روايـــــــــــــة ✍🏼 { كئيب الليل ياطفلة يغيب الكل لا غبتي }مكتملة

البارت الثالث والستون

ثامر بكى غصب مع عزام وقرب وهو يضمه ويحاول يطمنه بس للأسف يطمنه بأيش وهو مطعون من كل جهه
سمعوا صوت الاذان ووقف ثامر وهو يسند عزام: عزام قوم ي اخوي قوم صل لربك وادع ربك وثق في ربك هو الوحيد اللي مايخون قوم قوم مد يدك لربك وبتكون اقوى من الكل
عزام وقف وهو يستند على ثامر اتوضاء وقرب يصلي وهو من اول ما كبروا لما سلموا وهو يبكي اخذ المصحف وقرأ شوي وسكر وهو يحس انه هداء وتطمن وحس بقوه وقف ولف لثامر اللي كان وراه قرب له وهو يضمه: انا اسف ازعج.....
سكر فمه ثامر وهو يقول : لا تقول كذا احنا اخوان انا معك لو العالم كله ضدك
عزام عوره قلبه كان ضاري دايم يقوله هالكلام طلع بيروح البيت بس ثامر ما خلاه وراح معاه وراح عزام لبيت ضاري قلبه محروق يبي يعرف ليش سوا فيه كذا
٠٠٠

عند نور صلت الفجر وهي تدعي ربي يحمي عزام حاسه بقلبها حرقه تحسه مو بخير تحس فيه شي وقفت وناظرت من الشباك لغرفتهم كانت فاضيه تنهدت ولفت تصحي حور لصلاة وراحت لأم عزام اللي ما نامت وهي تنتظر عزام وتبكي على طلال جلست جنبها : خاله الله يسعدك لا تسوين بنفسك كذا
ام عزام وهي تمسح دموعها : عيالي تشتتوا ي نور تشتتوا طلال راح مع اللي مايتسمى ابوه وعزام مدري وين اراضيه
نور : خاله لا تضيقين على طلال عمي سعود طيب والله بيحافظ عليه وفي النهايه هو ابوه وبينتبه له
ام عزام : اخ ي نور ما حافظ عليه وهو طفل رضيع بيحافظ عليه بعمر ٢٠
نور: ي خاله انا مادري شعذر عمي على اللي سواه بس اكيد له عذر
ام عزام وقفت وهي تتنهد : الله لا يسامحه وبس
راحت وخلت نور جالسه بضيق وتناظر الباب تنتظر عزام
٠٠٠٠

عند عزام وثامر وقفوا قبال بيت عزام وماقدر عزام ينزل حس انه انشل مو قادر يسوي شي ابدا
ثامر: عزام اذا مو قادر نرجع الله يسعدك كل شي الا صحتك تكفى عزام
عزام اخذ نفس عمييييق وهو يدعي ربه يوقف معه: لا بنزل بنزل
نزل وثامر معه وقفوا قبال الباب ودقوه فتحت ريما : مين
عزام عجز ينطق اسمه : ضاري فيه
ريما : ايوه الحين اناديه
راحت ريما وصحت ضاري : ضاري عزام عند الباب قوم
ضاري : وش يبي
ريما: مدري قوم صوته مره مو بخير
قام ضاري وهو يكح طلع وفتح الباب : عزام وش فيك
عزام اول ما سمع صوته تكهرب سحبه من تيشرته وهو مو قادر يتنفس حتى رفع يده بيضربه بس ماقدر دفه وهو يقول : ليش ليش سويت فيني كذا ليش قولي بس ليش وش ضريتك فيه عطني سبب مو حرام عليك ما كنت معي في كل شي منت تشوف وش يصير فيني بدال ما توقف معي تطعني ي ضاري
ضاري كان مفجوع : عزام شفيك وش صار وش اللي تقوله
عزام طاح وهو مو قادر يتكلم ابدا قرب ثامر وهو يسند عزام وقرب ضاري بس دفه ثامر: ابعد عنه ي كلب ابعد
ضاري : من انت عشان تبعدني عن اخوي
ثامر ما حس بنفسه الا هو يضرب ضاري انقهر كيف يقول عنه اخوي وهو خاينه كيف عزام كان جالس ومسكر اذنه وهو يسمع ضرب ثامر لضاري وقف وهو يبعد ثامر عنه
ثامر : عزام خلاص كيف تدافع عنه وهو اللي طعنك تكفى خلني ابرد قلبي فيه
عزام همس لثامر : عشاني ابعد عنه مهما كان هو نصف روحي
ضاري وقف : عزام اسمعني
عزام وقف وهو يبي يسمع اي شي يبرر فعله ضاري ببكي : عزام انا حبيت نور حبيتها بجنون خفت تاخذها مني خفت افقدها عمري ما حبيت احد كثر ماحبيتها كنت اغار منك لما اشوفك تضحك وتسولف منها للحظه خفت تاخذها مني صرت اعشقها صرت حتى احلم فيها وجودك كان عايق في حياتي
عزام ببكي وصوت بالقوه يطلع : تقوم تسلط هاله علي تحرضها تحط لي هروين ومخدرات تدمر حياتي عشان بنت كان قلت لي لو قلت والله لعطيك نور وعيوني معها كنت ساعدتك لو بس قلت ي عزام ابيها والله اسوي كل شي يطلع معي عشانك انا ما احب نور ونور ما تعني لي الا اخت وبنت عم بس مازادت عن هذا الشي ليتك قلت لي وليتك ماطعنتني كنت شاد ظهري فيك كنت قوي بوجودك كنت انت نصف روحي انت ملجأي كيف تهدم كل هذا كيف ماخفت ربك فيني ما انكسر قلبك على كل شي صار فيني ما أنبك ضميرك وقلت اخوي حرام اسوي فيه كذا قولي شسوي فيك قولي وين اوديك انا مو قادر حتى اسبك ي ضاري مو قادر
ضربه على صدره وهو يبكي فعلا عزام كان منهار مو قادر. يسوي اي شي مو قادر لو واحد غيره كان قطعه بس ضاري لا
ضاري حاول يعتذر بس ما قدر لان ثامر واقف له استند عزام على ثامر وراحوا وضاري واقف بمكانه يبكي وعزام يبكي بعد
دخل ضاري لبيتهم وشاف ريما واقفه بصدمه وهي تبكي : كيف تسوي كذا
قرب ضاري بغضب وخنقها : لو يطلع اللي صار لأي احد اذبحك انتي بعد سامعه
ريما انفجعت من ضاري اللي تغير سكتت وراحت لفراشها بخوف ..