Unicode
ခြံရှေ့က ကျယ်လောင်စွာမြည်သည့်ကားဟွန်းသံကြောင့် မေမေဟင်းထည့်ပေး ထားသည့် ဗူးလေးတွေဆွဲပြီး ခြံရှေ့အပြေးသွားရသည်။ ဦးဝေကိုမျက်နှာချင်းဆိုင်ဖို့ခက်ခဲတာကြောင့်တံခါးဝမှာတင်ရပ်ကျန်ခဲ့သည့်မေမေ့ကို လက်ပြရင်း ခလုတ်တိုက်မလိုဖြစ်သွားသေးတာကြောင့်အရှိန်မနည်းထိန်းလိုက်ရသည်။ ကားပေါ်တက်တော့မျက်ခုံးတွေတွန့်ချိုးပြီးကြည့်လာတဲ့ဦးဝေကြောင့် ဘာလုပ်ရမှန်းမသိ သူရိန်မျက်လုံးအ၀ိုင်းသား။
"ပေး...ဟင်းဗူးတွေ အနောက်မှာထား"
"ဟုတ်"
"လမ်းလျှောက်ရင် ဂရုစိုက်စမ်းသူရိန်။ ကလေးလည်းမဟုတ်ပဲ လမ်းလျှောက်တာကအစလိုက်သင်ပေးနေရမှာလား"
ကားပေါ်ရောက်တာနှင့် အဆူခံလိုက်ရတာကြောင့် သူရိန် စိတ်ကောက်ချင်ပေမယ့် အခုက စိတ်ကောက်လို့ရနိုင်သည့်အခြေအနေမဟုတ်ပါ။ ခပ်မှန်မှန်မောင်းလာသည့်ကားလေးထဲ သူရိန်ဦးဝေမျက်နှာကို ခိုးကြည့်ရသည်။ ပုံမှန်အခြေအနေဖြစ်နေသည့် မျက်နှာကြောင့် နာမည်ခေါ်ကြည့်သည်။
"ဦးဝေ"
"အင်း"
"ဟို......ကားကိုဘယ်လိုလုပ်မလဲ"
"မနက်မှ ကိုယ်လာယူခိုင်းလိုက်မယ်"
"ဟုတ်"
.
.
"ဦးဝေ"
"အင်း...ပြော"
"သားကိုစိတ်ဆိုးနေလား"
"မဆိုးဘူး"
.
.
"ဦးဝေ"
"ပြော"
"မနက်ကျောင်းသွားဖို့ ကားမရှိဘူး"
"ကိုယ်လိုက်ပို့မယ်"
"ဟုတ်"
.
.
"ဦးဝေ"
"ဇေသူရိန်"
"အိ.....ဗျာ"
"ဘာပြောစရာရှိလို့ဝေ့လည်ကြောင်ပတ်လုပ်နေတာလဲ"
"ဟို.....အဲ.....pizza စားချင်လို့...အဲ့ဒါ....ဟီး....."
"ဟုတ်ပြီ....ဝယ်ပေးမယ်။ ငြိမ်ငြိမ်လေးလိုက်ခဲ့။ အိမ်ရောက်ရင် ကိုယ်နဲ့ရှင်းစရာရှိသေးတယ်"
".........."
သူရိန့်သဘောအတိုင်း pizza hut မှာ ဦးဝေက pizza တစ်ချပ်ဝင်ဝယ်ပေး၏ ရေခဲသေတ္တာထဲက coke ဗူးကိုမျက်စိထဲ မြင်ယောင်လာတော့ သူရိန်အိမ်မြန်မြန်ပြန်ရောက်ချင်လာသည်။ သို့သော် ကိုယ်နဲ့ ရှင်းစရာရှိသေးတယ် ဆိုတဲ့စကားကြောင့်တော့ သူရိန် အိမ်ပြန်မရောက်ချင်။ ဦးဝေ ဝယ်ပေး ထားတဲ့ကားကို မမ ကိုပေးမောင်းလို့ဆိုပြီး အိမ်ပြန်ရောက်ရင် ရိုက်တော့မရိုက်လောက်ဘူး မဟုတ်လား။ ပီဇာဗူးလေး ပေါင်ပေါ်တင်ပြီး ဦးဝေ မျက်နှာ ပြန်ခိုးကြည့်မိသည်။ ဒေါသထွက်နေပုံတော့မပေါ်ပေမယ့် သိပ်တော့ စိတ်ကြည်ပုံမရ။
.
.
ВЫ ЧИТАЕТЕ
သက်ဆိုင်သူ (Unicode+Zawgyi)
Художественная прозаpunishment type ပါ။ အဆင်ပြေတယ်ဆိုမှဖတ်ပါ။
