📖 روايـــــــــــــة ✍🏼
{ كئيب الليل ياطفلة يغيب الكل لا غبتي }
ضاري : وش انكشفنا وش صار
عزام: تركي شاك فينا وانا حاس ان نور تقرب لتركي
ضاري : لا تمزح شدراك
عزام حكى له اللي صار وقف ضاري بتناحه : يمكن يسأل سؤال عادي
عزام: لا تستهبل سؤاله موب عادي
ضاري : انت ليش شكاك
عزام: ضاري بلا استهبال
ضاري : اذا كذا لازم ننتبه
عزام : ايه ضروري المهم انا بطلع معاد قادر اوقف تركي بيمسك محلي
ضاري : زين خلني اوصلك اصلا معاد عندي شي احتمال استئذن بعد
عزام : ايه زين يلا
استأذن ضاري وطلع هو وعزام وهم يسولفون ركبوا
ضاري : ودك نروح بيتنا ونفطر ونروق
عزام : اي والله فيني جوع يهلك
ضاري : ههههههههههه موب منك من سوالف النور
عزام ابتسم وهو يلف ويناظر من الشباك دقق في المرايه الجانبيه وقرب وصرخ: ضاااري
ضاري : وجع شبلاك
عزام : تركي ورانا جالس يراقبنا غير طريقك للنسيم بسرعه
ضاري : ليش
عزام: عجل
غير ضاري طريقه وابتداء عزام يرتبك دخلوا في زحمه النسيم وهم يراقبون تركي
٠
٠
عند تركي اللي طلع بعدهم وهو بيتأكد اذا هو صادق والا يكذب شافهم اتجهو لنسيم ودخلوا فيه لف واخذ جواله وهو يدق على يزن : الو يزن
يزن: هلا تركي بشر
تركي : لا لا الرجال صادق هذا هم دخلو النسيم
يزن: اوووف ي ربي وش اسوي
تركي : اصبر ربي بيحلها
يزن : ليتني اعرف وين هي بس
تركي : لا تخاف ربي معها
يزن : زين يعطيك العافيه
تركي : فمان الله
......
عند نور وحور وريما دخلوا مع بعض وهم يسولفون وفالينها
ريما : نور عندك اخوات
نور: عندي وحده بس واثنين اخوان
ريما : ماشاء الله
نور خنقتها العبره اشتاقت لهم حيل سكتوا حور وريما لما شافوها ولا حبوا يضغطون عليها
ام ضاري بهمس لام عزام: وش بتسوون معها ي ام عزام
ام عزام: وش بنسوي بنخليها عندنا لين الله يفرجها
ام ضاري : بس مايصير تجلس عندك وانت عندك اثنين رجال
ام عزام: عيالي معتبرينها اختهم
ام ضاري: اذا حظر الشيطان بيعرفون ان ماهي اختهم لا تبلين عيالك بنفسك والبنت مثلك شايفه ماشاء الله عليها
ام عزام: اذكري الله ي ام ضاري مافيه شيطان ان شاء الله
ام ضاري: ان شاء الله
..
عند عزام وضاري رجعوا بعد ما تأكدوا ان تركي راح
عزام: قلت لك شاك فينا تخيل لو ماشفناه تخيل وش بيصير فينا
ضاري : ي الليل اسود وش بنسوي الحين البنت هاذي شكلها بتصير بلا علينا
عزام: الله يستر بس عارف لو كشوفنا بنروح في ستين داهيه لا وظيفه ولا سمعه ولا حتى حريه
ضاري : شلوون
عزام: يعني بتخسر مهنتك ك طبيب وتنحسب منك وشهادتك بلها واشرب مويتها وهذا اذا ما سجنوك بتهمة الخطف وزود السمعه اللي بتتمسح بالأرض
سكت ضاري وهو يفكر في كلام عزام اللي كان صادق فعلا وهم طلعت عيونهم عشان الشهاده ولو انسجنوا بيضيعون اهلهم عزام حس ان انفتحت على راسه مصيبه ما بتتسكر وابتداء فعلا يتورط وصلو بيت ضاري ونزل عزام وهو يقول : ضاري معليش انسدت نفسي بروح البيت
ضاري: خير تعال تعال بس
عزام: والله مالي نفس
ضاري : ي رجل تعال انتهت السالفه ترا
عزام: مابي وربي تكفى لا تصر بروح انام تعبت خلاص
ضاري: زين اجل انت ابخص
٠
راح عزام لبيتهم وهو يفكر لو انكشف وش بيتصرف وش بيسوي
دخل وهو يشوف البيت هادي استغرب مافيه احد دخل يفتش بالغرف ما حصل احد توقع انهم رايحين عند احد الجيران دخل غرفتهم شاف طلال كاأنه جثه نايم وهذا حاله من تخرج نوم النهار والليل سهر نزل تيشيرته واخذ المنشفه وراح للحمام بيتروش
.....
عند ضاري اللي دخل وحصل ام عزام سلم عليها وراح لمجلس اللي هو ينام فيه بدل ملابسه وجلس بيفطر والتفت على الشباك غص لما شاف البنت الغريبه اللي واقفه بحجاب غريب مو حجاب حور اخت عزام كانت تلبس النقاب وهي تضحك فز ضاري لما حس الشاهي انكب على رجله وهو يصرخ: ااااي وقتك انت
سمع ريما تقول : نور عيديها طيب تعالي كل يوم
نور: من عيوني ابشري
تنح ضاري وهو يناظر ( هاذي نور اللي مسويه كل هالمصايب دخيلك ي رب ثبت عقلي )
شافها رايحه تركض وهي تستهبل عليهم وحور وراها بغطاها المحتشم وعباية الراس جلس وهو يتنهد : ي ويل قلبك ي ضاري
....
في بيت عزام دخلوا ونور باقي تطقطق وتضحك وتستهبل سمعوا باب الحمام ينفتح والتفتوا شافو عزام طالع وهو يحرك شعره بيده
ام عزام: عزام يمه شفيك جيت بدري
عزام انحرج يطلع قبال نور بذا المنظر وقف بعيد وجهه احمر : ولا شي يمه استأذنت وبنام شوي وبعدين برجع لدوام الثاني اليوم عندنا شغل
نور احترت وهي تشوفه كذا مرت بسرعه وراحت لغرفتهم وهي تنزل عبايتها حطت يدها على قلبها ( يمه ماشاء الله والله لو يشوفونه سمر وغلا يموتون )
أنت تقرأ
روايـــــــــــــة ✍🏼 { كئيب الليل ياطفلة يغيب الكل لا غبتي }مكتملة
Fanfictionََرواية مميزة وأحداثها جديدة .. في أحد الأيام يجمع الجد أولاده وأحفاده ليقرر مصير كل فرد من أحفاده ليجبرهم على الزواج ولكن بطلتنا جاء نصيبها ابن عمها انسان ليس له هدف في الحياة لا يخاف الله فتقرر ليلة ملكتها الهرب بعد ضرب والدها لها ورفض جدها العدول...
