روايـــــــــــــة ✍🏼 { كئيب الليل ياطفلة يغيب الكل لا غبتي }مكتملة

البارت الثالث والخمسون

كانت هاذي العاصفه اللي سبقها هدوء قطع الصمت صوت طلال اللي قال: يبه
التفت ابو ماجد بلهفه والكل التفت عزام بصراخ: انقلع جوا انت
طلال وهو يعرج توجه لابوه : ما بنقلع ابي اسمع وش عذر ابوي لكل شي صار
عزام : طلال انا اتكلم ادخل جوا احسن
تركي : لحظه لحظه اي ابو وش السالفه
يزن : عزام وش جالس يقول اخوك
عزام توجه لطلال وهو ناوي يلعن خيره بس سبقه ابو ماجد اللي قال : وش ذا اللي مسويه بأخوك
عزام : انت ابعد ومالك شغل بينا
طلال : اشرح لي ليش رحت وتركتنا
طلعت ام عزام وهي لابسه عبايتها : طلاااال ابعد عنه مالك اي شغل فيه سعود اطلع من هنا ي سعود لا تدمر عيالي
ابو ماجد : فاطمه اسمعيني لا تسوين كذا من دون سبب انا لي سبب مقنع اسمعوني
عزام : اي سبب واي بطيخ وش عذرك هاه وش عذرك عذرك الفلوس صح ياشيخ الله يلعن ابوها فلوس يلعن ابوها حياه اللي تخليني ارمي عيالي اسمع اسمع اطلع من هنا بعذرك وانسى ان لك عيال محد بحاجتك هنا لو تعتذر ليوم الدين اطلع من هنا
طلال : ما راح يطلع انا بسمع منه
تركي ويزن كانوا يناظرون بصدمه كيف صار كل ذا
قطع الصمت دخول ابو يزن والجد الكل التفت لهم بصدمه
يزن : يبه وش جابك هنا
الجد : سؤالك لك ي ابن امك وش تسوي هنا انت و الحمار اللي معك
يزن: مو شغلك انا اتكلم مع ابوي
ابو يزن : اص وقص احترم جدك
قطع النقاش صراخ عزام : نعم خير وش تبي انت بعد اسمعني زين لم عيالك واطلع من هنا
الجد : اقصر صوتك ي نكره
ابو ماجد : يبه وقف الين هنا وخلاص ما اسمح لك
عزام: ومن انت وياه عشان تسمحون اسمعوني زين اطلعوا من هنا احسن لكم
نور وحور كانت صدمتهم تقوى ونور انجنت خافت انهم عرفوا عنها
طلال: يبه انا اسمعك
عزام سحب طلال ودخله جوا وسكر الباب واتجه للجد بغضب فتح الباب وهو مو طايقه : الظاهر تسمع وش اقول ي جابر اخذ عيالك واطلع من هنا البيت يتعذركم
الجد : فرحان ببيتك هااه اصلا هذا لو جاء بلاش ما اخذته
عزام قرب وقف قبال الجد وهو يقول : محد طلب رايك اصلا ومثلك مايتشرف فيه هالبيت فا ورني عرض اكتافك ولا تكبرها
الجد وخر عزام بعصاته : لا ي شيخ واذا كبرت وش بتسوي
عزام اللي كانت القيامه قايمه عنده سحب عصاه من وجهها له وهو يدقها بصدره : شكلك ما تعرفني ي جابر
الجد انصدم من حركته وحاول يبعد عزام الا ان عزام تقدم الين ضغطه بعصاته على الجدار وهو يهمس بغضب : اقسم بالله لو ما تحلون عني انت وعيالك لأقلب الدنيا عليك واخليكم ريال ما تسوون سامعني احترم نفسك وشيباتك وانقلع برا
ابتعد وهو يرمي عصاته برا : اتمنى اني ما اضطر للفعل
الجد اتسعت عيونه بغضب وطلع وهو يتهدد ويتوعد بعزام وطلع وراه ابو يزن
عزام : وش تنتظر ي ههههههه ابوي
ابو ماجد نزل راسه وعرف ان السالفه صعبه طلع وتركهم
صفق عزام الباب وهو معصب وقال: يمه ادخلي جوى
دخلت ام عزام والتفت عزام على تركي ويزن : بتقنعوني انكم ماكنتوا تعرفون انه يصير ابونا الحين تأكدت من انكم متفقين معه وماقصرتوا بحثتوا وفتشتوا لما اعتقدتو اني وثقت فيكم قلتوا جاء دور ابوهم صح سؤال بس ليش كل ذا
يزن وتركي انصدموا كيف يتهمهم بالخيانه: عزاام انجنيت احنا تونا عرفنا
تركي : كيف تقول كذا اصلا احنا مافتشنا بأصلك نهائيا
عزام : ههههههه تركي اخذ ولد عمك واطلع من هنا وتأكد انكم فشلتوا
يزن : عزام انجنيت انت
تركي : عزام اسمع صح راقبناك صح فتشنا وراك صح سوينا شي كثير ماله داعي بس والله ماكان لنا اي معلومه بهالسالفه والله اصلا صلتنا مع عمي سعود معدومه تماما حتى مع اهله فكيف بنتفق معه
يزن: عزام لا تترك شكوكك تدمرك
عزام : ههههه صراحه تستاهلون الاوسكار على هالفيلم اللي سويتوه
تركي : انهبلت انت صح فيلم ايش ي مجنون
عزام جلس وهو يناظرهم : لحظه لحظه انا اقول اوفر عليكم الشهر بالادعاء ان كل هالاحداث كانت صدف خططتوا بس مدري وش الهدف من هالتخطيط بداية الخطه تهرب نور وتجي هنا بعدها وبعد فتره يطلع لي اخوها وولد عمها ويسوون فيها المحقيين والابرياء واعداء الظلم بعدها نصير انا وهم اصحاب وبعدها بقدرة قادر وبمحض الصدف يتعرف اخوي طلال على ماجد وبعدها يجي الواسطه ابوه ويطلعهم وفي نفس اللحظه يكتشف انه حصل عياله اللي رماهم وتبدأ دراما الاعتذار وبنفس اللحظه يداهم الراس الكبير جابر الجابر وكلهم يمثلون بنفس الطريقه يعننا متفاجئين ولا ندري وش بيصير طيب وبعدين الهدف وشو على ايش نشنتوا دمار احنا متدمرين خلقه ضياع احنا محصلين انفسنا عشان تضعيونا انكسار اتوقع احنا متصدرين بذا الامر عشان كذا اختصرت عليكم كل هالديباجه والنهايه كانت من صالحي عشان كذا اقولك خذ اختك وولد عمك واطلعوا من هنا ولا تفكرون تلعبون معي ..