VIRTUAL REALITY: OVERPOWERED CHARACTER

CHAPTER IV: GRINDING AND GATHERING

RAGE'S POV

Hapon na nang magkahiwalay kami ni Yam sa laro. Pupunta siya sa Level 10 Map habang ako naman ay patungo sa gubat sa Level 1 Map. Isa sa mga hinahanap ko ay ang Lavender flower, na sinasabing nakakatulong para mag-relax dahil sa bango ng mga dahon nito. Makikita ito sa buong Level 1 map, pero bukod doon, hinahanap ko rin ang Passion Flower, na kapag inilagay sa nasunog na balat, ay tumutulong sa paghilom.

May iba't iba rin akong herbs na hinahanap tulad ng:
Turmeric
Aloe Vera
Coconut Oilat iba pang halamang-gamot na gagamitin ko para gumawa ng potions.

Ang mga ito ay magsisilbing lunas sa paso, sugat, lason, at iba pa. Plano ko ring subukan ang kombinasyon ng mga herbs para tingnan kung ano ang magiging epekto nito.

***
Forest of Spices, Level 1 Map

Habang abala ako sa pagkolekta ng mga kailangan, hindi ko namalayan ang oras. Umabot na ako ng siyam na oras paikot-ikot sa kagubatan.

"Grabe, kakalakad ko natagpuan ko na ang lawa na ito." Napatingin ako sa isang maliit na lawa—ang Lake of the Water Deity. Ayon sa kwento ng mundo ng Haidra, ang lawa na ito ay pinaniniwalaang tahanan ng mga sinaunang diyosa, at ang tubig nito ay may kakayahang magpagaling ng anumang sakit. Napapaligiran ito ng mga halamang-gamot at bulaklak na tumutubo lamang dahil sa tubig mula sa lawa.

Ayon sa alamat, ang tubig mula sa lawa ay may espesyal na basbas. Maaari mo itong gamitin para i-bless ang iyong sandata at armor bago harapin ang Big Boss ng laro. Ang kaalaman ko tungkol dito ay galing sa isang lihim na quest:

[SECRET QUEST OF THE BLUE DEITY]

A SECRET AWAITS YOU, HERO! Seek out the Lake of the Water Deity and use its healing waters to bless your armor and weapon.

REWARDS:
1 Trillion Gold
20% Winning Rate when fighting the Big Boss

Naglabas ako ng barrel at kinolekta ang tubig mula sa lawa. Hindi ko naman ito mauubos dahil napakarami. Matapos makolekta ang tubig, nagpatuloy ako sa paggalugad. Nakakita pa ako ng mga halaman na may lason. Mabuti na lang at nabasa ko ang mga impormasyon tungkol sa mga ito; kung hindi, malamang nalason na ako.

Pagkatapos kong mag-log out, napansin kong nasa kwarto na ako.

GROWL...
GROWL...
GROWL...

Nagugutom na naman ako. Sa laro, tila nakakain na ako, pero siyempre, ang tunay kong katawan ay gutom pa rin. Mabuti na lang at ang headgear at mga machinery ay tumutulong para kahit papaano, nakakakuha pa rin ako ng nutrients habang naglalaro. Bago magsimula ang laro, may ituturok sa katawan na magbibigay ng sapat na sustansya para hindi ka magutom kaagad. Kailangan lang itong palitan paminsan-minsan.

Bumaba ako sa maliit kong apartment at dumiretso sa kusina. Kumuha ako ng itlog mula sa refrigerator at agad na nagprito. Naghanda rin ako ng sinangag. Pagkatapos kumain, nag-ayos na ako ng kusina nang biglang may kumatok.

Sumilip ako sa peephole at nakita si Mrs. Nafertari. Binuksan ko ang pinto at binati siya,
"Magandang umaga po, Mrs. Nafertari. Pasok po kayo." Napansin ko ang kasama niyang isang dalagang babae na tahimik at maganda.

"Oh, Ijo! Guguluhin ka muna ng anak ko. Nasabi ko na ito sa mama mo, at pumayag naman siya. Ito nga pala si Alina, anak ko. Sabi ng mama mo, may bakanteng kwarto sa tabi ng sa'yo. Baka puwedeng dito muna siya pansamantala. Mabait 'yan at marunong sa gawaing bahay. Hindi rin maingay, laging nasa isang tabi, nakikinig ng music o naglalaro." Masayang sabi ni Mrs. Nafertari.

"Okay lang po, walang problema." Sabi ko, bagamat naisip ko kung nalinis ko ba ang pangalawang kwarto.

"Salamat, Ijo! May business meeting ako ng isang buwan, kaya dito muna si Alina. Ok lang ba?" Pagtatanong ni Mrs. Nafertari.

"Opo, walang problema." Sagot ko.

Tumingin ako kay Alina at napansin kong may earphones siya. Tahimik lang siya at tila walang interes sa paligid. Wala siyang sinabi o kahit ngiti man lang, pero halatang maganda at maayos siyang babae—tipong hindi kailangang ngumiti para mapansin ang kanyang ganda.

Nakita ko ang mga bagahe niya sa labas, kaya binuhat ko na ang mga ito papunta sa bakanteng kwarto. Nang mabuksan ko ang pinto, napansin kong malinis naman ang kwarto. Pagkababa ko, nakita ko si Alina na nakaupo sa sala, nakaalis na rin ang Mama niya.

"Kumain ka na ba? Gusto mo bang magpahinga muna sa taas?" Tanong ko.

"Kakakain ko lang bago kami pumunta dito. Puwede bang gamitin ko ang kusina mamayang gabi? Ako na magsasaing." Sagot niya nang seryoso.

"Oo, okay lang. Ito, remote, baka gusto mong manood muna ng TV." Sabi ko at iniabot ang remote.

Wala akong ibang iniisip kundi maipasa ang remote sa kanya. Wala ring intensyon na bigyan ng kahulugan ang simpleng paghahawak namin ng kamay.

***

Level Up to Unlock the Next Chapter!

You've reached the end of [VR:OPC - CHAPTER 4]. To discover what happens next in this thrilling adventure, you'll need to level up your skills.

1. Engage with the Story: Comment, vote, and share, or discuss the story with other readers.

Once you've completed these tasks, you'll be ready to level up and unlock the next chapter. Are you ready to take on the challenge?