روايـــــــــــــة ✍🏼 { كئيب الليل ياطفلة يغيب الكل لا غبتي }مكتملة

البارت الواحد والستون

قامت هاله وهي تفكر كيف تمسك حاجه على المدير وقام عزام بزعم انه يريح وراح للغرفه وهو يحاول يحصل مفتاح الخزنه لف كل الغرفه ما حصل شي ضاق بس انتبه لفتحه صغيره بدولاب مغطاه بنفس الخشب ما يشوفها الا اللي مرره مدقق قرب بهدوء بس ابتعد بسرعه وسكر الدولاب لما سمع صوت هاله جايه انسدح وشافها فتحت الباب :عزام نمت
مارد عليها وهو يمثل النوم قربت منه وهي تبوس خده وتغطيه وطلعت تكمل العشاء جلس عزام وهو يمسح بوستها بقرف ووقف واسرع للمكان فتحه وشاف مفتاح الخزنه ابتسم واخذه وحطه ببوكه ورجع انسدح وهو يفكر وش ممكن يحصل فيها
٠٠٠

اما ام عزام كانت مثل المجنونه تبكي على طلال اللي راح وخايفه على عزام يصير له شي من القهر وحور كانت تبكي بعد ونور اللي اخذت رعد ودخلوا جوا وهي بعد تبكي على عمها وعلى عزام وعلى الكل
رعد :عمه نور ليش تبكين
نور: ولا شي ي حبيبي ما ابكي انا
رعد : ليش انتي وبابا تبكون واذا قلت ليش تقولون مانبكي انا اعرف انتوا تبكون
نور مسحت دموعها: بابا يبكي
رعد : ايوه بابا اذا ناموا كلهم في الليل يبكي واذا قلت ليش يقول هو تعبان ما يبكي
نور زادت بكت حزنت حيل على عزام تمنت لو انها تقدر تضمه وتوقف معه في كل شي بس ماتقدر
٠٠٠٠

عند طلال كان جالس مع ابوه على طاولة طعام كبيره وعليها اصناف اصناف من الاكل كان طلال مفجوع ما تعود على كذا احتار من وين يبدا سمع ابوه يقول : طلال لا تستحي اكل
طلال : لا عادي باكل
ابو ماجد مد له الملعقه وابتدا يوزع له في كل مكان انتبهوا لماجد : طلال شتسوي هنا
طلال التفت بيتكلم بس وقفه ابوه: هذا بيت طلال ي ماجد
ماجد : شلون يعني
طلال : يعني انا اخوك
ماجد : نعم انت وش جالس تخربط
طلال : ماني جالس اخربط انا اتكلم جد
ماجد التفت لأبوه: يتكلم جد
ابو ماجد : ايه طلال اخوك ولك اخو واخت غيره
ماجد :بس كيف كيف يصير كذا
ابو ماجد : اتوقع ما باخذ رايك في كل شي اسويه
ماجد تفشل وتدارك الوضع طلال: ماجد تعال انا اشرح لك
ماجد وقف وهو مو مصدق اللي يصير قطع كل هذا دخول ام ماجد : السلام عليكم
الكل ردوا السلام ام ماجد : سعود مين هذا
ابو ماجد : هذا طلال ولدي
ام ماجد : ايش متزوج علي ي سعود
ابو ماجد : قصدك تزوجتك عليها
ام ماجد : انت شتقول انجنيت كيف تسوي كذا كيف
ابو ماجد : والله بكيفي اسوي اللي ابي مو شغلك
ام ماجد ببكي : والله ما اسكت لك ي سعود والله
طلعت فوق وجمعت اغراضها وراحت لبيت اهلها وهي تبكي تتحلف وتتوعد وماجد باقي واقف ويناظر راح له طلال : ماجد تعال تعشى اكيد جوعان
ماجد بعد عنه طلال وطلع فوق وهو مصدوم دخل غرفته سكر الباب وهو فرحان انه عنده اخوان بس مصدووم
طلال: يبه حرام عليك اللي سويته بماجد
ابو ماجد : معليه ي ابوي معليه ماجد ما يصلح له الين
طلال: جرب تكون معه لين وبتشوف
ابو ماجد : معليه المهم انت تعشى واختار الغرفه اللي تبي
طلال استانس بيصير له غرفه اخيرا تعشى وقام وهو يدور بالقصر واختار له غرفه وهو مبسوط وحصل فيها ملابس له ابتسم وبدل ملابسه وتروش وهو مبسوط رمى نفسه على السرير وتنهد براحه وهو يقول : كذا الواحد يعيش مو المزبله اللي كنت فيها
٠٠٠٠

عند عزام صحته هاله للعشاء اكل شوي وقام بزعم انه تعبان انسدح وهو يستنى متى تنام هاله بعد شوي جات هاله وتروشت وبدلت وجات قربت وانسدحت جنبه وهي تحاول تتقرب من عزام وعزام يحاول يبعدها بس بطريقه ما تحسسها انه مايبيها بس فشلت محاولاته واضطر انه يجاريها شوي ويحاول ما ينجر معها  بعد شوي حسها فيها تراخت ونامت ظل هادي شوي لما حس انها نامت مرره وتحرك شوي وهو يبعدها عنه وقف وهو يعدل نفسه راح بشويش للغرفه الثانيه قرب من الخزنه وفتحها اول ما فتحها حصل فيها اورواق وسيديهات وفلاشات واشرطه استغرب وش ممكن تكون قرب واخذ كيس وجمع فيها كل شي بالخزنه وقفل الخزنه واخذ الكيس وهو يدق على ثامر
ثامر: الو عزام شفيك
عزام: ثامر تعال للعنوان هذا بسرعه بسرعه وخلك واقف تحت وانا اجي
ثامر : طيب طيب
اسرع ثامر وجاء لعزام اللي اعطاه الكيس : شوف ثامر لا تفتحها لما اجي طيب
ثامر: طيب بس وش تسوي هنا انت
عزام : بعدين اقولك بس اسمعني لا تقول لاحد
ثامر : ابشر
طلع عزام ورجع بجنب هاله وبعد نص ساعه صحاها وقال انه بيروح للبيت ولده تعبان وراح بسرعه البرق لعنوان ثامر
٠٠٠٠

عند ضاري اللي كان طايح ببيتهم تعبان كان تفكيره مع نور وخايف انهم يكشفوها ومستغرب اختفاء عزام اليوم سمع صوت امه جايه : ضاري يمه كيفك
ضاري : احسن يمه احسن
ريما: شوف كيف وجهك وتقول احسن صاحي انت
ضاري : ريما ابعدي مالي خلق احد
ابو ضاري : ابي افهم وش صار لك وش مشغل عقلك
ضاري صد وهو ساكت ويفكر كيف يقدر يفهم عزام حبه لنور ..