روايـــــــــــــة ✍🏼 { كئيب الليل ياطفلة يغيب الكل لا غبتي }مكتملة

البارت الثلاثون

📖 روايـــــــــــــة ✍🏼
{  كئيب الليل ياطفلة يغيب الكل لا غبتي }

تركي وقف : هلا يزن تعال
يزن تقدم وسلم عليهم وهم متجمدين من يزن وبعد السلام وكيف الحال كان الكلام ليزن وتركي اما عزام بدال المصيبه صارت مصيبتين وضاري متنح في وجه يزن اللي كان فيه لمحه من نور اذا ابتسم
يزن التفت عليهم وهو يكلم تركي : شفيهم
تركي :مدري
حاول يزن يكلم عزام ويشوف وش وضعه الغريب وشك فيه هو واخته
تركي : ي عزام اذا تعبان روح
عزام: لا ي رجل ماني تعبان
يزن: الا تعبان وميت بعد تعال انا اوصلهم البيت وتركي يكون محلك
التفت عزام بقوه وخوف :لا لا لا انا بخير بخير
ضاري : ايه بخير بس شوي مشاكل بيني وبينه
تركي : شفيكم انفجعتوا طيب
ضاري :ههههه لا ولا شي
يزن: لا والله بوصله قوم ي عزام
عزام حس بدوخه ( وش يبي ذا يوصلني وش ذا الميانه اخته عندي بالبيت وفوق ذا كاذب بعنواني ومصايبي مصاايب )
ضاري قلب الموضوع : الا اقول انتم تقربون لبعض
ابتسم تركي : ايه احنا عيال عم
ضاري وعزام صرخوا مع بعض : نععععم
يزن: بسم الله شفيكم
ضاري : تمزحون صح
تركي : لا ليش
عزام كملت معه ( ي ربي شهالمصايب وتركي طلع ولد عم نور قلبي بيوقف خلااص بموت )
ضاري : لااا بس ما فيه شبه
يزن: هههههه حنا قلنا عيال عم ما قلنا تؤام
ضاري ( كملت معنا تركي بعد يصير لنور وش ذا ي ربي بديت ادوخ) : ههههه لابس كذا اقول
عزام : انا استأذن بروح اخلص شغلي
ضاري: خذني معك
راحوا عزام وضاري وكل واحد منهم مصدوم اكثر من الثاني
تركي : شفيهم
يزن: وراهم مصااايب
تركي: شدراك
يزن :تعال اقولك
ابتدأ يزن يحكي لتركي اللي صار معه واخت عزام وكل شي صار
تركي : مو لذا الدرجه
يزن: اقولك عندهم مصايب الارتباك والحالات المريبه فيها شي
تركي: وش بيكون
يزن: الله اعلم ......
اما عزام اللي كره قسمه والشغل فيه من هاله
ضاري : شفت تركي يقرب لنور
عزام: ليتني ما طاوعتك وداومت
ضاري : شسوي يعني وش دراني بيصير كل ذا
عزام : ي ربي المصايب تحذف من كل جهه واللي مايشتري يتفرج انا تعبت من الخوف والارتباك
ضاري : وش يعني
عزام : مدري دام تركي طلع يقرب لها واضح إنا انكشفنا خلاص ويزن ذا اللي ناشب لي وراه شي
ضاري: والله مدري
عزام : شكلي بطلع البيت الوضع زي الزفت
ضاري : لا ي رجل كمل ولا تهتم لا تخلي هاله تحسب انها غلبتك طنشها فتره وشوف وش بتسوي
عزام: قولك
ضاري : ايه روح كمل وسولف واضحك ولا تهتم
راح عزام وهو يحاول يتجاهل هاله اللي تراقبه بكل شي ومقهوره انه يسولف ويضحك وكأنه ما تهدد 
.....

بعد ايام عدت سريعه شوي على ابطالنا وحال كل واحد منهم حال
عند عزام اللي متشتت تشتت فضيع عقله في كل مكان كان ييفكر بمصيبة هاله ويفكر بالدوام وبالبيت وبيزن وتركي وكل شي وهذا غير نور اللي صارت جزء من عايلتهم وتعودوا عليها
٠٠٠٠

ضاري كان اغلب تفكيره بنور ودوامه ويدور حل لعزام وسالفة هاله
٠٠
نور اللي تعودت عليهم مره وصارت تمون ع الكل لدرجه انها تقسم شغل البيت بينها وبين حور وصارو طلال وعزام يطلبون منها زي مايطلبون من حور ورعد اللي اخذ عليها بقوه وصار يسحب على ابوه وينام معها اشتاقت لاهلها بس حبت عزام واهله اكثر وزاد حب عزام في قلبها لدرجة انا صارت تحاول تسوي له كل شي يطلبه
.....
اما يزن اللي شك في عزام وضاري وبدا يحس ان وراهم قضايا كبيره وصار يراقبهم ويفتش وراهم وكذا مره شافوه عزام وضاري وابتدوا فعلا يخافون
....
اما طلال اللي مصر يلاقي ابوه وباقي يفتش وراه وترك ماجد وشغل ماجد ورجع لسرقه بدون مايحسس عزام وامه واقنعهم انه يشتغل
....
تركي اللي شغال مع يزن في تفتيش وراء ضاري وعزام ويراقبهم بالمستشفى وشاد حيله ومن جهه ثانيه مستمر في قصة حبه مع غلا اللي سيطرت عليه وحبهم مكشوف للكل
...
اما ابو يزن والجد مشغولين بالتفتيش عن نور وصاروا يراقبون يزن في روحاته وجياته
....
في بيت عزام اللي كان توه راجع من دوامه ومهموم وهاله بدت تضغط عليه وصارت تجي لين بيتهم وترجع وصار يتوتر كل ما احد يدق الباب وقرر قرار حاسم وبينفذه دخل وشاف طلال ونور وحور واقفين قبال المطبخ ..

#يتـــــــــــــــــــــــــــبع....