روايـــــــــــــة ✍🏼 { كئيب الليل ياطفلة يغيب الكل لا غبتي }مكتملة

البارت السادس عشر

📖 روايـــــــــــــة ✍🏼
{  كئيب الليل ياطفلة يغيب الكل لا غبتي }

بعد اسبوع مر بتعب وضيق على عايلة الجابر وتوتر بسبب هروب نور ومر بسلاام وهدوء عند عزام
في المستشفى كان تركي يمشي بين الممرات وهو يدق على غلا
غلا: الو مين
تركي : انا تركي كيفك
غلا انصدمت وتلعثمت: هلا تركي ( غلا تعودت على تركي وحركاته وصار عندها عادي بس ماتوقعت يدق)
تركي :هلابك معليش دقيت كذا بس وحشتيني
غلا انحرجت : تسلم
( تركي كان عندها غلا عادي وبدى يحبها ويتقبلها وصار بيعود نفسه عليها)
تركي : ايه اخبارك
كملو سوالفهم العاديه
......

اما يزن كان مستمر في التفتيش عن نور  مع هم سميييه اللي رافضته رفض قطعي
...

في بيت عزام اللي تعودوا على نور اللي دخلت في جوهم بسرعه  واعتبرتهم اهلها كان عزام اول مره يتأخر والسبب سوالف نور اللي طول الليل تسولف فيها واجبرتهم يسهرون معها فز وهو يوضي ويصلي ويلبس طلع وهو يقول : يييمه
ام عزام: مابغيت تصحى يمه تعال افطر
عزام :مابي مابي متأخر وبروح
حور: شوي شوي شفيك طاير
عزام : ما معي وققت حتى ضاري ما ادري ليش تأخر اليوم
سمعو دق الباب وركض عزااام باس راس امه وطلع
ضاري : تأخرت عليك
عزام: لا بس يلا مايمدي
ضاري : شبلاك اليوم
عزام : اسكت ي شيخ امس عجزنا ننام من نور الا نسهر والا تسولف ولا تركتنا الا الساعه ٣ وعلى طول نوم ما حسيت بنفسي الا الحين صحيت مثل المجنون حتى رعد ما شفته
ضااري : هههههههههه شعندها والله هالنور دخلت جو ببيتكم
عزام : ي رجل الا اقتحمتنا كلنا ...
عند نور صحت وهي تحس بنشاط تمغطت وهي تبتسم وقفت وهي تلم شعرها اخذت الجلال ونقابها ولبست وطلعت شافت ام عزام بس وحور ورعد جالسين
نور: صبااح الخير
الكل : صباح النور
نور: فيه احد والا اكشف
حور:لا مافي تعالي
كشفت نور وراحت غسلت ورجعت لهم : رعود حبيبي تعال اعطيني بوسه
ام عزام:هههه الله يسامحك ي نور وش سويتي في عزام
نور: شسويت
ام عزام: تو صحى وهو مثل المجنون ولبس بسرعه وطلع ولا حتى افطر ولا صلى الفجر
نور: لا تقولين شكلي اخذت ذنبه
حور: تكتب في التاريخ عزام اول مره يتأخر
نور: ي شيخه مو مشكله خليه يفلها شوي يجرب الخوف
ام عزام قامت: رعد تروح معي عند سامي
نور: مين سامي
ام عزام: اخو ضاري بروح عند ام ضاري
نور: حور خلينا نروح معاها
حور: اي والله يمه نتسلى
ام عزام : زين البسو
قامت نور تركض وهي مبسووطه وحور تضحك عليها ٠٠
..

اما عزام اللي دخل بسرعه هو وضاري وابتدوا في عملهم
عند عزام كان واقف وهو يكتب حس بأحد يدق ظهره التفت شاف ممرضه سعوديه معاه بنفس العمل
عزام: نعم ي هاله في شي
هاله بدلع : لا بس خفت لما تأخرت اليوم وحبيت اتطمن عسى ماشر
عزام صد : ارتاحي مافي شي يستدعي الخوف
هاله: بس انت اول مره تتأخر
عزام: هاله
هاله: لبيه
عزام: توكلي على الله الله يستر عليك
هاله: شفيك علي
عزام: ياليت تراعين إنا في مكان عمل وتحترمين اني غريب عنك ف توكلي على الله وروحي
هاله : عشانك بس بروح
صدت هاله وهي تسمع عزام يستغفر توجهت لصاحبتها اللي كانت معاها: شقالك
هاله اتكت وهي تناظر عزام : كالعاده مطنش ويقول احترمي مكان العمل وينصح
فوز: شفيه ذا موب رجال اقل شي يرتبك
هاله : لا تخافين اجيبه يعني اجيبه
فوز: والله على هالجمال لا تروحينه من يدك
هاله: لا تخافين
اما عزام اللي كان مرتفع ضغطه من هاله ومتقرف معاد عرف يشتغل ترك الاوراق وطلع واخذ له شاهي وراح للحديقه تبع المستشفى وجلس نزل راسه وهو يمسح جبينه بتعب غمض وهو يتذكر سوالف نور امس ابتسم لا إرادي حس احد يخبط على كتفه وفتح عيونه شاف تركي وقف :هلا تركي
تركي : اجلس اجلس شفيك
عزام: كيفك
تركي : تمام وانت
عزام: الحمدلله
تركي : شفيه وجهك صاير معك شي
عزام : لا بس شوي تعبان ومانمت زين
تركي : ليش سلامات
عزام : مافيه شي شوي تعب بس
تركي : زين قوم روح البيت انا امسك مكانك
عزام: لا لا ما يحتاج
تركي : لا ي رجل قوم روح بس انا محلك
عزام: لا ي تركي والله ماله داعي
حاول عزام يرفض بس تركي اجبره يروح وقف عزام وراح بيجمع اغراضه بس سمع تركي ينادي : هلا
تركي : بسألك عن شغله
عزام : امر
تركي : انت وضاري من متى تعرفون بعض
عزام: من زمان ليش
تركي : ساكنين بنفس الحاره
عزام: اييه
تركي :وين ساكنين طيب
عزام حس ان تركي وراه سالفه وتذكر يزن وجيته لحارتهم ضرب قلبه وقال بكذب : في النسيم
تركي : اها
عزام: ليش
تركي : لا بس اسأل
عزام : زين
صد عزام واتجه لقسم ضاري وهو حاس انها بداية في شك تركي فيهم الا متأكد شاف ضاري واقف يسولف مع احد الممرضين قرب وهو يناديه
ضاري: شفييك
عزام: ابشرك إنا انكشفنا خلاص