📖 روايـــــــــــــة ✍🏼
{ كئيب الليل ياطفلة يغيب الكل لا غبتي }
بعد المغرب عند نور اللي قالت لها امها ان ماجد بيجي يملك وجن جنونها قامت وهي تاخذ شنطة ظهر وتجمع فيها الاشياء اللي ممكن تحتاجها طلعت وهي تتسحب وراحت مكتب ابوها فتحت الخزنه اللي هي تعرف وين مفتاحها اخذت ظرف سحبت مبلغ يكفيها وهي مصره على رأيها وتدري مالها مفر الا هذا الحل
لبست وتسحبت شوي شوي نزلت من الباب الخلفي وركضت بشويش وهي ترجف خايفه تنكشف وقف لما سمعت صوت يزن اللي يقول : من هناك
انبطحت بخوف وهي ترجف زحفت لين صارت ورا الجدار وهي ترجف ويزن يفتش : ميييين هنا
نور كانت حاطه يدها على فمها وهي ترجف وتبكي ارتجفت عظامها وكانت تحاول تكتم شهقتها
ياسر: يزن شفيك
يزن: مدري سمعت صوت هنا
ياسر: اكيد قطو والا حاجه تعال بس ابوي يدور علينا
يزن: شيبي
ياسر: مو عشان تملكون ماجد وصل
يزن: وانت مستانس يعني
ياسر بتنهيده: ماني مستانس بس شسوي مهما حاولنا نهايتنا الرفض القطعي
يزن: ي رب لا تتم هذا الزواج ي رب
تحركوا باتجاه المجالس ونور ترجف انهاارت بعد ما راحو بعد شوي وقفت وهي تمسح دموعها وركضت طلعت من القصر وهي تركض وتركض وتركض ركبت اول تاكسي صادفها وقالت له يبعد قد ما يقدر كانت تبكي وترجف ومعها سكين صغير احتياط من اي شي وعشان محد يتهجم عليها
...
في القصر كانوا الرجال مجتمعين في المجلس ومحد مبسوط بهالزواج الا ماجد اما تركي كان عادي ويزن راضي نوعا ما
ابتدوا الشباب يقدمون بطاقاتهم عشان يبدأ الشيخ يكتب الكتاب
تركي كان يفكر في غلا هل هي راضيه او لا بس في النهايه كلهم مع بعض حلوين
يزن كان خايف من حياته مع سميه اللي حياتها كلها عمل ودراسه
قطع عليهم صوت الشيخ اللي ابتداء في روتين كتب الكتاب وقف وهو يقول : ابي اسمع رايي البنات
الجد : البنات موافقين
الشيخ : مايصير كذا ابي اسمع رايهم بأذني لازواج بالاكراه
الكل بدأو يتأملون ان هازواج الاجباري مايتم
وقف الجد بغضب : قلنا للبنات موافقات
الشيخ: الله يهديك ابي اسمع ردهم
اصر الشيخ ان يسمع موافقة البنات وراحوا يجيبون سميه وغلا اللي كانو كلهم في مجمع قصور كبير بجنب بعض وقفوا وراء الباب
الجد : اللي بترفض اذبحها وارميها فاهمين
الشيخ: جاهزين ي بناتي
البنات : ايوه
اعلنوا موافقتهم غلا كانت راضيه ومقتنعه سميه كانت تبكي وسكتها جدها بكم كف وخلاها تروح لبيتهم وله معها تفاهم
الشيخ: نور خالد جاوبي ي بنتي
الجد : وين نور ي خالد
ابو يزن: اكيد انها تجهز دقيقه بس
دخل ابو يزن بعصبيه: وين نور
ام يزن : ندق عليها الباب ما ترد
ابو يزن: افتحوا الباب وين المفتاح
اخذ ابو يزن المفتاح وفتح الباب وماشاف لنور اي اثر لف يمين شمال قلب الغرفه قلب ولا فيه احد استنفر الكل في القصر ويدورون على نور اللي مالها اي حس
نزل ابو يزن بأرتباك وهو خايف من الجاي : يبه ممكن شوي
قام الجد وهو حاس ان نور مسويه مصيبه: وش صاير
ابو يزن: نور انحاشت
الجد :وشو
الكل فز على صوت ابو خالد وتجمعوا حوله وانتشر الخبر وابتدوا الكل يدورون وفيهم الغاضب منها بس مأيدها وفيهم الحاقد اللي بيذبحها
....
عند نور اللي كانت تبكي وهي تمشي بين حارات غريبه اول مره تشوفها ماكانت ندمانه انها هربت لانها عمرها ما رضت عن حياتها .
أنت تقرأ
روايـــــــــــــة ✍🏼 { كئيب الليل ياطفلة يغيب الكل لا غبتي }مكتملة
Fanficََرواية مميزة وأحداثها جديدة .. في أحد الأيام يجمع الجد أولاده وأحفاده ليقرر مصير كل فرد من أحفاده ليجبرهم على الزواج ولكن بطلتنا جاء نصيبها ابن عمها انسان ليس له هدف في الحياة لا يخاف الله فتقرر ليلة ملكتها الهرب بعد ضرب والدها لها ورفض جدها العدول...
