Hayaan mo na nga siya! Mukha ba kong baboy, ha?" wika ko sakanya habang pinandidilatan siya ng mata.

"Bakit hindi ba?" balik tanong niya sa'kin.

"Argh! Kainis ka talaga!" sambit ko at pinagpapapalo ang balikat niya.

Todo ilag naman siya at tinutulak palayo ang mga kamay ko. "Ano ba! May sauce yang kamay mo."

Hindi ko siya pinansin at pinagpatuloy ang paghampas sakanya hanggang sa napagod na ko.

"Aish! Look what you've done!" singhal niya at pinakita sa'kin ang coat niyang may bakas ng sauce na pinagsawsawan ko ng chicken leg kanina.