روايـــــــــــــة ✍🏼 { كئيب الليل ياطفلة يغيب الكل لا غبتي }مكتملة

البارت السابع والخمسون

دفه عزام ومر وهو يصرخ: جاااااابر جااااابر جاااااااااابر
طلع الجد من قصره والكل طلعوا على صراخ عزام
الجد بستهزاء :نعم وش تبي ي عزام
عزام : اسمعني زين احذرك للمره الثانيه لا توقف بوجهي ولا تعكر حياتي والا عمرك كله ما بتسلم من شري
الجد : اللي ماتطوله بيدك طوله برجلك والايام بينا
عزام : اجل احسب لايامك ي جابر
طلع وتركهم وهو ناوي يدمره تدمير
٠٠٠٠٠

عند يزن صحى الصبح وطلع لتركي بالمستشفى مر يدور على عزام ماحصله
ضاري : يزن شفت عزام
يزن :لا كنت ادور عليه اصلا
ضاري : وين اختفى هذا
تركي : شباب
يزن : تعال شفت عزام
تركي : ايه من ساعه طلع وهو مايشوف قدامه كنت بكلمه بس دفني وقال ابعد مدري شصار له
ضاري :لا يكون احد من اهله صار له شي
يزن : تتوقع
تركي : يمكن
ركضوا كلهم على السياره ورواحوا لبيت عزام وصلوا دقوا الباب فتحت ام عزام : هلا ي ضاري
ضاري : ي خاله عزام ماجاء
ام عزام : لا ماجاء شفيه لا يكون صاير له شي
ضاري :لا لا بس كان طالع عبالنا هنا
قطع عليهم عزام اللي نزل من تاكسي
تركي : عزام وين كنت وش صار معك
عزام رمى الاوراق في وجه تركي : ابد جدك المحترم فصلني
الكل : اييييش
عزام : لكن اقسم بالله لانكد عليه حياته
تركي : وش السبب
ضاري : اش التفاهه هاذي
عزام كان يحوس بقهر ماهمه الوظيفه همه انه مايقدر يصرف عليهم اذا انفصل الكل كانوا منصدمين ما توقعوا تبدا بضربه قويه كذا
يزن : وش بتسوي ي عزام
عزام : بربيه والله لربيه
يزن : اقدر اساعدك اذا تحتاج
عزام : مايحتاج
تركهم عزام وهو يفكر كيف ينهي حياة الجد
٠٠٠٠٠

اما الجد كان مبسوط لما شاف قهر عزام بس انتبه لابو ماجد اللي دخل وعرف انه بيقلب الدنيا
ابو ماجد : كيف تسوي اللي سويته من سمح لك ابي افهم من سمح لك
الجد : مو شغلك واطلع من هنا
ابو ماجد : بتصلح اللي سويته والا
الجد : الا هاذي خلها بجيبك واطلع من هنا ي سعود لا تحدني على اذيتك
ابو ماجد : انت اذيتني وانتهيت والله والله لو ما تلغي اللي سويته لتكون سيرتك على كل لسان
الجد جلس وهو يحط رجل على رجل : الله معك
طلع ابو ماجد وهو مقهور على عياله انتبه لجواله كان رقم رد : نعم
طلال : يبه انا طلال
ابو ماجد بفرحه : هلا ي ابوي هلا ي بعد روحي يا حي هالصوت ي حبيبي
طلال حس بشعور غريب : هلابك ي يبه
ابو ماجد : الله يسعد الساعه اللي جابت صوتك
طلال : تسلم ... يبه انا ابي اسمع عذرك اللي تركتنا عشانه
ابو ماجد : ابشر يبه اقولك كل شي تبيه المهم انتم تسامحوني
طلال : زين وين اشوفك
ابو ماجد :تعال الشركه ي حبيبي
طلال : زين بس امي وعزام لا يدرون
ابو ماجد :ابشر
سكر طلال وهو فيه فرحه اخيرا بيجتمع مع ابوه اخيرا بيعيش الحياه اللي يبيها قام وهو يشوف وجهه كيف مضروب ابتسم وهو يقول :اوعدك انها اخر مره يصير فيك كذا ي طلال من اليوم بيصير لك اسم وهيبه طلال سعود جابر الجابر
لبس وطلع بدون ما احد يحس عليه
٠٠٠٠

اما عزام اللي يحس انه على نار مايدري وش يسوي وقرر انه يبتدي يراقب الجد ويعرف اخباره من اقرب الناس له دخل البيت وسيده على الغرفه بدل ملابسه وطلع ولا رد على احد وقف اقرب تاكسي وراح لشقة يزن نزل وهو يطالع سياره فتحي وقف قبال الباب ودق القزاز فتح فتحي بخوف :نعم
عزام : اسف ي صديقي
رش على وجهه منوم وفتح الباب وركب وبعد فتحي وجلسه على المرتبه الثانيه وحرك بسرعه وطار وقف قبال مكان بعيد ومهجور نزل واخذ فتحي وجلسه وابتدا يصحيه ليما صحى فتحي حاول يتحرك بس ماقدر لأنه مربوط
عزام جلس :لا تتعب نفسك كثير الموضوع بالنهايه دردشه
فتحي : شتبي
عزام : شوف ي صديقي انا وانت منافعنا متبادله يعني انت تساعدني وانا اساعدك
فتحي : تساعدني في ايش
عزام ابتسم : اساعدك في اني اخبي على جرايمك اللي سويتها عشان جابر (عزام قالها مجرد تخمين لانه توقع ان وراء كل هالاملاك اللي عند جابر فيه بلاوي ولا يدري اذا فيه جرايم او لا )
فتحي خاف لان فعلا فيه جرايم : وش تقول انت اصلا ما عندك دليل وتعتبر خاطف
عزام من ارتباكه ايقن انه فعلا عنده بلاوي وضحك سحب فلاشه من جيبه فاضيه وقال : شوف هاذي مسجل فيها كل شي يعني اي غلط بتروح في ستين داهيه
فتحي خاف فعلا لان عزام واثق وكان فتحي عنده مصايب اقل عقاب فيها سجن : وش اساعدك فيه
عزام: ههههه حلو يعجبني ذكائك ساعد نفسك احسن ما تساعد هالشايب اللي بيرميك قريب
فتحي : قول وش عندك
عزام : اول شي تأدب معي ثاني شي كل شي عن جابر ابي اعرفه كل شي مصايبه بلاويه مخططاته املاكه حتى ارقام جواله كل شي
فتحي : انا مقدر اخونه .