روايـــــــــــــة ✍🏼 { كئيب الليل ياطفلة يغيب الكل لا غبتي }مكتملة

البارت السابع والاربعون

اللي هو صالون نسائي المهم بعد فتره لاحظنا ان ربي انعم عليها واشتغلت كويس وصارت تجيب فلوس مع ذلك ما كانت تساعد احد وتجمع فلوسها ولا حتى تشتري خبزه للبيت بعدها شفنا حالها تغير وبدت مشاكلها مع عزام تكبر وصارت مو شايفه احد وبدت تتغير وبعد فتره قررت تطلق من عزام وطلقها لانه اصلا مو طايقها وراحت ورمت رعد علينا بعد مده وصلت لعزام صور لها فاضحه صور تفجع كانت بحالات فضيعه ومقززه وبان انها كانت تروح لصالون وبعد مايروح عزام تطلع من المشغل وتروح لاستراحة وكل هالفلوس من هناك وبعدها بفتره تقدم لها واحد مليونير وعافت عزام وطلبت الطلاق
نور شهقت : لا لا مو من جدها كيف تسوي كذا الحيوانه
حور بتنهيده : الطمع
نور تجمعت دموعها بعيونها: وش صار لعزام
حور : لا تسألين وقتها انجن انجن وربي  لو تشوفين كيف اسود وجهه وكيف صرخ بقهر يحطم الجبال انهبل انهبل كره رعد وصار يشك انه ولده سوا ضاري تحليل DNA واثبت له ان رعد ولده مع ذلك عاد التحاليل مليون مره وبالقوه اقتنع وبعد ما تخلص تماما من نوبات الصرع تماما رجعت له بسببها ووقف دراسه ترم وصار بس طايح بفراشه ومن بعد ٣ شهور قدر عزام يتمالك وزادت عقده وزادت حالته الكسيفه وصارت تجيه نوبات الصرع حتى بالكليه وبعد فتره وبعد مساعده ضاري طلع يتجاوز هالازمه بس مأثره فيه عشان كذا عزام ماقبلك اول ماجيتي وطردك وتعامل معك كذا عشان كذا ثقته بالناس عدم حتى نفسه مايثق فيها وحتى ضاري كان عزام بقايا انسان حتى الضحك ما يعرفه لكن مع ذلك كان قلبه طيب ورجعك عزاام قلبه ابيض بس هو يخبيه
نور انهارت تبكي وهي مصدومه من قصة عزام المأساويه كيف كيف عزام بهيبته يصير له كل ذا كيف كبر بعينها وزاد حبها له واصرت انها تبدا تعوضه وتكون معه وترجع ثقته لناس وللحياه استغربت كيف يقدرون يخونونه كيف ماقدرت تمنع نفسها لا تبكي
٠
٠
وبعد شهر كانت الاحداث راكده بس متوتره
عند عزام اللي قدر يكسب ثقة هاله وطيرها لسما بتمثيله انه يحبها وماشاف السعاده الا معها ليما صارت تثق ثقه عمياء وايقنت انه مستحيل يتركها وابتدا عزام يلعب على هالوتر وابتدا يجهز نفسه ويتحدى الجد اللي كرهه من افعاله قبل يشوفه

نور كانت باقي عندهم وبعد ما عرفت قصة عزام صار كل يوم تحبه اكثر مع انه مو معبرها ويعتبرها مثل اخته الا انها مصره انها تداوي جروحه القديمه

اما ضاري اللي تغير ١٨٠ درجه وصار بس يفكر وذابل وطول الوقت برا البيت مقابل بيت عزام وتعلق في نور بشكل مو طبيعي لدرجة انه شوي وينجن ومقرر يخطبها بس لا تصلحت امورها مع اهلها

اما يزن اللي يحاول يكسب رضا عزام لكن فشل فيها كلها وايقن ان عزااام صعب ومازال يراقب مكالمات الجد
اما تركي اللي عايش بين حبه مع غلا وقصة نور ويزن وعزام اللي بينهم نار وشرار

وطلال اللي ماشي بكذبه وصار يلعب بماجد ويحاول يكسب ثقته  عشان فلوسه وقدر نوعا ما يكون قريب من ماجد اللي صار حتى يحكي له عن حياته
٠٠٠٠
في بيت عزام رجع عزام وهو يبتسم : سلام
ام عزام : هلا يمه
نور بمزح: من وين طالعه الشمس عزام داخل علينا يضحك
عزام التفت لها وهو يبتسم لها ابتسامه وسيعه: عندك اعتراض نور
نور : ابدا الله يتمم بس وش المناسبه
عزام قرب وقف جنبها وهو يقول : ابد بنتصر
حور : على مين
عزام طلع علبه من جيبه وكانت فيها انواع الحشرات نمل وصراصير وجراد واشياء كثيره وكبها بسرعه على نور وصرخت حور : لااااا
نور فزت اول ماشافت اللي طاح عليها وهي تصارخ وصارت ترمي كل شي وتناقز وتبكي وتصارخ وعزام اللي انحاش وهو يضحك وطلع برا جلس قبال الباب وهو متسدح من الضحك ويسمع صراخها ودعاءها عليه وشوي الا تبكي وتناقز وام عزام تراكض بالشحاطه وراهم وتقتل فيهم ونور انجنت وصارت تركض بالبييت وهي تبكي وعزام يضحك برا ورعد يضحك عليها
٠٠٠٠

ضاري اللي طلع من البييت وهو ضايق ومتكدر مر شاف عزام طايح عن الباب ركض له وشافه يضحك استغرب ضحك عزام وسمع الصراخ جوا انفجع
ضاري : عزااام شفيك
عزام مارد وهو يضحك ضاري عصب : عزااااام
عزام اعتدل وهو يضحك ويشرح له وهو يضحك ابتسم ضاري على شكله وصار يضحك من ضحكه ومن الموقف مع انه ضاق ان هاذي الميانه واصله بينهم كذا ابتسم وهو يسمع صوت صراخها صار يضحك بغبن تمنى لو يقدر يمون عليها مثل عزام
شافو تركي ويزن جايين ومستغربين حالتهم
تركي : وش فيكم وش صار
عزام ما رد عليهم لانه خلاص فصل ضحك كلهم كانو يناظرونه بتناحه اول مره يشوفونه كذا
تركي : ضاري وش فيه
ضاري ببضحك: مدري تو جيت حصلته بها الحال ..