روايـــــــــــــة ✍🏼 { كئيب الليل ياطفلة يغيب الكل لا غبتي }مكتملة

(81.82.83.84.85.86.87.88.89.90)

تركي : مدري شكلي كذا بسخن من ايام احس انها بتطيحني بس اقاومها واليوم هبدتني
غلا : بسم الله عليك خذ دواء خذ حاجه
تركي :ايه تو اخذت
سمع دق الباب :مييين
سمر طلت : انا ي المزيون
تركي : شتبين
سمر: شف شف وجهه الشرهه موب عليك علي اللي جبت اكلي وجايه اجلس معك
غلا: هههههه حرام عليك تركي
سمر سمعت الصوت ورمت كل شي بيدها وجت ركض : الله الله انا اقول ليش عايفني طلعتي انتي ي فتون علف( اللي بمسلسل حياله )
تركي: فتون علف وش يعني
غلا: سمر وجع
سمر: اقوووله اقولللله
غلا: سممر
تركي : وشو قولي
سمر: يدك على ٥٠٠
تركي :اول قولي نشوف يستاهل او لا
سمر: يستاهل لا تخاف
تركي عطاها ٣٠٠: اول قولي واكمل لك
سمر: عمى ي البخيل
تركي : عجلي
غلا: سممررر
تركي :سمر
سمر: اوووف هذا الله يسلمك اللي انت خاق عليها كانت ما تعرف تحط مكياج وكم مره عمتي كفختها بالحفلات وهي مصره انه حلو وهي نسخه طبق الاصل من فتون علف
غلا: الله يهديك
سمر: ومازالت ما تعرف انتبه منها مستقبلا تراها معنسه عشان كذا
تركي: هههههه اصلا بدون مكياج حلووه
سمر:كمل بس بروح
تركي عطاها ٢٠٠ وراحت وهي تحلطم وغلا تفشلت وسكرت وتركي رجع ينام وهو دايخ
٠٠٠

عند سمر قشت اكلها وراحت لغرفة سامر درعمت وهي تقول : سامر بسهر عندك
سامر : بسم الله دقي الباب طيب
سمر: اوووف ياخي زهق وربي زهق
سامر: وش بك طيب
سمر سحبت كيس البطاطس وفتحتها وهي تقلب بالتليفزيون :ياخي لو نور فيه ي سلاااام
سامر جلس جنبها : الا تعالي وش سر زواج نور هذا
سمر: مدري ولا اصلا ما توقعته
سامر : غريب صح
سمر: وانت وش دخلك
سامر ضربها بالمخده: هذا جزاي احاول افتح سالفه
سمر: ضاقت السوالف يعني
سامر : قومي انقلعي
سحبها وطلعها بأكلها سمر: طيب
رجعت جمعت اغراضها وراحت لسميه حصلتها نايمه :اوووف
اخذت جلال وتغطت فيه وقشت قشها ونزلت بتروح لغلا وهي بنص السور طاحت ورجعت وقفت وطاحت اغراضها :اوووف
التفت على واحد فوق راسها :يممممه
ماجد : بسم الله عليك هدي انا ماجد وش فيك وش صار معك
سمر رمت كل شي وهي خايفه منه وركضت جوا ناظرها ماجد عوره قلبه الكل يكرهه مايحبه نزل وجمع اغراضها وتركها لها جوا ورجع لغرفته رمى نفسه بضيق وهو يتنهد ( الله لا يسامحك يمه انتي سبب ضياعي انتي)
٠٠٠٠

عند نور صحت وهي تحس فيه شي ثقيل على صدرها تحركت وحطت يدها عليه فتحت وهي تصرخ لما حسته شعر حيوان فز عزام :نور وش فيك
نور كانت تصارخ وتبكي  فز عزام وشغل النور وانفجع لما شاف القطو يحوس بالغرفه وهو بعد خايف من صراخ نور طلع عزام القطو ورجع لنور اللي تصارخ وتبكي :نووور نوور بسم الله عليك نور
نور وهي تبكي : عزام بسه جات علي ي عزام
عزام كان بيضحك عليها بس قرب وهو يضمها :خلاص راحت ي خوافه معاد فيه شي راحت والله راحت
نور صارت تحكحك وهي تبكي وعزام يضحك عليها: الله يهديك انت وغرفتك المخيسه
عزام:ههههه شدخل غرفتي وش دخلني انا
نور: لاااااا ي ربي وعوه. وصخه تعال معايا بغسل
عزام قام وهو يضحك اخذها وهي بس تتلفت دخلت تغسل وهي كل شويه تبكي في الاخير تروشت
نور:عزااام ابي ملابس جديده
عزام راح يجيب لها ملابس واعطاها وهو يضحك عليها نور لبست وطلعت وقربت من عزام وعضت كتفه عزام: نور وجع انعديتي من القطو
نور: اسكت بس جالس تضحك من اليوم علي
عزام سحبها وهو يغطي شعرها :تعالي الحين ادخلي قبل لا تمرضين
دخلها الغرفه وسكر الباب مزبوط والتفت لها : خلاص معاد بتدخل نامي
نور: شلون دخلت
عزام: نور ترا السور قصير تنط السلحفاه معاه اذا بغت اكيد دخلت مسكينه عن البرد وبعدين هي متعوده تجي هنا
نور: لا والله مجمع لي حيوانات ويبيني انام هنا مابي رجعني لغرفتي
عزام انسدح :اقول تعوذي من الشيطان ونامي
نور: مابي عزام قوم وديني لغرفتي
عزام :روحي لغرفتك ونامي لوحدك خلي بدال القطو تنامين مع جن
نور جلست وهي تضرب عزام من ظهره عزام ضحك عليها:  نور من جد نامي
نور:مابي تعال نروح الغرفه الثانيه الله يسعدك عزام والله بيجي القطو مره ثانيه والله
عزام : والله مابيجي ي بنت الناس نامي
نور : عزام دخيلك ي عزا.... عطست : عزااام يلا
عزام اول ماسمعها عطست لف عليها : شفتي اذا جلستي كذا بتمرضين تعالي نامي
نور بعناد :احسن خلني امرض
جلست وهي صاده ما حست فيه الا سحبها وهو يرفع لحافه ضمها بحضنه اللي كان دافي وغطاها وهو يشد عليها : عنادك مايمشي علي طيب
نور جمدت مكانها حتى مو قادرة تتنفس كانت تحس فيه يتنفس وتحس بقلبه يدق تحس بحضنه الدافي ناظرت يده اللي شاد عليها فيها ارتجف داخلها واحترت سكنت بدون صوت وهي تحاول تستوعب حضن عزام ..