My Demon (When Childish Meets Badboy)

Ch. 72

My Demon [Ch. 72]

 

Nag-text sa'kin si Angelo kanina na hindi daw siya papasok kasi nawawala daw yung kuko niya sa paa. Hahanapin pa daw niya. Nyenyenye. Nag-beau-beauty rest lang yun kasi next week na ang graduation ball namin.

Wala ng masyadong ginagawa ngayon kaya nandito ako sa quadrangle. Ako lang ang mag-isa. Ini-scan ko ng paulit-ulit yung mga stolen pictures ni Demon na kinuha ko noon. May kuha siyang nakanganga pero ang gwapo pa rin. May kuha din siyang mukhang kengkoy pero gwapo pa rin. Ang daya lang.

"Soyunique!"

Mula sa phone, nag-angat ako ng tingin. There I saw Johan. Naglalakad siya papunta sa'kin na may dalang ngiti.

Tumayo ako sa kinauupuan ko at hinintay siyang makalapit.

"Hi," bati ko sa kanya.

"Para sa'yo," sabi niya. In-extend niya yung kamay niyang may hawak na paper bag. "Advance graduation gift ko sa'yo."

"Hala, ayoko, Johan," tanggi ko. "Nakakahiya. Wala akong regalo sa'yo."

"Wag ka nang mahiya." Kinuha niya ang kamay ko tapos nilagay doon ang handle ng paper bag. "Hindi naman ako nanghihingi ng kapalit e. Gusto lang talaga kitang bigyan ng regalo. At isa pa, balita ko ikaw daw ang valedictorian. Congrats!" Ngumiti siya tapos pinisil ng mahina ang pisngi ko.

Nagpasalamat ako sa kanya.

"Buksan mo," utos niya nang hindi inaalis ang ngiti. "Im sure magugustuhan mo yan."

Sinunod ko ang inutos niya. Naglalaman ito ng ancient greek sandals. Nagningning ang mga mata ko. Ito kasi yung gustong-gusto kong bilhin nung nagpunta kami sa Market! Market! kaso di ko afford. Ang mahal kasi. Di ko inakala na napansin pala 'yon ni Johan.

"Thank you, Johan!" Sa tuwa ko, yayakapin ko sana siya nang...

"Padaan."

Naudlot ang moment ko, na si Demon lang naman ang may dahilan. In fairness sa kanya pumasok siya ngayon.

"Bingi ka ba?" sambit niya habang sinasamaan ako ng tingin.

Sumimangot ako at humakbang paatras. Tinapunan niya muna ng tingin si Johan bago dumaan sa gitna namin. Binunggo pa niya sa balikat si Johan.

Ito namang si Johan mukhang papatulan pa si Demon kaya agad akong lumapit sa kanya at pinigilan siya.

"Hayaan mo na siya. Alam mo naman ugali nun," sabi ko sa kanya habang sinusundan ng tingin si Demon na nakatalikod at naglalakad palayo. Nakapamulsa pa.

 

"Nagseselos." Umiling-iling siya. "Ako nga dapat ang magselos e," halos bulong na sabi niya pero rinig ko.