روايـــــــــــــة ✍🏼 { كئيب الليل ياطفلة يغيب الكل لا غبتي }مكتملة

البارت الثامن والاربعون

يزن : شهالصراخ لا يكون فيه شي والرجال يبكي ما يضحك
ضاري :هههههههه لا لا يضحك
يزن : عزام وش صاير وش هالصراخ صوت نور هذا
عزام زاد ضحك لما قال نور يزن وتركي وضاري كانوا يناظرونه بفهاوه بعد شوي هدا عزام وقام وهو يمسح دموع الضحك
عزام : اااه ي ربي
ضاري: قضيت خلاص
عزام : ههههه لا تذكرني
تركي : ابي افهم من اللي راضي عليه ربي وضحكت منه كذا
عزام رجع يضحك
ضاري : يووووه
تركي : ههههه بالله عليك ايش السالفه
بعد معاناه رجع سكت عزام : دقيقه اخذ لكن طريق وندخل ونتقهوى
ضاري : بدري بسرعه بسرعه انشوينا هنا
دخل عزام وهو يضحك : يمممه طريق
نور من جوا : طرريق هاه طيب راجعه لك طيب
عزام : ههههههه اقول انثبري بس
التفت لهم: تفضلو
يزن: من تكلم انت
عزام :نور
يزن: تقولها انثبري وش مسوي لها
تركي بتصريف : خلونا ندخل وبعدين نتفاهم
دخلوا وجلسو بالمجلس شوي الا جات نور من وراء الباب : يزن تركي
يزن ماكان مرتاح لصراخها وفز على طول : نور وش فيك
تركي وقف بعد : نور وش صاير
نور بضحكه : ابيكم تاخذون حقي من عزام
يزن طلع وهو على باله عزام مسوي لها شي كبير: وش مسوي لك
تركي : وش حقك اللي بناخذه
نور : تخيلو بس كب علي علبه مليانه حشرات
تركي ويزن ناظروا فيها بصدمه يزن : تتكلمين بجد
تركي : قسم انك مجنونه ابعدي على بالي مسوي مصيبه اخر شي حشرات
يزن: نور الله يهديك فجعتيني
نور: طيب اخذوا حقي منه
تركي : اول شي اعترفي وش مسويه انتي
نور: يعني لازم اسوي
يزن : يعني يا اختي انتي معروفه تدورين الحرش اكيد مسويه شي
عزام: هههههههه الحمدلله طلع الحق
نور : طلعت روح العدو
عزام : ههههههه
نور: يززززززن
يزن :هاااااه
نور: شوفه
عزام : والله شوفوا هي ابتدت وكبت علي شي مدري ايش بس انه يجيب الحومه ثلاث ايام ما خليت شي الا تروشت فيه ولا راح
تركي : هههههههه اجل كذا احسن تستاهلين
عزام: وهو صادق
ضاري كان يسمع الصوت ويبتسم ماشارك ابد كان بينتعش بسمع صوتها بيحفظه بأذنه بيشبع منه
يزن : والله كذا ي نور مقدر انصفك اسف
راح بيجلس وكان فيه طفايه زقاير فيها بقايا زقاير وشاهي وقهوه وريحته اوووف سحبها وكبها على وجهه عزام وارتفع صراخ عزام ونور نور كانت فرحانه بالنصر بس عزام كان قرفان ومن هنا ابتدت المجزره وصاروا يكبون على بعض اي شي يطيح بيدهم وتركي وضاري يشجعون
تركي : يززززن انتب..... انقطع صوته لما كب عليه عزام موية الشيشه اللي كانت ليزن ودخل معهم تركي  وابتدت مصارخ بكل شي
ضاري كان جالس وييضحك عليهم شوي هبدوه بالتكايه بدون قصد وطب معهم وخذلك تصفيق بكل شي وضحك بعد شوي طاح كل واحد بجهه واشكالهم تضحك شعورهم حوسه وثيابهم متقطعه وكل واحد ثوبه مليان انواع اشكال من الوصخ اللي كبوه على بعض
عزام : آآه ي ربي
ضاري : ظهري تفكك حسبي الله
تركي : انا انتهيت
يزن: اهب ما اقواك ي الدب
عزام: هههههه احسن ي ملقوف
يزن: والله اتكسرت 
تركي : ع اساس بنتقهوى كلها تكبكبت علينا
عزام : اصبروا بجيب وحده ثانيه
تركي : لا لا بنروح ي دوب نوصل ونتنظف وننام
يزن: من جد والله قوم يلا
قاموا طلعوا وبعد شوي طلع ضاري وراح بيتهم وقام عزام يجر نفسه جر وراح تروش وخلص وطلع شافهم جالسين بالحوش قرب وهو مهلوك وانسدح على رجول امه بتعب وركض رعد وانسدح بحضنه وبعد شوي نام عزام على السوالف والحكي ورعد بعد نام كانت نور تناظره من فتره لفتره ونفسها انها تكون مكان ام عزام وتلعب بشعره قامت وجابت لحاف واعطته ام عزام تلحفهم وبعدها قاموا الكل ينامون وهي تراقب عزام من الشباك وتتأمل ملامحه تنهدت وهي تقول بنفسها ( اموت واعرف كيف قدروا يخونون هذا الوجه بس ابي اعرف كيف تجرأو )
رجعت لفراشها وانسدحت ونامت هي بعد
٠٠٠٠٠

في مكان بعيد وسط الزحمه والاغاني والدخان المنكر كان ماجد وطلال جالسين بالزوايه كان ماجد شوي سكران توه بدا يشرب وطلال جالس معه ويسمع لشكواه
ماجد مد الكاس لطلال: جرب صدقني بترتاح
طلال : لا لا مشكور مالي في هالاشياء
ماجد :ههههه شكل حياتك فل مافيها مشاكل
طلال: ههههههه حياتي فايضه مشاكل
ماجد : وش مشاكل مهما كانت مشاكلك تظل اهون من انك عايش مع ام وابو مايدرون عنك كأنك تماما يتيم ام وابو على بالهم الفلوس كل شي بالدنيا
طلال : هههههه ماجد على الاقل ابوك موجود بحياتك المشكله اللي ابوه عايش ومايدري وين هو
ماجد : ليه ما تدري
طلال: لاني مدري

..
فجأه قطع عليهم هجوم الشرطه عليهم الكل كان يركض وطلال صار يركض اكتشف ان المكان محاصر حاول يهرب لأنه لو ينمسك بيضيع عزام بيذبحه وكل شي بيتدمر كان يركض ويركض بس ماقدر يهرب ومسكو الكل واخذوهم للقسم الكل كان خايف وطلال كان خايف من عزام اكثر من اي شي ثاني ..