My Demon (When Childish Meets Badboy)

Ch. 09

My Demon [Ch. 09]

"Oh, Sistariray, tubig." Inabutan ako ni Angelo ng tubig. "Ano ba kasing nangyari? Bakit takot na takot ka?" tanong pa nya tapos umupo sa tabi ko.

Nasa SC office kami ngayon. Na-pause ang meeting session nila dahil sa pagsugod ko dito. Nakakahiya nga eh. Sa sobrang takot ko kasi kay Demon kanina, nagtatatakbo ako at naisipan na dito pumunta kasi alam kong hindi nya ako susundan dito. Besides, nandito si Angelo na pwede akong ipagtanggol. (Weh?)

Akala ko hindi ko na ulit masasalubong ang Demon na yun, pero hindi ko lang pala sya masasalubong. Nagkaatraso pa ulit ako. Haluh, baka kung anong punishment na naman ang ibigay nun sa'kin. Umaapaw pa naman sa pride ang lalaking yun at hindi makakatulog ng hindi nakakaganti sa taong nakagawa ng atraso sakanya.

"Oo nga, miss. Namumutla ka pa. Gusto mo dalhin ka namin sa clinic?" concern na sabi ni Janina, ang president ng student council.

Umiling ako bago uminom ng tubig. Pagkatapos, pinunasan ko ang bibig ko using the back of my hand. "Kasi si ano eh . . ." hindi ko na natapos pa ang sasabihin ko dahil nag-play sa utak ko ang nakakatakot at kagimbal-gimbal na itsura ni Demon.

"Soyuness!" Tinapik-tapik ako ni Angelo. "Nagba-violet ang lips mo. Atsaka bakit ka ba nakatulala? Nakikita mo na ba si Kamatayan?" Kinilabutan ako sa sinabi ni Angelo na kamatayan.

"Nasaan?" Lumingon-lingon ako. "Nasaan si Demon? Waaah! Itago mo ko sa palda mo, Angel!" Hinila ko ang uniform ni Angelo at pinasok ko ang ulo ko sa loob ng polo nya.

"Hey, enebe, bakla! Wag mo nga kong manyakan!" Kahit anong pilit nya na alisin ang nagtatago kong ulo sa uniform nya, hindi sya nagtagumpay dahil todo yakap na ako sakanya. At wala na syang ibang magawa kundi ang hayaan ako na magtago sa loob ng uniform nya. Naka-sando naman sya sa loob kaya hindi ko sya mabobosohan. Eww lang!

Sa ilang minutong pagtatago sa loob ng uniform ni Angelo, feeling ko masu-suffocate ako pero medyo lang naman. Keri ko pang magtago.

"Let's continue our meeting," narinig kong sinabi ni Janina. And ayun na nga, pinagpatuloy na nila ang meeting nila na naistorbo ko. Huhu, sorry for that. Hihingi talaga ako ng paumanhin sa kanilang lahat mamaya.

Panay ang palitan nila ng suggestions. No doubt, tungkol sa school fair ang pinag-uusapan nila. My favorite school event! Kahit nakatago ang ulo ko sa loob ng uniform ni Angelo at nakayakap ako sakanya, nag-e-enjoy pa rin ako dahil napaka-interesting ng topic nila dahil school fair talaga ang pinakamasayang event para saakin. At isa pa, comfortable ako sa pwesto ko kasi ang bango ni Angelo. Haha! Bakit kasi naging binabae pa 'to eh.