روايـــــــــــــة ✍🏼 { كئيب الليل ياطفلة يغيب الكل لا غبتي }مكتملة

البارت الخامس والستون

عند طلال صحى على صوت ابوه تمغط وهو ناسي وين يكون فز اول ما شاف المكان اللي هو فيه التفت يناظر ابوه واستوعب كل شي وجلس
ابو ماجد : صباح الخير ي ابوي يلا قوم بسك نوم
طلال قام وراح يغسل ورجع لابوه اللي كان على طاولة الطعام كان مستانس على دلال ابوه له والاكل وكل شي
ابو ماجد : طلال اللي تحتاجه ي يبه قول وانا اعطيك
طلال ما استحى وطلب : ابي سياره يبه وابي جوال
ابو ماجد ابتسم: ابشر نطلع الحين ونجيب لك كل شي تبيه
طلال كان فرحان فرحه مو طبيعيه قام يلبس بسرعه وهو متحمس
٠٠٠٠٠

اما عند تركي اللي كان يحاول يرجع عزام مر من عند مكتب المدير سمعه يكلم
المدير: وين فلوسي ي جابر مو هذا اتفاقنا
تركي بسرعة طلع جواله وفتح التسجيل وهو يدعي امه يقدر يمسك دليل عليه
المدير : مو على اساس اذا فصلت عزام اليوم الثاني بيكون عندي مليون بحسابي وماشوف وصلني شي ..... لا تحاول تماطلني .... اسمعني ي جابر لو ماوصلتني فلوسي برجع عزام للمستشفى وألغي كل شي لصقناه فيه عشان نفصله ..... زين ... مع السلامه
ابتعد تركي لما سكر المدير وركض وراح لشقة يزن وهو فرحان انه بيقدر يساعد عزام وصل بسرعه هايله ودق الباب فتح يزن اللي كان نايم وباين انه انفجع قرب تركي وباس خد يزن وهو يقول : بسم الله عليك موب وقت فجعتك تعال تعال لقيت دليل مدمر
يزن ركض وراه وهو باقي مفجوع : وش صار
تركي سحبه يجلس وهو يفتح التسجيل وكان صوته شوي واضح بس ينسمع وش يقول يزن طارت عيونه بصدمه وضحك بحماس وهو يضم تركي : وربي انك بطل كيف قدرت تجيبه
تركي :ههههه دعوة والدين ومظلوم كشفهم ربي
ابتسم يزن وقال :تعال نكشف حسابات جدي والتحويل اللي يسويه
تركي :لا تقولي بتخترقه
يزن:هههههه لا لا ارتاح اعرف واحد من اصحابي في البنك بخليه يكشف لنا الحساب
تركي : زين يلا
اتصل يزن على صاحبه وطلب منه كشف حساب لجده وقاله شوي وبيرسله الكشف
تركي: برافو عليك باقي بس ناخذ صوره للكشف ونوديه لقسم الشرطه
يزن: قول ي رب
بعد شوي وصل لهم كشف الحساب وعمليات التحويل وكان اخر تحويل على حساب المدير فزوا بسرعه بعد ما طبعوا الكشف وراحوا لقسم الشرطه
٠٠٠٠٠

اما عند ضاري وصل بيت عزام وصار يدق بقوه وهو يبي يفهم عزام وش صار فتحت نور : نعم
ضاري : وين عزام
نور : عزام نايم
ضاري : صحيه ابيه
نور: ما رح اصحيه تعبان ونايم
ضاري : ابعدي اصحيه انا
نور :معليش مابي ماصدقنا نام ماراح اخليك تصحيه
ضاري انجن ودف الباب بس نور ما بعدت : ابعد ي مجنون وين رايح
عزام كان نومه خفيف وفز على الصوت طلع من الغرفه وانصدم من المنظر اللي قباله صرخ :ضاااااااري
التفتوا كلهم عليه بصدمه وركض وهو خلاص وصل حده من الصدمات سحب نور وبعدها عن الطريق ومسك ضاري ودفه برا : شتبي جاي
ضاري طاح وقام وهو يقول : عزام اسمعني كل اللي شفته مفبرك كله من تخطيط هاله عزام تكفى اسمع
عزام بصراخ: ضاااري اطلع من هنا مابي اسمع منك شي كان تخطيط او مو تخطيط اطلع اطلع اللي انت سويته اكبر من كل شي سووه ضاري اذا عندك مقدار ذره لصداقه اللي بينا اطلع من هنا ولا تفتح الجروح اكثر ي ضاري اطلع
ضاري قرب لعزام : طيب اسمعني عشان العشره
عزام مايدري كيف جات له قوه اللي قدر فيها يمسك ضاري ويضربه بس مع ذلك كان يبكي ابتعد بعد فتره ودف ضاري وهو يأشر بيده : ابعد عني ي ضاري لا تحاول تقطع طريقي ولا اشوف وجهك لا تخليني اضرك وابيع نفسي
دخل وصفق الباب وجلس بإنهيار التفت لأمه ورعد ونور اللي واقفين بطرف ويبكون وقف وهو يحاول يتماسك تقدم بهدوء وقف قبال امه : يمممه
ام عزام : عزام وش صاير ليش سويت بضاري كذا ضاري اللي كان روحك ليش سويت كذا ليش
عزام صد وهو مايبي ينهار : هاذي الحياه يمه هاذي الحياه كل من حولي غدروا فيني
ام عزام ببكي : بس ضاري مايسويها
عزام التفت لأمه بهمس : سواها يمه سواها
تركهم وطلع سحب جواله يدق على ثامر
٠٠٠٠٠٠

عند ثامر اللي لف الغرفه كلها لف وهو يحس انه تعب خصوصا انه ما نام جلس ولا حس بنفسه ونام فز على صوت الجوال بسرعه فتحه قبل احد ينتبه له :هلااا
عزام وصوته تعبان : ثامر شفيك وينك
ثامر : انا رحت الشركه اخذت كل الكودات وكل المستنداات المهمه وبعدها رحت البيت اخذت كل شي مهم حصلت خزنه طلعت ادور مفتاحها بغرفة جابر وقفلت علي الخادمه
عزام : ايييييش
ثامر : هذا اللي حصل ي عزام عجزت اطلع
عزام :اسمع انتبه لنفسك وانا بساعدك
سكر عزام واخذ تاكسي وقفه وطار لشقة يزن وصل ودق الباب محد يرد عليه سحب الجوال ودق على يزن ..