روايـــــــــــــة ✍🏼 { كئيب الليل ياطفلة يغيب الكل لا غبتي }مكتملة

البارت الثالث عشر

📖 روايـــــــــــــة ✍🏼
{ كئيب الليل ياطفلة يغيب الكل لا غبتي }

غلا اتجمدت بخوف وهي شوي وتبكي لفت بسرعه بتهرب بس مسكها تركي اللي ضحك: شفيك بسم الله عليك ما أكل البشر والله بالعكس اداويهم هههه
غلا كانت ترجف بخجل وهي خلاص تتمنى الارض تنشق وتبلعها نطقت وهي ترجف: ابعد
تركي ابتسم : ريلاكس هدي مابتطير الدنيا والله وبعدين هي تراك صرتي زوجتي
غلا احترت وهي تدعي عليه هو جرأته خير : تركي بعد بروح بيتنا
ابو تركي : هههههه تركي ي مفجوع ابعد عن البنت لا توقف بطنها
تركي انفجر ضحك :هههههه يوه يبه شجابك
غلا ماكان ناقصها الا جيت خالها بكت وهي تدف وتهرب وهي تسمع ضحكهم
ابو تركي وهو يسحب تركي من اذنه: جوز عن البنت توك ملكت امس
تركي: هههههه نتعود يبه طولنا عزوبيه
ام تركي : ابو تركي شفيك عليه
ابو تركي : تعالي شوفي شمسوي بغلا
سامر: سلام عليكم
تركي : هلااا بالرجل الصامت هلا يالهزاز
سامر: انت شتبي رد السلام واسكت
ام تركي :هلا يمه تعال خله عنك هالتعبان
تركي باستهبال : ايوه الحين صرت تعبان بس معليش تتهنو في ولدكم صار عندي ماي لووووڤ ( حبي ) غلااتي
سمر:الله واكبر امداها صارت ماي لوڤ شهالبخت ي غلا
تركي : احسن موتي حره يالعانس
سمر: وعوه مره ذابحه نفسي على الزواج بالعكس عسل السنقله
سامر:أأيدها
تركي : ابعدوا بس يمه وين غداكم بموت
سامر: يبه ماحصلتو نور
ابو تركي تنهد: لا يبه ما يندرا وينها كاسره خاطري والله
سامر: الله يكون معها
٠
٠
اما عند عزام اللي طلع من الدوام بسرعة البرق وضاري اسرع منه. وطاروا للبيت وعزام نادم انه كذب وضاري عجز يقنعه ان اللي سواه صح وصلو ونزل عزام وهو يركض ركض دخل وهو يدق الباب عشان تتغطى نور ودخل
ام عزام: هلا يمه
باس عزام راس امه وهو يضم رعد اللي نط عليه والتفت : نور صحت
ام عزام : توها صحت حور عندها
عزام: شوفي الطريق يمه بدخل اشوف شصاير معها
ام عزام : زيين يمه ......راحت وهي تقول :نور يمه عزام بيدخل
نور سحبت طرحتها وتغطت دخل عزام اللي وقف ع الباب وهو صاد : نور كيف يدك تحسين بشي يوجعك شي
نور: الحمدلله شوي توجعني بس
عزام: تحتاجين معاينه شي اخذتي ادويتك
نور : لا ما احتاج ادوتيها اعطتني هيه خالتي الله يسعدها
عزام: نور شاللي صار معك
نور سكتت ونزلت راسها تجمعت دموعها بعيونها
عزام: نور ضروري تحكين ترا الوضع تعقد
ام عزام حست انها ماتبي تحكي قبالهم: حور تعالي نجهز الغدا يمه قامت حور وبقت نور وعزام بالغرفه والباب مفتوح
عزام : نور تطمني مابيصير شي قولي
نور ببكى حكت لعزام كل شي صار معها وهي ترتجف
عزام طارت عيونه : طعنتيه
نور: في يده والله غصب علي كان بيضيعني
عزام انذهل ما توقع انها بجسمها هذا الصغير تفكر كذا سكت شوي وقال : اخوك ناداني وسألني وقلت له اني طلعتك ومدري عنك
نور:شكراً عزام والله ما اعرف كيف اجازيك والله عارفة أن اللي سويته غلط والله لا يحط اي بنت بمكاني بس والله أنهم كانوا بيظلموني مع واحد ما يخاف الله والله ندمانه الحين وريت الزمن يرجع ماكنت هربت بس كله بسبب جدي شتتنا وضيعنا الله لا يسامحه ..
عزام: ما يحتاج المهم بتظلين هنا لين الله يفرجها لا تكلمين احد ولا تطلعين حجابك تغيرين لبسه احتياطا وانتبهي لنفسك اي شي تحسين يوجعك ناديني على طول طيب
نور ببكى: طيب
عزام : خلاص لا تبكين عدت على خير
نور: طيب
طلع عزام وهو مايدري ليش يسوي كل ذا رغم انه مو مرتاح راح يبدل التفت لطلال اللي ليله نهار ونهاره ليل بدل وراح للحوش وهو يضم رعد ويبوسه ويلعب معاه شوي حطت امه الغداء واخذت حور غداها وراحت عند نور اللي مارضت تاكل وسمعها عزام وتكلم وهو بالحوش وبصوت مسموع: نور كلي والا بتنتكسين وترجعين المستشفى
نور انخرشت وابتدت تاكل بخفيف وهي تسمع سوالف رعد اللذيذه وهو يكلم عزام ترددت بالسؤال وقالت: ولد عزام هذا
حور ببتسامه: ايوه اسمه رعد
نور: الله يخليه له

...
عند يزن اللي كان يلف من حاره لحاره ومن مكان لمكان وهو يدور لنور قطع عليه اتصال امه: هلا امي
ام يزن: يزن وينك يمه ليش ماجيت
يزن: مابي ارجع الا بنور
ام يزن ببكى: ايه يمه دور على اختك ورجعها تكفى يمه لا تخليها
يزن: ابشري ي الغاليه ابشري
ام يزن: تجي تتغدا
يزن :لا يمه ماني مشتهي فمان الله
سكر يزن ورمى الجوال وهو يمسح جبينه: وينك ي نور وينك
.....

بعد المغرب كان عزام جالس بالحوش وهو مايدري اللي سواه صح او غلط ( ليش ي عزام انت ما تدري وش وراها من مصيبه خبيت على اخوها وانت ما تدري شمسويه لو ماهي مسويه شي ماخافت وسحبتني معها )
تنهد وهو يقوم وقف بهدوء وهو يسمع سوالف حور ونور اللي كانوا توهم يتعرفون على بعض شاف طلال يطلع وهو يتمغط
طلال: ييييممممه
عزام: قصر صوتك ونادي بشويش
طلال: يوه شتبي انت
عزام: طلاااااااال ..