روايـــــــــــــة ✍🏼 { كئيب الليل ياطفلة يغيب الكل لا غبتي }مكتملة

من 231 الى 237 (النهايه)

عند ثامر اللي كان بجنب ام ضاري اللي من مات ضاري وهي طايحه وابو ضاري اللي يتصنع القوه عشان عياله سامي اللي كان هادي ومصدوم اما ريما ما وقفت دموعها وحالها تبدل من حال إلى حال
وقف ثامر لما تأكد ان ام ضاري نامت وراح لريما شافها بين اغراض ضاري وتبكي قرب وهو ياخذ منها تيشيرته تركه على جنب واحتضنها وهو يواسيها وكانت تبكي بحرقه على شباب ضاري اللي راح لكن وجود ثامر مطمنهم
٠٠٠

عند نور اللي كانت طايحه بالحمام وترجع ( الله يكرمكم ) من دخل عزام غيبوبه وهي ماسكه معاها هالحاله كانت امها معاها ويارا استندت على المغسله وهي تبكي رفعتها امها وهي تقول :نور دخيلك خلاص قومي معاي ذبحتي نفسك
نور : يمه اخاف يموت عزااام
دخل ابوها على صوتها :نور حرام عليك هالكلام ولا تفاولين وقومي خذي سجادتك وصلي وادعي دموعك خليها مع ربك محد منا بينفع وبيده حيله ربي وحده اللي قادر يشفي همك
نور وقفت وهي تناظر ابوها بضيق كان ابوها مضطر انه يقسى عليها عشان تصحى من صدمتها : اطلعوا واتركوها لحالها هي تعرف وش تسوي ولمين تتوجه
طلعوا الكل وقفت نور وهي تحس الدنيا تدور فيها توضت وفرشت سجادتها وصلت وهي ما خلت صلاتها من دموعها
٠٠٠٠٠

عند الشباب قرروا يطلعون عزام من المستشفى للبيت ممكن يتغير روتينه ساعدوه يلبس وطلعوه كانوا كلهم حوله وعلى الساعه ٨ الصباح وصلوا للقصر
ودخلوا لبيت الجده وكان عزام شاحب ولابس غترته من دون عقال ورماي اطرافها على كتفه  الكل كانوا متجمعين تحت وينتظرون خبر عن عزام بس تفاجأو بدخول عزام  وقفوا كلهم وركضوا له اللي يسلم عليه واللي يضمه اللي يبكي واللي يعزي وعزام جامد جمود الصخر ولا تحرك ابتعدوا عنه وجلس وهو عيونه بنقطه معينه ولا يرد على احد قام ابوه وهو يجلس جنبه :عزام انت بخير
هز براسه وهو ساكت ودموعه متجمعه بعيونه الكل جاء له الا نور اللي كانت جالسه بالزوايه ومنصدمه مو قادره تقوم من شكله كان جدا سيء وحالته يرثى لها ماقدرت ابدا تتحرك كانت تشوفهم يكلمونه ويعطونه ولا يرد على احد وباين انه مو بخير
الجده :ماجد خذ عزام للغرفه اللي بجنب عشان يرتاح
ماجد :زين
وقف ماجد وهو يساند عزام اللي وقف بدون اي اعتراض وراح معاه
اما سمر اللي كانت تبكي عليهم كلهم راحت لنور اللي كانت مصدومه:نووور قومي مع عزام
نور ببكى : شفتي كيف صار ي سمر
سمر ضمتها وهي تقومها : ايوه شفت قومي معه هو محتاجك الحين خليك قويه عشانه يلا ي نور
قامت نور بصدمه معاها وراحو ورا عزام وماجد وصلو الغرفه شافوا عزام منسدح على السرير وماجد جالس بجنبه تكلمت سمر اللي قلبها متقطع على ماجد :ماجد
لف ماجد اللي فعلا محتاج لسمر لصوتها لكل شي فيها شاف نور معاها قام وهو ساكت وطلع دخلت نور اللي كانت ترجف وفيها بكي قربت وجلست قباله حاوطت وجهه بيدينها :عزام شصاير لك ي حبيبي عزام لا تسوي كذا الله يخليك عزام احنا بحاجتك تكفى عزام
لف عزام اللي طاحت دموعه اول ما سمع صوتها قابلها وحضنها وهو يبكي بقهر وحزن ارتفع صوت بكيه المكتوم بحضن نور كانت نور تبكي وعزام بعد يبكي تركته نور يبكي تركته يتكلم بكل شي بداخله كان يشكي لها هم فراق ضاري وتقطع قلبها عليه
٠٠٠٠