اما عند الشباب كان يزن يسوي قهوه وثامر متبطح بالصاله ويتنقد بكل شي بالتلفزيون سمعوا الباب
ثامر: يزن افتح الباب
يزن صرخ من المطبخ: ايييييش اقول قوم افتح انت لا اجي افجر راسك بالترمس متسدح ويا يزن افتح الباب
ثامر: الله ي يزن انا تعبان
يزن طلع لما ازعجه الباب وهو معاه المغرفه رماها عليه وهو يقول : طيب ي ثامر
فتح الباب وشاف تركي وماجد تركي متكتف وماجد جالس ومتربع : بدررري لا والله بدري
يزن: ياخي انا مشغول والنفسه( يعني اللي توها ولدت ) اللي جوا مو راضي يقوم
ماجد : اذا احنا حوامل وثامر نفسه انت وش تطلع
تركي : خادمه يوميه ههههه
مااجد :ههههههه فعلا صدقت وصدق قولك
يزن كان بيسكر الباب في وجيههم بس مسكه تركي وهو يضحك: نمزح اشبنا ي هوه
ماجد وقف : ربنا ما حبنا
يزن : انا برجع من السماجه
تركي : مهما تسيمجنا ما نغطي عليك ي معلم
دخلوا وهم يضحكون وقرب تركي وماجد وهم ينزلون على ثامر ويسلمون عليه ماجد : مبروك ما جاك الله يجعله من مواليد السعاده
تركي : يتربى بعزك الله يجعله من الصالحين البارين
يزن كمل الطقطقه : اجيب العريكه والا شوي ماما
تركي : ههههه حلوه
ثامر بطرف عين : على تبن انت وهو
ماجد :ههههه يزن يزن جيب القهوه وتعال اجيب لك خبر بتسلم على الشمس وتجي
يزن : وشو
ماجد : جيب القهوه وتعال
راح يزن يجيب القهوه ورجع نزلها واتجمعوا عليها
يزن: وشو قول
ماجد : اول شي باركوا لي خطبت
العيال كلهم : متى
ماجد : بسم الله اذكروا الله
تركي : ماشاء الله خطبت اختي وانا مدري على كيفك
ماجد : اقول اسكت بس ليش انت تدري عن الدنيا
يزن: وهذا الخبر اللي بيطيرني لشمس
ثامر: لا تفرح ي بيبي محد موافق عليك وانت هاذي سماجتك
ماجد : اقول انثبر بس
يزن: اخلص ياخي
ماجد : اليوم ابوك خطب لك حور من ابوي
العيال ومعهم يزن: وشو
يزن: قول والله ماجد لو تطلع تكذب بفجر راسك بالترمس
ماجد : يالله وربي ما اكذب من جد
يزن : وش قال
ماجد قالهم كل السالفه والعيال يناظرون بيزن وماجد
يزن : اجل من عزام سهله بس البلا اختك
ماجد : مقدر افتيك والله مالي معها هاذيك العلاقه اللي تخليني اقولك رايها
تركي : انت علاقتك زيرو
ماجد : ترا ما عرفتها الا من شهرين
يزن: اقلقتني الله ياخذ عدوك
ثامر: وانا بعد عندي خبر
تركي : جيب جيب وش عندك
ماجد : وشو
ثامر : ابي اخطب اخت ضاري
عم السكوت وكل واحد يناظر الثاني ثامر: وش فيكم
يزن : مدري انصدمت
ماجد : وانا بعد
تركي : وانا بعد
ثامر: ليش
يزن: ما توقعتها رايح عن بالي ان عنده اخت
ماجد : اصلا مدري ان عنده اخت
تركي : وش جابها على بالك
ثامر: يعني اصلا انا ماعندي اهل وتبون الصراحه صرت. اشتاق لصوت الشايب بالبيت وازعاج الصغار والام اللي تنادي وبما انهم بعد طيحه ضاري مالهم احد فأكيد محد لهم واتزوج ريما واجيبهم يعيشون منه يونسوني وأونسهم
العيال كلهم سكتوا بضيق على حال ثامر ابتسم تركي وهو يقول : الله يجزاك خير ويطمن قلبك والله مافي مثلك
ثامرابتسم
يزن: اانا اقول توكل على الله وتممها
ماجد : وانا بعد
ثامر: انا كلمت عزام وقال بيكلم ابوها اليوم ومدري عنه وين غاط
ماجد : اكيد نايم
تركي :جربوا دقوا عليه
يزن: دق ي ماجد
ماجد اخذ جواله ودق على عزام اللي طول ما رد وبعدها رد وهو رايح صوته من النوم :هلا
ماجد :هلااااااابك وينك صحصح يلا بتموت من النوم
عزام: اعوذ بالله من الخبث والخبايث وش تبي
ماجد : يلا يلا صحصح وتعال الشقة نبيك وقبل كل شي روح اخطب لثامر
عزام : وش دراك
ماجد : مالك شغل عجل يلا
سكر عزام من ماجد وهو ما وده يقوم ناظر الساعه وقام بتعب اخذ المنشفه واتجه للحمام تروش وخلص وطلع لبس وهو يناظر لنور اللي غاطه بنوم : قالت شبعانه نوم ههههه نصب عيني عينك
اخذ اغراضه ونزل لها وهو يصحيها لانه يدري اذا ما صحاها بتلحقه وتسوي له سالفه اتكى وهو يقول : نور نوري نور قلبي نواره نور نور نور
نور فتحت عيونها بإنزعاج : وش فيك ي عزام
عزام ضحك : قومي يلا ترا بروح للشباب
نور: كم الساعه
عزام: ١١ الظهر
نور : يوه الله يسامحك خليتني انام كل هالوقت
عزام: انا مالي شغل انتي اللي نمتي
نور : لا والله انت تخدر الجدار تخليه غصب ينام
ضحك عزام وهو يقول : الصفه متبادله طال عمرك
نور ابتسمت : خلاص روح خليني اقوم
قرب : يلا تبين شي
نور لفت وهي تتلحف : لا سلامتك
طلع عزام وهو مبتسم وتوجه لبيت ابو ضاري ..
أنت تقرأ
روايـــــــــــــة ✍🏼 { كئيب الليل ياطفلة يغيب الكل لا غبتي }مكتملة
Fiksi Penggemarََرواية مميزة وأحداثها جديدة .. في أحد الأيام يجمع الجد أولاده وأحفاده ليقرر مصير كل فرد من أحفاده ليجبرهم على الزواج ولكن بطلتنا جاء نصيبها ابن عمها انسان ليس له هدف في الحياة لا يخاف الله فتقرر ليلة ملكتها الهرب بعد ضرب والدها لها ورفض جدها العدول...
