روايـــــــــــــة ✍🏼 { كئيب الليل ياطفلة يغيب الكل لا غبتي }مكتملة

البارت الثامن والعشرون

📖 روايـــــــــــــة ✍🏼
{  كئيب الليل ياطفلة يغيب الكل لا غبتي }

راح يزن وما اخذ فلوسها جاب لها البطاقه ومدها لها ومارضت تاخذها الا لما ياخذ الفلوس اخذ يزن الفلوس لما شاف اصرارها
حور لفت وهي تقول : يعطيك العافيه
ابتسم يزن ورفع راسه وشافها متحجبه بشكل محترم ولا باين منها ولا شي :العفو
راح يزن وركب سيارته وكان الشارع زحمه وبالقوه يمشي لبس نظارته والتفت وهو يشوفها واقفه وتشحن ابتسم لا اداري ( الله يكثر من امثالك ) التفت للجهه الثانيه وهو يشوف حال بنات الجامعه اللي اغلبهم تبرج وزينه وحالتهم حااااله
يزن بهمس :  استغفر الله بس
....

عند حور اللي كانت تدق على عزام ومايرد عليها ضاقت ولا تدري وش تسوي وقفت وتكتفت بضيق شافت يزن باقي واقف بالزحمه دققت فيه وهي تقول : سبحان الله هذا الرجال والا بلاش مو الكلاب اللي يتحرشون هذا اللي يقولون عنه كامل والكامل الله لا جمال ولا اخلاق
انفجعت لما حست على جوالها يدق وكان عزام ردت : عزام
عزام : شفيك حور شصاير معك
حور : الباص اخترب علينا وشكله مطول تعال وديني انت
عزام تنهد : زين وينكم
حور كانت من الجامعه للبيت ولا تدل شي :مدري
عزام: كيف ماتدرين وش قبالك وش اسم الشارع اي شي
حور كانت تتلفت تحاول تشوف شي يدل وكل ماقالت شي مافهم عليها عزام
عزام: حور اعطيني اي احد افهم منه والله مافهمت شي
حور خافت تقوله انها قطعت وراحت البقاله ولا عرفت وش تسوي ماحصلت احد تعطيه كانت اشكالهم ماتهيئ
التفتت وشافت يزن راحت له وهي تدق الشباك انفجع يزن وفتح وهو مستغرب : امري اختي
حور وصوتها بالقوه يطلع :معليش بس اوصف لاخوي الموقع ماني عارفه اوصف
يزن ( تستهبل هاذي ) اخذ الجوال ووصف لعزام وشكره عزام اللي يحسبه صاحب الباص ويزن ماعرف انه عزام واعطى حور الجوال وشكرته وراحت لمحل الباص
يزن( والله غريبه هالبنت معقوله ما تعرف توصف الطريق وهي بنص الرياض واذا قلنا ماتعرف كانت تقدر ترسل عليه موقعها بالواتس شكلها مو طبيعيه )
حور ماكان عندها الا جوال نوكيا الصغير ابو كشاف ولا تعرف واتس ولا تعرف خرابيط وحالتهم ما تسمح لهم بمثل هالجوالات لاهي ولا عزام
كان يزن يراقبها وفعلا مستغرب بعد شوي شافها مشت وهي تركب سياره دقق في الرجال وقال بصدمه: عزاام
اخذ عزام طريق ثاني وراح
...

حور : تكفى عزام افتح الشبابيك حر بموت
عزام: وش بلاه الباص
حور: مدري بس اخترب فجاءه
عزام : ماشاء الله غيرو صاحب الباص
حور: لا
عزام: شفيه تغير صوته مو كان شايب
حور خافت : مدري
عزام : سبحان الله
وصلها عزام وراح للمستشفى وقف سيارة ضاري ودخل كان متجه لضاري بس وقفه صوت التفت وشاف فوز: نعم
فوز: دكتور عزام في حاله طارئه نبيك تشوفها
عزام: وين
فوز: تعال معي
راح عزام معها ودخلته غرفه في قسم الحروق : هنا
دخل عزام واول ما دخل سكرت الباب فوز وقفلته وطلعت هاله
هاله: اهلين عزاام
عزام: وين الحاله اللي متعرضه للحروق
هاله: انا الحاله محترق قلبي عليك
عزام: استغفر الله العظيم اسمعي ي بنت الناس ابعدي احسن لك وقولي للمجنونه اللي برا تفك الباب
هاله: مو اول اسمعني
عزام اتجه للباب وهو متجاهلها
هاله: عزام انا احبك حراام عليك اقل شي انتبه لي عزام انا متعذبه عشان ابيك خاف الله فيني
عزام :انتي اللي خافي الله وابعدي عني
حاولت هاله تاخذ عزام بالطيب بس رفضها بشكل قطعي وقال : انا مستحيل اتزوج وحده ترمي نفسها على الرجال ابعدي من هنا
هاله مسحت دموعها وهي تقول : بتتزوجها وغصب عليك
التفت عزام:نععععم
طلعت هاله جوالها وطلعت الصور اللي كانت جدا مخزيه : الحين تقدر تعلن موافقتك والا والله اودي الصور لأمك واجلطها لك وافشلك في كل مكان وانشرها
سحب عزام الجوال بصدمه واتسعت عيونه وهو يدقق (لا مو انا مستحيل كيف صار كذا مو انا ) كبر الصوره واضح انها حقيقه ومو مفبركه
سحب هاله من يدها وبغضب : كيف صورتي هالصور ومتى اصلا
هاله سحبت يدها وهي تقول : معليش ي حبيبي بعدك صغير على هالامور المهم جهز نفسك لزواج
عزام صرخ فيها: انجنيتي صح حلم ابليس بالجنه اتزوجك فاهمه
هاله: ههههه اجل جهز كفن امك ودور لك اهل جدد ي عزو
قربت وهي تبوس خده دفها بقوه طاحت وبعدها قامت و طلعت وهي تضحك وعزام مصدوم مو عارف كيف سوت هالصور والا متى صورتها :مستحيل اكيد فوتشوب اكيد لكن من وين جابت صورتي بهالشكل
غمض وهو يمسح جبينه ومو مصدق طلع وهو مو قادر يشوف قدامه الصور بشعه لو تشوفها امه مليون بالميه بتموت اخوانه وش بيقولون عنه ولو انشرتها وش بيسوي بنفسه وسمعته وظيفته كل شي بيطير اتجه لضاري وهو دايخ وبالقوه يمشي
.....

عند تركي اللي طلع من الغرفه وهو يبتسم بعد ما كلم غلا اللي بدت تشل تفكيره تماما شاف عزام مار وهو باين انه تعبااان ومو مع احد