روايـــــــــــــة ✍🏼 { كئيب الليل ياطفلة يغيب الكل لا غبتي }مكتملة

البارت الثاني والخمسون

ام عزام كانت جالسه شكت في حالة عزام وسمعت صوته شوي ارتفع لبست وطلعت بتشوف وش فيه بس تجمدت لما شافت ابو ماجد اللي كان سبب دمار حياتها وحياة عيالها

ابو ماجد التفت يناظرها ايه هي هي زوجتي اللي حبيتها وابتعدت غصب علي عنها
ام عزام : سعود
ابو ماجد : فاطمه
عزام ماكان يبي امه تعرف وتفاجئ بجيتها لكن انصدم من ردت فعلها : وش تبي وش جايبك امش من هنا مالك شي عندنا
ابو ماجد انصدم : فاطمه اسمعيني بشرح لك
ام عزام سحبت عزام ودخلته ووقفت وهي تقول : مابي منك شرح لا انا ولا عيالي والبيت هذا انساه لا عاد اشوفك هنا ي سعود والا بتشوف شي تندم عليه ولا تفكر تتعرض لعيالي ولا حتى يدرون فيك سامعني
صفقت الباب بوجهه ولفت وهي تبكي كانت مجهزه نفسها مزبوط لمثل هاليوم ناظرت بعزام اللي كان مصدوم منها :ليش ماقلت ليش تركته يجي ليه ليه اخوانك لا يعرفون سامعني والا بيدمرون سامعني سااامعني عزام
عزام تكلم بهمس : طلال عرف
ام عزام : نعم كيف كذا كيف
عزام جلس بهدوء وقالها كل شي صار امس ام عزام جلست وهي تحط يدينها على راسها : هاذي اخر تربيتي هاذي اخرتها
عزام قام وجلس جنب امه : يمه هدي تعوذي من ابليس يمه
ام عزام وهي تبكي :كيف يسوي كذا كيف الله يلعن الفلوس وابو الفلوس اللي خلته يسوي كذا
عزام : نفسه رخيصه يمه نفسه رخيصه الاعظم انه كان مع واحد يقاله ماجد وشكله ولده ( يقصد ابوه ) وطلال معه
ام عزام انهارت بكي : حسبي الله عليهم حسبي الله عليهم
التفت عزام وشاف حور واقفه ودموعها مغرقه وجهها واضح انها سمعت وقف :حور
حور كانت تبكي جلست وهي تبكي ام عزام وقفت : حور يمه
حور : ابوي كان هنا
عزام : مو ابوك ابوك مات من زمان
حور كانت  مصدومه وانصدمت اكثر من كلام عزام
عزام : وبعدين ليش ما داومتي
حور ماردت على عزام ودخلت جوى وهي تبكي عزام غمض وهو يدري ان الموضوع هذا مابيعدي على خير
نور صحت على الصوت وسمعت كل شي انصدمت مو معقوله ابوهم رجع مو معقوله وهذا كلام عزام عنه واضح انها بتتعقد الامور ناظرت من الشباك شافت عزام واقف وبيده زقاتره وامه جالسه وهي تبكي والوضع مره كئيب
٠٠٠٠

عند ماجد صحى وهو يحاول يتذكر. شصار امس ما تذكر قام وهو مصدع نزل تحت ماشاف احد رجع طلع وراح لغرفة امه وابوه دق الباب ودخل شاف امه واقفه وهي كاشخه لاخر شي
ماجد : يمه وين رايحه
ام ماجد : معزومه شتبي
ماجد : لا تروحين اجلسي اليوم تغدي معي
ام ماجد : اوووف فاضيه لك انا رجال بطولي اجلس شسوي
ماجد : يمه الرجال هذا ولدك اجلسي معه
ام ماجد : ماجد مو فاضيه ابعد عني لا تعكر مزاجي وبعدين روح دور واحد من اصحابك يتغدى معك انا مو فاضيه خذ هاذي الصرافه فيها فلوس تقدر تتغدى معهم بأي مكان
ماجد حذف البطاقه : يمه انا مابي فلوس واصحاب ابيكم انتم ابي احس ان لي اهل
ام ماجد : يوه دراما من هالظهر ابعد تأخرت على الناس
راحت وتركته واقف بمكانه صح انه كبير ورجال بس يحتاجهم جنبه يتمنى انهم ما عندهم فلوس عشان ينتبهون له كان يحسد طلال اذا قاله اخوي ما يرضى علي امي تدق تقول لا تتأخر برجع يستنوني وهو لو يغيب سنين محد درا به
طلع بضيق وراح لغرفته رمى نفسه وهو مناه ان يحصل احد يحاسبه على كل شي
٠٠٠

ابو ماجد اللي رجع لسيارته بضيق يدري بيسوون كذا بس بيتحمل كل اللي صار هو بعد غلطان تحرك وراح لشركته وهو فرحان رغم الصدود ومتأكد انه بيقدر يرجعهم وقرر يرجع لهم بالليل ويحاول يكلمهم
٠٠٠٠

على الساعه ٩ الليل عند الجد  اتصل عليه فتحي وقاله انه شاف ابو ماجد عند بيت عزام اللي صاروا يترددون عليه تركي ويزن وكانت حرمه تصارخ عليه وسكت الباب بوجهه انتفض الجد وقف وقال : خالد
ابو يزن : نعم يبه
الجد : البيت هذاك فيه كل شي وفيه مصايب قوم معي
اسرعوا واتجهوا لبيت عزام
٠٠٠

عند عزام جاء تركي وضاري ويزن اللي بلغه تركي عن كل شي شافه اليوم وقرروا يشوفون وش فيه عزام كانوا بالحوش والوضع هادي وعزام واضحه انه مو معهم
يزن: عزام اذا فيه شي نقدر نساعدك فيه ابشر
عزام : مشكور ي يزن ما تقصر
تركي : عزام ترا احنا اخوان قبل الاصحاب لا تنسى
ضاري : وهو صادق قول اذا نقدر نساعدك
عزام تنهد : مشكورين وجودكم يكفي
قطع عليهم الباب وقف عزام وراح للباب فتحه وكان ( ابو ماجد )
وقفوا تركي ويزن اللي خافوا انه عرف مكان نور وجاي ياخذها
اما عزام تجمد ماكان يبيه يجي قبال الشباب
تركي : عمي سعود
ابو ماجد : انتم وش تسوون هنا
يزن: انت اللي شتسوي هنا احنا اصحاب عزام
ضاري :تعرفونه
تركي : ايه عمي
الصدمه عمت على الكل ولا احد فاهم السالفه ونزل الخبر على عزام مثل السيف اتسعت عيونه : نععععععم ..