روايـــــــــــــة ✍🏼 { كئيب الليل ياطفلة يغيب الكل لا غبتي }مكتملة

البارت الثامن والثلاثون

سكر الخط وفزوا تركي ويزن بخوف : دق على عزام تركي قوله يخبي نور بسرعه
تركي : مدري ما معي رقمه
يزن بصراخ: شلون ما تعرف رقمه بسرعه طلعه من اي مصيبه
تركي : دقيقه ادق ع المستشفى اخذ رقمه
يزن وهو يفرك يدينه : بسرعه دخيلك
تركي دق عليهم واخذ الرقم ودق بسرعه
....

عند عزام اللي كان بغرفته مايبي ولا شي ضايق خلقه اول مره يحس انه مو عارف يتصرف سمع دق الباب وقام فتح وحصل رجال شكله مو مألوف حس انه من وراء الجد ومعاه حرمه :امر
فتحي : السلام عليكم اخوي
عزام: اهلا
فتحي : معك ناصر احنا من جمعيه خيريه حابين نشوف حالك البيت واصحاب البيت عشان نساعدكم
عزام شك فيه عمره ما مر عليه جمعيه كذا ولا معه حرمه ابتسم وهو يناظر وراه شاف السياره اللي اليوم شافها تراقب يزن : معليش اخوي بس احنا الحمدلله بألف نعمه مو محتاجين جمعيه اقدر ادلك على ناس اكثر حاجه منا
فتحي : مرينا على اكثر من واحد فالحاره وماشين عليهم كلهم لو سمحت لا تحرمنا الاجر
عزام عرف وتأكد انه من رجال الجد : اخوي الله لايحرم احد الاجر بس فعلا احنا الحمدلله عايشين انا طبيب راتبي يكفي واخواني جامعيين مايحتاج جمعيه جزاك الله خير
فتحي : اوك الاخت معي بتدخل تشوف اذا حريم البيت محتاجين شي
عزام غمض : مو محتاجين شي لا تعطلنا
اصر فتحي واضطر عزام عشان ما يشككه انه يدخل الحرمه بس قال: اوك دقيقه اخذ لها طريق

دخل عزام واسرع للغرفه دخل وحصل نور واقفه بغت تصرخ لما دخل عليها وهي بدون غطاء بس سكر فمها وهو يقول : لا تتكلمين تعالي معي
التفت لامه وحور وقال: فيه حرمه بتجيكم لا تجيبون طاري نور جاسوسه من جد نور وع اساس انها من الجمعيه الخيريه عشان كذا انتبهوا تجيبون طاري نور ولا تقولون لها انكم محتاجين شي طيب
اخذ عزام نور وكان في زي الفتحه الصغيره بالبيت اللي يشوفها يقول مستحيل يدخل فيها انسان بس من جوا كبيره نور عشانها نحيفه وسنفوره قدرت تدخل من الفتحه واستقرت فيها وهي خايفه غطاء عليها عزام وهو يقول : اششش لا تخافين انتي مع عزام
تركها وراح لباب وهو واثق من نفسه : تفضلي
دخلت الحرمه واستقبلتها ام عزام وحور وهم خايفين بس يحاولون يطمنونها سألتهم بعض الاسئله وقالت: ممكن بشوف حالة البيت
ام عزام : زين
قاموا يلفون على البيت وهي كل كبيره وصغيره تدخل فيها ونور كانت مغمضه وكاتمه نفسها قربت الحرمه من الفتحه وقالت: حقت ايش هاذي الفتحه
حور: هاذي للحطب مثل ما انتي شايفه عشان نشعل نار بالبرد
الحرمه : اوك عالعموم دامكم مو محتاجين شي بالتوفيق لكم
ام عزام : موفقه ي بنتي
طلعت الحرمه وشكروا عزام وراحوا رجع عزام وتنهد تنهيده طويله وراح مسرع لنور ساعدها تطلع وهي تبكي طلعها وهو لا شعوريا صار ينظفها من الغبره
عزام :حور جيبي موويه ..نور خلاص هدي راحوا
جات ام عزام واخذت نور وهي تضمها وتغطيها بجلالها: خلااص ي يمه خلااص اذكري الله زال الشر
حور: نور خذي المويه
اخذت نور المويه وراحوا للغرفه يهدونها وهي تبكي بخوف اما عزام قطع عليه صوت جواله اللي من ساعه يدق راح له ورفع السماعه : هلا تركي
تركي : عزام انتبه جدي قالهم يتأكدون اذا ... قطع عليه كلامه عزام لما قال: توهم راحوا
تركي : ايييييش
عزام: لا تخاف ما شافوا نور جو متنكرين بس أسم الجمعيه الخيريه فتشوا البيت تفتيش معاهم حرمه بعد
يزن سحب التلفون: ونور وينها
عزام ببرود : قلت لك وارجع اقول لا تخاف عليها دامها عندي
تركي عرف ان عزام زعلان من يزن وقال: طيب عزام دخيلك قول وش سويت
عزام شرح لهم كل شي وطمنهم زفروا براحه وقال تركي : مشكور ي عزام وربي جميلك هذا على راسنا من فوق
عزام: ماله داعي الشكر نور اختي اسوي عشانها اللي اسويه عشان اخواني
تركي :ماتقصر
سكر عزام بضيق وهو يشوف ساعته صار وقت دوامه الثاني اتجه لامه وهو يقول : يممه
ام عزام: نعم يمه
عزام : يمه انا بروح الدوام انتبهي على نور ولا تفحتون لأي احد مهما كان انتبهوا طيب ورعد بعد انتبهي لا ترتفع حرارته اي شي يصير اتصلوا علي طيب
ام عزام: زيين يمه

طلع عزام بعد ما تطمن عليهم كلهم وتوجه لدوامه اللي كان قريب
..

عند يزن وتركي اللي كانو بقمة توترهم
تركي : يزن بعيد عن كل شي ضروري تعتذر من عزام
يزن: ليش
تركي : ترا اللي انت قلت له مو بسيط انت اتهمته انه مستغل وكذاب وهو مثل ما انت شايف يسوي كل شي عشان يحمي نور لو كان عنده نيه سيئه كان اظهر نور لجدي وقال احسبها جمعيه خيريه
يزن: ادري اني غلطت وابي اعتذر منه بس مدري كيف لكن رغم ذا والله انه كفو وفطين
تركي : لو ما انتبه كان الحين نور عند جدي
يزن : يالله لو ما انتبه
سمعوا اتصال وركضوا للابتوب وكان فتحي يتصل على الجد ..