روايـــــــــــــة ✍🏼 { كئيب الليل ياطفلة يغيب الكل لا غبتي }مكتملة

البارت التاسع عشر

📖 روايـــــــــــــة ✍🏼
{  كئيب الليل ياطفلة يغيب الكل لا غبتي }

طلال : مافيني ولا لي حيل وبطلع الحين مع العيال بس جاي اخذ لي شي ثقيل البسه
ام عزام : وين بتروح وعزام اش قال ما قالك مافيه طلعه بالليل
طلال: وانا مو عايش على كيفه
ام عزام: طلال احترم اخوك اللي اكبر منك
طلال: ينسى
اخذ جاكيت عزام وطلع ( فوق شينه قوة عينه )
رعد : جاكيت بابا
طلال: انقلع بس
رعد بكى وراحت نور وضمته : خلاص حبيبي ماعليك منه غبي
رعد : ابغى جاكيت بابا
نور: هو بيوديه بابا خلاص انت لا تبكي عشان اخذك للبقاله
رعد: والله
نور: اييه
حور: لا تعشمينه
نور: ما اعشمه باخذه جد
حور: تستهبليين انتي
نور : لا
ام عزام: حشا ما انتي برايحه انجنيتي
نور: لا بروح جد
حور: خير تبين عزام يذبحك
نور: ما بتأخر سريع واجي
ام عزام وحور حاولوا يمنعونها بس عنادها اقوى اخذت فلوس من فلوسها اللي كانت مخبيتها بشنطه صغيره مخبيتها تحت العبايه والشنطه الكبيره ضاعت بمكان الحادث لبست وطلعت وهي تمسك يد رعد اللي طاير من الفرحه وطلعت وراحت البقاله والانظار كلها عليها دخلت البقاله وقشت هي ورعد كل شي يبغونه وطلعت شافها واحد ولحقها وهو يرمي عليها كلام ويتغزل ونور تحاول تسرع وهي خايفه قرب الشاب اللي كان يلحقها وصار يتكلم بصوت عالي ونور شبه تركض من الخرشه
...

عزام كان راجع من دوامه الثاني وهو طفشان من نفسه كان دوامه قريب من بيتهم وهو جاي شاف بنت وولد يركضون وراهم رجال استغرب شك في الولد وقرب : هذا رعد اي والله رعد من هاذي اللي معه
دقق شوي وهمس بصدمه:نووور
ركض مثل المجنون وهو يمسك الرجال اللي شوي وكان بيلزق بنور :وش تسوي ي كلب
نور لفت بصدمه :عزام
عزام التفت بغضب:انقلعي للبيت
نور ركضت هي ورعد وهي تبكي ورعد يبكي اما عزام اللي طاح ضرب بالرجال شافه ضاري اللي كان جاي كعادته يتمشى ويغني وركض :عزام وش السالفه ؟
هرب الرجال لما انشغل عزام عنه مع ضاري وعزام قام بغضب وهو يقول : كان بيتحرش في نور
ضاري ضرب قلبه وركض ورا الرجال بس مالحقه عزام وقف وهو يمسح جبينه واتجه لبيته وهو كتله من ناار لحقه ضاري اللي يعرف انه بيروح ويسفل بنور هذا اذا ما ذبحها ناداه وهو خايف على نور:عزام تعوذ من ابليس عزام
عزام من طبعه اذا عصب مايرد على اللي يناديه وطنشه واتجه وطلع المفتاح وهو يفتح الباب وسكره وراه:نووووووووووور
نور اللي كانت تبكي في الغرفه وحور جنبها ترجف من الخوف وام عزام بعد خايفه من ردة فعل عزام اللي عمره ماتركهم يروحون البقالات هو يجيب كل شي والبقاله ماتساعد ان بنت تدخل فيها
كانت نور بعدها لابسه النقاب ولا نزلته من الفجعه رجفوا كلهم لما سمعوا صوت عزام وطلعت امه عشان تهديه
ام عزام: عزام يمه تعوذ من ابليس
عزام بصراخ:ليش يمه ليش ليش تركتيها تطلع وانتي تدرين ليش
ام عزام: انا اسفه والله اسفه انا اللي ارسلتها
عزام اتسعت عيونه بغضب: كيف ترسلينها يمه وانتي تعرفين ان الصيع كلهم عند البقاله
نور لما سمعتها قامت وطلعت وهي تقول: لا ما ارسلتني انا اللي عاندت ورحت
عزام لف عليها بصراخ: انجنيتي انتي ناويه تجيبين مصيبه لي هاااه حس بالك الدنيا فوضه مو قلت ما تطلعين ليش ما تسمعين الكلام ليش مو كفايه علي مصايبي باقي تزيدينها
نور ببكي : والله اسفه والله ما عرفت انه بيصير كذا
عزام: انتي مجنونه شايفه الحاره كيف ومصره تطلعين ورايحه للبقاله اللي الرجال عجزانين يدخلونها من الزحمه وفوق هذ رايحه بذا العبايه والنقاب اللي كله فتنه واسمعيني زين عرفتي ماعرفتي ماتطلعين وطالما انك في بيتي ضروري تحترمين قوانين البيت ولا تخربين سمعة البيت
نور بشهقه : انا طول عمري اروح البقاله بحجابي هذا ولا خربت سمعتنا ولا شي اللي حصل ماكنت ادري انه بيصير وانا اسفه اني ما احترمت قوانينكم بس كنت براضي رعد
عزام بغضب الدنيا : وانتي وش لك شغل برعد هاااااه وبعدين روحات البقاله هاذي ببيت ابوك وحجابك هذا في بيت ابوك هنا تنسين كل شي مجبوره انك تسمعين الكلام تقدرين تقولين لي لو ما لحقت وش كان صار لو ما جيت وين بتروحين وش بيصير فيك مستهتره بنفسك ما تفكري في تصرفاتك إذا صح او غلط أهم شيء تنفذي اللي برأسك ناسية العادات والتقاليد اسمعيني ي نور طالما انتي عندنا تعتبرين امانه برقبتنا عرضك عرضنا وشرفك شرفنا واللي يأذيك يأذينا مثلك مثل حور جنان الاطفال هذا ي طفله اتركيه لازم تعرفين مزبوط انك ماعادك ببيت ابوك مدلعه لا انسي
نور كانت دموعها مغطيه نقابها وهي تبكي : اسفه ماعيدها والله اسفه والله مو قصدي كل هذا يصير ولا تخرب سمعتكم عبالي عادي
عزام كان يصارخ مثل المجنون : من اليوم ورايح طلعه من البيت مافي الا مع امي او معي غيرها انسي
ام عزام: عزام حرام عليك خلاص البنت امانه في رقبتنا ..