روايـــــــــــــة ✍🏼 { كئيب الليل ياطفلة يغيب الكل لا غبتي }مكتملة

البارت السابع

📖 روايـــــــــــــة ✍🏼
{  كئيب الليل ياطفلة يغيب الكل لا غبتي }

تحت سيطرة جدها اللي حتى دراستهم هو المسيطر عليها كانت تمشي بخوف وهي ترجف وخايفه وكل شوي تصرخ وتبكي كانت تلف الحاره خمس مرات وهي مو قادره توقف بكي
حست بدوخه من امس ما اكلت وبرد وجوعانه وخوف وارتباك
استندت على احد البيوت وهي تبكي سحبت سكينها اول ما حست احد وراها بس التفتت ما حصلت احد قربت من الباب وهي بتدت تختفي رؤيتها وقفت وهي تخبط ع البااب بقوه وهي ماتدري وش مصيرها ومتوكله على ربي

....
عند عزام اللي كان جالس هو وامه وحور ورعد حول النار كان يلعب رعد ومبسوط فيه وحور تذاكر وامهم جالسه تخيط
اقتحم هدوءهم الضرب ع الباب فز عزام وهو مستغرب من بيدق كذا ترك رعد واتجه للباب
...

في القصر الكل كان يدور الرجال الحريم البزران الخدم والسواقين وكل شي وصراخ الجد معبي الدنيا
الجد: كيف تطلع محد يشوفها كيف كيف
ابو يزن: مدري يبه انا كنت مقفل عليها والله
تركي يهمس ليزن: صح غلطت بس اعجبتني هي الوحيده اللي فكرت زين
يزن: نفسي اعرف هي وين عشان اساعدها بس
تركي: لا تخاف مابتروح لين تأمن نفسها
ماجد : اش هالتسيب بنت تهرب ولا احد يحس فيها اكيد انها هربانه مع حبيب ولا كيف تتجرأ وتهرب وهاذي نهاية تربيتكم ال....
ما كمل كلامه الا انقضو عليه يزن وياسر وتركي وخذلك تصفيق
يزن وهو ضايق اصلا من دون : ماباقي الا انت ي كلب تتكلم عن النور انت ي كلب مين انت
كانت عيونه حمرا وهو يضرب ماجد تدخلوا كلهم الجد وابو يزن وفرقوا الموضوع
الجد : ماعاد لي احترام بينكم ي كلاب
يزن بغضب: كله منك انت انت اللي سويت كل ذا كله من تحت راسك انت المسئول عن هذا كله وتأكد لو يصير بنور شي صدقني ما اخليك عايش
طلع يزن بغضب وهو يقول : وانا مالي رجعه هنا طالما نور برا البيت
ابو خالد : انقلع الله لا يردك
تركي طلع بعد يزن وهو يركض بيلحقه .

تركي : يزن يزن وقف وقف
يزن: ابعد ي تركي ابعد اللي يخليك ابعد
تركي : ابعد ليه مجنون انت لا ماببعد وين بتروح
يزن: بروح ادور على نور
تركي : وش بتسوي اذا لقيت نور
يزن: تركي هاذي اختي مدري وينها ولا وش صار فيها
تركي : ادري بس الاحسن انها تعبد نهائي عن ذا العايله اا تحاول ترجعها وانت تدري ان جدي وابوك ما بيخلونها
يزن : اجلس مكتف يديني كذا
تركي: طيب اسمع خلنا ندورها اول شي واذا حصلناها مابنقول لاحد
يزن : يلا
...

عند عزام فتح الباب وانفجع من البنت اللي طاحت عليه وهي تهمس : الحقوني ساعدوني اللي يسعدكم ساعدوني
ركضت له امه: عزام وش صار
عزام: مين انتي
نور كانت طايحه بين يدينه وهي فاقده الوعي بعد ماقالت: ساعدوني
سحبها عزام وخاف ان احد يلحقها او شي سكر الباب وهو حملها وحطها على الارض
حور: مين هاذي وش تبي
عزام بخوف : مدري
رعد ببكي : بابا
عزام: حور خذي رعد جوا
ام عزام جات وهي تركض بنص بصله وتمررها قبال خشم نور وترشها بمويه : ي بنتي قومي بسم الله عليك
عزام كان جالس وهو حاط. راس نور بحضنه ويضربها بخفيف عشان تصحى شال نقابها عن وجهها وهو مركز انه يساعدها
بعد شوي فتحت نور عيونها
عزام: انتي بخير
ام عزام: تسمعيني ي بنتي
نور رجعت قفلت عيونها وهي تسمع ام عزام : عزام يمه شفيها ساعدها يمه
عزام كان يحاول يصحيها بكل الطرق وصحت نور وسندها عزام وهو يمد لها كوب مويه : خذي اشربي
نور ببكى بعد ماشربت: وين انا
ام عزام: انتي بأمان يمه
نور سحبت طرحتها وهي تغطي وجهها : الله يخليكم ساعدوني
عزام صد لما شافها تغطت منه : وش قصتك ومن لاحقك وش ذا اللي صاير فيك
ام عزام : قولي ي بنتي واحنا بنساعدك
نور كانت ترجف وتبكي وهي خايفه ماقدرت تتكلم من كثر مابكت
راحت ام عزام وجابت لها صينيه فيها شوية اكل وهي تقول : عذرينا ي بنتي هذا الموجود المهم يسندك
مدت لها الصينيه وابتدأت نور تاكل وهي تبكي شافت عزام وقف وراح للغرفه وهو يضم طفل صغير كان يبكي
رعد: بابا انا خايف
عزام : بسم الله عليك بابا ليش
رعد: من الجنيه
عزام: لا ي بابا هاذي وحده مسكينه شويه تروح
سكت رعد ما طمنه عزام
حور: مين هاذي
عزام: مدري مرعوبه  وتبكي وراها مصيبه بس مو راضيه. تتكلم
حور: بطلع اشوف
٠
نور كانت تاكل وهي ترجف ام عزام وهي تمسح على راسها: كلي يمه لا تخافين بنساعدك مهما كانت مشكلتك ارتاحي
خلصت حور وابتسمت لام عزام وهي خايفه قربت حور وهي تقول: سلام
نور بهمس : وعليكم السلام
مدت حور يدها عشان تهديها وصافحتها جلست وهي تقول : انا حور وانتي
نور ابتسمت بهمس : انا نور
حور : حلو بدينا نتفق اسامينا زي بعض
نور ابتسمت وهي خايفه  حور: لا تخافين انتي بأيدي امينه ارتاحي وروقي
نور :انا اسفه ازعجتكم بس مابيدي حيله
حور: اتركي الكلام الحين وكملي اكل وخذي الشاهي وتدفي الدنيا برد وبكره يحلها الف حلال ..

ا