روايـــــــــــــة ✍🏼 { كئيب الليل ياطفلة يغيب الكل لا غبتي }مكتملة

البارت الرابع والخمسون

يزن انصدم : عزام عزام انتبه انت تغلط كل هذا التفكير غلط
تركي : عزام فعلا احنا مالنا اي علاقه ولا تخطط الموضوع ولا شي عزاام انتبه
يزن : شوف احلف لك بجلال الله واقسم لك هذا كله مو مخطط له وكل اللي انت تعرفه هو الحقيقه
تركي : ي عزام احنا صاحبناك وحبيناك وعرفنا انك كفو ومو من صفاتنا الغدر حلفنا بوجه الله العزيز ولا فيه اغلى من وجه الله احد
ضاري كان واقف مثل الالف الناس كلهم بجهه وهو يفكر ان نور صارت بنت عم عزام وهذا يسهل له زواجه منها

بعد محاولات وايمان من تركي ويزن في اقناع عزام انهم مو متفقين وقف عزام وهو يقول : اوك اوكككك ابشروا حلفتوا بالله بصدقكم اولا عشانكم حلفتوا بالله ثانيا عشان العشره واحنا مو خوانين عشره ونشوف وش الايام تكشف بس عشان ترتاحون انا خسرت الثقه فيكم
تركي نزل راسه : ما الومك على اللي تسويه بس اتمنى إنا ما نخسر علاقتنا عشان هالشي
يزن : عزام انا سلمتك روحي واختي ووثقت فيك لاني ادري انك كفو مقدر اعاتبك على اي شي تسويه لاني مو فاهم اي شي لكن على قولك الايام تكشف لك الحقيقه
تحرك ضاري وتركي بيطلعون وقف يزن وهو يقول : لو سمحت نادي نور باخذها معي
عزام ابتسم :  لا معليش نور بتظل هنا ولا بتروح
يزن: اقدر افهم ليش
عزام ببساطه :ما اخفيك ي صديقي ضمان ثقتي فيكم
يزن: عزااام لا تنجن نور مالها شغل بأي شي
عزام : لا تخاف لا تخاف مستحيل أأذي نور لو ابي أذي احد اعرف من أأذي بس نور لا حتى لو كانت رغم التخطيط
تركي : يزن تعال نور هنا بتكون بأمان عشان جدي مايقدر يجيها
ضاري : ايه ي يزن جدك مابيقدر يجي هنا عشان كذا
سكت يزن وطلع وطلع تركي بعده وبعدهم طلع ضاري اللي شاف ان الوضع مو متحمل جدل
التفت عزام على صوت نور اللي كانت واقفه : عزاام
عزام : نعم
نور بصوت مبحوح : حرام عليك تشكك فينا احنا مو سلع نبيع ارواحنا ونخطط ونجرم انا ظليت عندكم كثير مستحيل اغدر او اخون ولو ان لي جد وابو خاينين احلف لك باللي رزقك بولدك ان محد مخطط لهذا ولا احد يدري من قبل شوي عرفنا انكم تطلعون عيال عمي اصلا ما درينا ان عمي كان متزوج عزام لا انا ولا يزن ولا تركي خاينين وغدارين انا ادري انك ما تثق بأحد بس على الاقل اوثق فيني انا في نور
عزام كلامها هزه حتى لو كان معصب ومو واثق في احد بس يرتاح لها كثير وحتى لو شافها بعينه تخطط وتخون ماصدق
نزل راسه وهو يقول : لك اللي تبين ي نور لك اللي تبين
دخلت نور جوا وهي تبكي ماعاد همها حصلوها ما حصلوها المهم تكسب ثقة عزام اما عزام اللي توجه لطلال
عزام : مسوي نفسك بطل ي بابا فرحان مره باللي سويته اسمعني عاد هذا اخر انذار لك ي طلال والله والله والله لو ينعاد العصيان اللي صار اليوم لدفنك حي سامعني
طلال: ليش ما تبيني اسمع لابوي
عزام : مو شغلك اللي اقوله انا يمشي عليك وعلى اللي مايرضى
وقف وطلع وسكر الباب وقفله وهو يسب ويلعن
٠٠٠٠

اما الجد اللي جن جنونه وحلف الا يكسر راس عزام الكلب كيف يتجرأ يسوي اللي سواه كيف كان يصارخ ويكسر ويضرب كل شي : فتحيييييي
فتحي ركض: سم ي طويل العمر
الجد : تجيب كل معلومه عن الزفت عزام حتى متى ينام ومتى يصحى خلال ٣ ساعات بسرعه
فتحي : ابشر
ابو يزن: وش بتسوي يبه لا تنسى انه ولد سعود
الجد : بلعنته هو وسعود اذا ماوريته كيف يتطاول على اسياده ما اكون جابر الجابر
٠٠٠٠

اما يزن وتركي اللي وصلو الشقه ويزن فاير من الغضب
يزن : يستهبل هذا هاه يستهبل مسوي اللي قافط كل شي وهو مادرى عن شي
تركي جلس وهو يتنهد : اووووه خلاص ي يزن روق بعدين الرجال محد يلومه محد يلومه والله لو انا مكانه ويصير كل ذا ما اصدق انها صدف لو تبلعون اوراق المصحف لي من كثر الحلف من يصدق انت بس شوف ترتيب الصدف مو طبيعي كأن فعلا احد مخطط له انا اللي مو راضي يدخل مخي متى تزوج عمي عشان يطلق ويصير عنده عيال بهالسن ابي استوعب بس
يزن جلس : مدري الوضع يحط العقل بالكف كيف اجتمعوا كلهم بنفس الوقت انا مو قادر افهم الحمدلله انه ما اخذ نور
تركي : اتوقع ما جاء عشان نور لو يدري عن نور ما راح
يزن : هههههه بيروح حتى لو هو عارف انت شفت كيف انخرش من عزام
تركي : بيني وبينك شكل جدي نهايته على يد هالعزام
يزن: والله زين يسوي فيه عساه على القوه انا قلبي مرتااح الحين نور تأكدت ان لو يتقطع جدي ما يقدر ياخذها
تركي : في هاذي صدقت بس الله يستر على عزام لا تصير له مصايب من ورا جدي
يزن : ماعليك حنا بنساعده ونراقب جوال جدي نعرف تحركاته ونخرب عليه
تركي: انا في ذا الشهور اللي فاتت صرت مباحث مو دكتور
يزن : معليش هاذي للاسف الحياه
تركي: الله يعين ..