{ كئيب الليل ياطفلة يغيب الكل لا غبتي }
عزام: سلام
الكل : وعليكم السلام
نور : زين جيت وجابك الله
عزام: وش فيكم
نور: بالله عليك وش رايك يبغى اسوي عشاء ولا هو راضي يجيب الاغراض وشلون نسوي بالله
عزام : ماشاء الله نور بتسوي عشاء صاير شي من البقره اللي حجت
نور : انت اللي حجيت
طلال وحور انفجروا ضحك عليها وعلى وجه عزام
عزام : وشو وش قلتي
نور: الله الله اللي يشوفكم يقول اني ما اسوي شي
عزام: ترا ماسويتي شي فعلا اغلبها محترق والا مالح والا مافيه ملح
نور: ايه احمد ربك اني تنازلت وطبخت
عزام: لا والله جهد تشكرين عليه وبعدين انت هييه طلال ليش ماجبت اغراض الشيف نور
نور بطرف عين: يقالك تذوب الحين
عزام : هذا جزاتي ادافع عنك
طلال : مالي حيل والله
نور: شرايك اطلع انا احسن هذا طولك وتتعيجز مثل الحريم
عزام :هههههههه ايوه اعطيه
ام عزام: طلال يمه روح جيب اغراضها
عزام: ايه خذ ... طلع بوكه والتفت لنور: كم يكفيك
نور: لا انا عندي فلوس بس ضروري يروح
عزام طالعها بطرف عين : فلوسك لك طال عمرك قولي له شتبين
نور مدت الورقه لطلال اللي اخذها ويتحلطم ونور تصفق وتضحك عليه
عزام: وين رعد
ام عزام : رعد عند ام ضاري بيلعبون معه العيال
عزام: بس يمه تأخر الوقت
نور: وش تأخر تونا الساعه ٧
عزام: ايه تأخر لبزر زيه
نور: تدري وش احمد ربي عليه
عزام تكتف واتكى على الجدار وقال بطريقه تخق وهو يبتسم وبانت غمازاته : وشو
نور تنحت على شكله بس سرعان ما رجعت لوضعها الطبيعي : انك مو ابوي والا انجن
عزام بنفس الوضع: اتوقع ابوك اسواء مني
نور: ههههه نوعاً ما
ضحك عزام وهو يشوف حور رايحه المطبخ وامه دخلت تقرا قرأن وقال: نور
نور: همم
عزام: قولي نعم وجع
نور؛ مابي
عزام :نوور
نور بمزح: يالبيه
انصدم عزام وتقلبت ملامحه وخق بس رجع على صوت نور اللي تضحك:هههههه لا تموت امزح عليك وش تبي
عزام ابتسم : تعالي بكلمك بموضوع
نور انجلطت وخافت: وشو
عزام: لا تخافين تعالي
راحوا وجلسوا بالحوش والتفت عزام لها : نور مابي ازعلك بس ابي احذرك
نور خافت : وشو ي عزو
عزام ابتسم على الدلع اللي قالته : ولا شي بس ابيك توعدين ما تزعلين
نور:وعد ما ازعل بس ايش
عزام: شوفي ابيك تحاولين تضبطين تصرفاتك شوي مع طلال
نور :ليش
عزام: نور انتي تعرفين ان طلال مراهق وعقله شوي متنح اخاف يفهم ميانتك عليه غلط
نور: نعم ليش انا شسوي اسولف معه زي اخواني وين الغلط بالموضوع مو جالسه ادلع او اسوي اي شي يفسر غلط
عزام : شفتي قلت بتزعلين انا ما اقول انتي تصرفاتك غلط لا تصرفاتك جدا عفويه بس انتي تعتبرين اخوك لكن ماتدرين عنه هو وهو مو اخوك بالاساس وتفكيره شوي عاطفي فا بياخذ هالميانه بطريقه مو حلوه
نور: شلون يعني
عزام: نور انا ما اخوفك من طلال لكن اقول شوي انضبطي حاولي شوي تحطين مسافه طلال مو عاقل وباقي ما نضج واخطاءه كثير وتعرفينه طايش ومن تفكيره العاطفي بيفكر بأشياء كثيره مالها داعي
نور فهمت ان عزام يقول ( طلال انسان شوي نسونجي مو مسوي والميانه معه ضايعه....بس مايبي يخرب سمعة اخوه زياده ) : اوك ابشر احاول اعقل
عزام: ايه كذا خليك شوي فاهمه
نور : زين
قامت نور لما جاء طلال واخذت الاغراض وابتدأت تسوي العشاء
وعزام راح لغرفته بدل وطلع لضاري
......
عند ضاري اللي كان جالس يلعب رعد وسامي وهو يحلم بيوم يجتمع فيه مع نور اللي اليوم جات بيتهم ويسمع كلام امه وريما عنها عن اخلاقها وجمالها سمع الباب وقام
ضاري :هلا عزام
عزام : سلام كيفك
ضاري : ابد وانت شسويت في بلاويك
عزام : تعال نجلس بعيد شوي
طلع ضاري وسكر الباب وراح هو وعزام وجلسوا شوي بعيد
ضاري : افضي مافي جعبتك
عزام ابتسم : قررت قرارين ولا اني راحت فيها وكلها صعبه وتكسر الظهر
ضاري : ي ربي قول قول اصلا حنا ما يستقيم ظهرنا الا نكسره
عزام : اول شي قررت اتزوج هاله ثاني شي قررت اقول لتركي عن نور
ضاري :اييييش وشو وش تشرفت
عزام : اللي سمعت
ضاري : لا لا مستحيل اللي سمعته مستحيل انجنيت خلاص انخبلت في عقلك
عزام : لا والله صاحي كل شي صار وتبيني اجلس اناظر عاجبك حالنا وحنا كل يوم يراقبنا تركي ويزن ونروح لنسيم ونزيد نزجع هنا عاجبك الخوف اللي نحنا عايشينه والا عاجبك هاله اللي كل يوم وهي عند بابنا صرت اناظر بأهلي نظرات اخيره
ضاري : عزام ركز اسمع انت الحين مشوشر طيب ما فكرت زين اترك هاله على جنب انا اتكلم عن نور حرام عليك تقول لتركي ما تدري تركي وش بيسوي فيها انت شايف كيف يراقبون اخاف يذبحونها او يسوون لها شي .
أنت تقرأ
روايـــــــــــــة ✍🏼 { كئيب الليل ياطفلة يغيب الكل لا غبتي }مكتملة
Fanfictionََرواية مميزة وأحداثها جديدة .. في أحد الأيام يجمع الجد أولاده وأحفاده ليقرر مصير كل فرد من أحفاده ليجبرهم على الزواج ولكن بطلتنا جاء نصيبها ابن عمها انسان ليس له هدف في الحياة لا يخاف الله فتقرر ليلة ملكتها الهرب بعد ضرب والدها لها ورفض جدها العدول...
