روايـــــــــــــة ✍🏼 { كئيب الليل ياطفلة يغيب الكل لا غبتي }مكتملة

البارت الثالث والاربعون

ام عزام: لا يمه بخير هذا هم يفطرون ي حبيبي وامس الحمدلله امورنا بخير
عزام: الحمدلله يمه اذا ناقص شي قولي لي اجيبه
ام عزام سردت عليه اللي محتاجينه وسكرت سمع عزام صوت احد يناديه : هلا
تركي : كيفك اليوم
عزام: كويس وانت
تركي : ماشي الحال اسمع ترا حلينا مشكله المراقب ما قالك ضاري
عزام : كيف لا ما قال لي ولا شي وكيف حليتوها
تركي : تعال نجلس واقولك كل شي
راحوا جلسوا وابتداء تركي يسرد لعزام كل شي
عزام : انت صاحي كيف تهدد احد بعياله كيف تسوي كل ذا قول بس والا الفلوس اعمتك سيدي
تركي : عزام وش فيك هو مجرد تهديد مستحيل اسوي هالشي لو اموت
عزام : تهديد مستهين بالتهديد انت تكسر روح انت بطريقتك هاذي تكسر رجال على بالك الحاجه سهله على بالك التعب هذا سهل هذا مجبور انه يطيع اشكال جدك حتى لو نفسه رافضه مجبور انه يتحمل انواع الذل والاهانه عشان يحصل ريال والا ريالين يعطيها عياله ماخفت ربك هاه تساومه على عياله
تركي انفجع من هجوم عزام : عزام انا عشان احميك انا مستحيل اسوي كذا الفلوس ما همتني
عزام وقف بغضب وهو يقول : انا ماني محتاج احد يحميني سامع اللي سويته تصلحه وتعتذر من الرجال احسن لك لا تخليني اقلب الدنيا على راسك انت وجدك
تركه وراح بغضب وتركي متنح : شبلاه هذا بدال ما يشكرني
قطع عليه اتصال يزن رد وهو يقول : ايوه يزن
يزن: سلام تركي كيفك
تركي : ابد انفلت علي هالمجنون اللي يقاله عزام ويقول تعتذر من سالم عن اللي سويته
يزن : ايش
تركي حكى له اللي قاله عزام : مدري وش بيصير
يزن: انا اخلص من مجنون يطلع لي ثاني كلم ضاري يكلمه اش نعتذر منه صاحي والا قول انك اعتذرت وخله يمشي
تركي: بيني وبينك حنا اللي سويناه شوي موب زين
يزن: وش نسوي مافي الا هالطريقه المهم انه الرجال ماشي تمام توه اتصل على جدي وقال كل شي تمام مانبي عزام يخرب كل شي
تركي : خلاص عزام اتركه علي اكلم ضاري يفهمه
يزن: زيين يلا
٠٠٠٠

عند عزام عصب فعلا ماهم حاسين بشي عبالهم فلوسهم بتشتري لهم كل شي كان عزام فعلا يكره حركة المساومه هاذي ولا يحبها كان حايس بين حالات المرضى وهو بالقوه يركز قطع عليه دخول ضاري : عزام فاضي
عزام: خلاص بخلص الحين
انتهى عزام وطلع لضاري اللي كان مستغرب عصبيته
ضاري : شفيك
عزام: ذا المتنح اللي اسمه تركي
ضاري : شمسوي
عزام : مسوي ابو العريف ورايح يهدد الرجال اللي يراقب بعياله وحياته
ضاري : طيب هو سوا كذا عشانك مجرد كلام بدون فعل
قطب عزام حواجبه وهو يناظر ضاري: ايش تقول  صرت مثلهم قناعتك مثلهم بعت انسانيتك حتى انت
ضاري : مالها شغل بالانسانيه هو مجرد تهديد لا اقل ولا اكثر
عزام صرخ: ضاري لا تجنني انت وانا المفروض إنا اكثر اثنين نفهم وش شعوره ضاري حنا شفنا الويلات من الحاجه ومازلنا نشوف ضاري نسيت كل الذل اللي مرينا فيه حاجته هي اللي اجبرته يطيع كلام الكلاب هذول هي اللي اجبرته ينسى مفاهيمه ويتذكر عياله مستحيل اني اعيش شخص الذل عشان اغطي على ذنوبي فهمهم انهم لو ماصلحوا غلطهم بحوس كل شي والعب على المكشوف
سكت ضاري اللي عرف ان الشباب بدون قصد ضربوا الوتر الحساس عند عزام تنهد وهو يشوف عزام اللي راح وغضبه مكسر الدنيا قام بضيق وهو يروح لمكتب تركي دق الباب ودخل
تركي وقف : توني كنت بناديك
ضاري جلس بتعب : اتوقع تعرف ردة فعل عزام
تركي : كنت بقولك عنها ابيك تقنعه لا يخرب كل شي
ضاري : ا ن س ى
تركي : شلون يعني
ضاري : عزام مو بهالسهوله ومستحيل يرضى يعني ما قدامك الا تعتذر او تقنعه انك اعتذرت
تركي : ابي افهم ليش كل ذا
ضاري قال وهو مغمض عيونه ومستند على الكرسي : مستحيل تفهم تدري ليش
تركي : ليش
ضاري فتح عيونه وهو يقرب لتركي وقال بهمس ملموس فيه مدى المعاناه وعينه بعين تركي : لأنك ما جربت الحاجه والانكسار
وصلت الرساله لتركي اللي سكت ونزل راسه قال : والحل
ضاري : تسوي اللي قلت لك
تركي سكت وهو محتار وش يسوي رفع راسه لما سمع ضاري يقول : لا تخلون الموضوع يكبر في راس عزام ويوصل لتحدي وقتها فعلا بتصير كارثه ما تعرفون عزام اذا وقف على التحدي وقتها لا انتم ولا جدكم تقدرون توقفون شره
تركي : ي ضاري عزام مايقدر يواجه جدي
ضاري : يقدر والايام بتثبت لك
وقف ضاري وطلع وكان كلامه عن عزام واضح جدا تركي بعد كلامه توتر فعلا وقام بدل ملابسه وطلع وراح ليزن ..