روايـــــــــــــة ✍🏼 { كئيب الليل ياطفلة يغيب الكل لا غبتي }مكتملة

البارت الثاني والستون

اما عزام وصل لبيت ثامر بحماس مو معقول مايدري ليش يحس انه فيه بلاوي دخل وهو يقول : هاه وش صار
ثامر : توني ماسويت شي انتظرك
عزام : زين يلا
ثامر : من وين جبتها تخص جابر
عزام: لاا لا هاذي قصه ثااااانيه بعيد بعيد عن هذا كله
ثامر : وش السالفه
عزام: خلنا نشوف وبعدين اقولك
ابتدأو يشغلونها وعزام مدقق للاخر فيها وكانت بلاوي زرقاء فيديوهات لها في حالات مزريه ومقززه ومع ناس لهم صيت واسم  بس وقف بصدمه وهو يناظر الشخص اللي بالفيديو
٠٠٠٠

اما عند تركي ويزن اللي استغربوا ان فتحي مو موجود
يزن: اكيد جدي وراه مصيبه والا ما ابعد فتحي عبث
تركي : بالله ي يزن اسكت انا احس بدوخه قسم بالله افكر كيف طلال جاء يعيش مع عمي وكيف بيتقبله ماجد والاهم كيف عزام سمح له اتوقع البلاوي تجمعت على راس عزام
يزن : اي والله مسكين هالعزام
تركي : ابي بس اعرف عمي ليش تركهم ليش
يزن: مايبي لها من المحترم جدك
تركي : توصل ليه لذا الدرجه
يزن : اووووهوووووه وصلت وانتهت جدك هذا ترا خالص
تركي: والله ي شيخ ماني قادر استوعب احس الاحداث على بعض حتى غلا صرت انساها
يزن ابتسم : الا تعال شخبارها غلا
تركي : يوه لا تسأل مطلعه عيوني بإهمالها لصحتها وطيشها
يزن: هههههه يوه عاد انت مسوي دكتور عليها
٠
٠
عند عزام جلس بصدمه وهو مخنوق مستحيل مستحيل
ثامر : عزام وش فيك
عزام غمض عيونه : مستحيل اكيد فبركه اكيد فتوشوب مستحيل
ثامر : من هذا ليش انصدمت كذا
عزام شد على يد ثامر وهو يقول : كمل كمل
ثامر بخوف : عزام اذا تعبان ما نكمل المهم انت
عزام وهو يحاول يمسك دموعه : كمل ي ثامر كمل
تردد ثامر انه يكمل بس كمل عشان عزام كان فيه اكثر من مستند فتح الاول وكان في محادثات بين هاله ونفس الشخص اللي بالفيديو وكانت تتكلم عن خطه بينه وبينها مسوينها لعزام وهي ان عزام يتزوج هاله وتحاول تحبب عزام فيها عزام كانت هاذي اقوى صدمه تلقاها من بعد ترك ابوهم لهم وقف وهو يصرخ : لااااا مستحيل اكيد لااااااا مايسوي فيني كذا مستحيل
رفع راسه على صوت التسجيل وكان تسجيل مكالمه لنفس الشخص : هاه وش صار على عزام
هاله : ما تغير باقي يكرهني مو راضي حتى يقرب مني
الشخص : مو شغلي ي هاله انهي سالفه عزام هاذي ابعديه قد ما تقدرين عن نور لو تضطرين انك تجبرينه بأي شي
هاله: على بالك انا فرحانه انه يكرهني ابدا مو فرحانه وجود عزام معي جسد بس يضايقني ابيه يحبني عشان كذا وافقت على عرضك
الشخص : الحبوب اللي اعطيتك وين وراحت
هاله : انت تستهبل مستحيل اضر عزام مستحيل كيف تبيني اعطي عزام هروين كيف تبيني اخليه يدمن شي يضره
الشخص : ماهمني ادمن والا ما ادمن المهم افتك منه ولا ياخذ نور مني اليوم تنهين امر الحبوب تعطينه بعصير تعطينه باللي يكون المهم ابيه يدمنها عشان يظل تحت امرك
عزام وقف بصدمه وهو يرمي اللابتوب ويرمي كل شي حوله يصرخ حاول ثامر يسيطر عليه بس ماقدر شوي ابتدا عزام يختنق ويعرق وطاح لما حس بنوبة الصرع داهمته ثامر ركض وهو يحاول يمدده على الارض وعزام كان يرجف رجفه مو طبيعيه  وعيونه تتقلب وشفايفه زرقاء ثامر انهبل ما عرف كيف يتصرف بعد ٦ دقايق شاف عزام هدا وابتداء يتحرك كانت عيونه معلقه فوق ويتنفس بسرعه وهو يهمس :لا مستحيل
ظل عزام على هالحال ربع ساعه وبعدها جلس وهو يبكي بكى يقطع القلب كانت شهقاته المكتومه  معبيه المكان وثامر خايف عليه ضمه وهو يقول : عزام بسم الله عليك  روق روق وفهمني وش صاير من ذا وليش سوا كذا
عزام بعد ما تعب من البكى وقف وهو يمسح دموعه بس ماقدر يتكلم وهو يحط يدينه على وجهه بقهر : هذا ضاري اخو دربي صاحبي اللي اعتبره روحي ما وثقت بأحد كثره سوا فيني كل هذا آآآآآآههه آه ي ربي ليش كل اللي حولي غدارين ليش العيب في مين ي ثامر في مين
ثامر انصدم يعرف ضاري من كثر ما تكلم عنه عزام بس ماعمره شافه انكسر قلبه على عزام قرب وهو مايدري وش يقول وش يواسي
وقف عزام وهو يترنح سحب الاوراق اللي مع السيديهات وابتداء يقرأها واغلبها كانت شيكات وبلاوي لاشخاص مايعرفهم اخذ الفلاشه وشغلها حصل فيها الصور اللي له بالمستشفى مع هاله مسحها كلها واحرق الفلاشه ومر على كل الاوراق والمستندات والسيديهات وتأكد انه مافيه شي يخصه بس للاسف كل شي فيها يخص ( ضاري ) وله في كل فيديو بصمه غمض بقهر وهو مو قادر يوقف بكي رمى اللي بيده وجلس وهو يبكي : كسر ظهري ي ثامر طول عمري ما كنت اشيل هم عشانه معي بس الحين وش بيصير فيني من كل مكان انطعن ضاري وطلال وابوي واهلي وين اروح مع مين اوقف اثق في مين اطمن لمين احارب مين ي ثامر كثير علي كل ذا وربي كثير