روايـــــــــــــة ✍🏼 { كئيب الليل ياطفلة يغيب الكل لا غبتي }مكتملة

البارت الاربعون

{  كئيب الليل ياطفلة يغيب الكل لا غبتي }

بعد المغرب رجع عزام لبيتهم وهو يشوف سياره غريبه بالحاره عرف انه اللي يراقب بيتهم كمل طريقه واشر لضاري  يعني روح دخل البيت وشافهم متجمعيين على القهوه قرب وجلس
عزام: السلام عليكم
الكل :عليكم السلام
عزام : نور كيفك الحين
نور بهمس : بخير
حور: لا ي عزام ماهي بخيير من لما طلعت وهي بس تبكي
عزام التفت بها : نوور قسم بالله لو ما توقفين بكى لا ازعل ابي افهم ليش تبكين خايفه فهمتك ما تخافين طالما انا وراك مستحيل اسلمك للمتخلف لللي يقاله جدك سامعتني
نور كانت ساكته وتسمع كلامه الحنون غمضت وهي ودها كل شي ينتهي بس تبقى هي وعزام
ام عزام : نور ي بنتي خلاص هذا انتي سمعتي كلام عزام ارتاحي
رعد قام وجلس جنب نور: عمه نور لا تخافين
نور ابتسمت له وهي تضمه: عادي حبيبي انا مو خايفه دامك فيه وانا معك ( كانت تتكلم معه وهي بقصدها عزام)
دخل طلال : سلام عليكم
الكل : وعليكم السلام
عزام : بدري من وين جاي
طلال وهو يسوي نفسه تعبان: يووه لا تسأل تعب تعب يهد الحييل  اما الدوام هذا متعب
عزام : وش مسوي فيه عساك ماشي
طلال بكذذب : اوووف حمدلله على رغم التعب بس اني مرتاح فيه
عزام : برافو عليك ايه كذا ارفع راسي وخلك رجال
طلال : ابشر
عزام حس بقهر لما تذكر وقال : ييمه ترا من اليوم اعطوني شفت ليلي بالمستشفى مضطر اني اداوم بالليل واكمل لين ١٢ الظهر
ام عزام: لا تقووول شبلاهم كاان دوامك حلو
عزام : يمه هذا شغل الدكاتره بالليل ضروري يكونون فيه بس لا تخافين الشفتات عشوائيه يعني مفرقهه مو كل يوم
حور : الله يعينك
نور: بتتركنا واذا جاء احد شنسوي
عزام: اول شي طلال بيكون فيه وبعدين ما بتفتحون لاحد نهائيا وتتصلون علي اذا صار شي واتطمني مابيصير شي
نور : زين
وقف عزام وراح يتروش ويبلس عشان يقنع هاله انه راضي بهالزواج طلع وراح لغرفته وهو ضايق ضيقه محد متخيلها لبس ثوبه وغتره وتعطر وطلع
طلال : شعندك اللي يشوفك يقول بتعرس مو شفت ليلي
عزام خفق قلبه وابتسم بتسليك: هههههه لا بس واحد من اصحابنا بالمستشفى مسوي عشاء بنروح له وبعده بنروح لشفت الليلي
ام عزام: الله يوفقك و يبعد عنك عيال الحرام
ابتسم عزام وراح وهو يبوس راسها التفت يدور رعد شافه باقي جالس جنب نور ويحاول يراضيها ابتسم وراح وهو يوصي امه طلع وتوجه لبيت ضاري دق الباب وطلع ضاري اللي متغير حاله
ضاري : هلا عزام
عزام سحبه وراحوا بعيد قرب عزام وضم ضاري بقوه ضاري خاف : عزااام شفيك
عزام:ولا شي احتاج القوه ي ضاري محتاج صبر زياده ابي اكمل مو قادر
ضاري : وين رايح
عزام : رايح لهاله
ضاري شد عليه وقال: ليتني بيدي حل والله اسويه
عزام: انت بس ادعي لي بس
اخذ مفاتيح السياره وراح وهو متردد على هالخطوه بس ماله غير هالحل
٠٠٠٠

اما عند يزن كان يحوم حول نفسه يبي يبعد هالواطي من قبال بيت عزام ما عرف شلون يبعده لو يسوي اي شي بيشك جده فيهم طرت عليه فكره وابتسم رغم انها مو كويسه بس المهم يبعدون عن بيت عزام اخذ مفتاح سيارته وبعدها رماه لما تذكر انه مراقب سحب تلفونه ودق على تركي وهو يبلغه بالفكره وافق تركي وطلع ينفذها .
٠٠٠٠

اما عزام اللي اخذ الشيخ وتوجه لشقة هاله اللي كانت تعيش فيها لوحدها دق الباب ودخل وهو معه الشيخ واثنين شهود من الشارع
هاله كانت طايره من الفرحه وجاهزه ولابسه ومتكشخه وكأنها فعلا عروس كتبوا الكتاب وعزام اللي يشوفه مايقول عريس طلعوا الكل وقف عزام وهو ياخذ نفس وعرف ان اللي بيسويه صعب حيل عليه تقدم ودخل شافها جالسه بكامل زينتها كان يسحب نفسه سحب كأنه رايح للموت شافها وقفت وهي تقرب ضمته وهي تقول : مبروك علينا بعض
عزام اللي كان شوي ويرجع مو متحملها ابدا بادلها حضن بدون نفس وهو يبعدها عنه ولا يبي قربها : مبروك
عزام كان قرفان قرف مو طبيعي ابدا قطع عليهم صوت الجرس التفت عزام : مين جاء
هاله ببتسامه : لا تخاف العشاء
عزام : طالبه عشاء
هاله : ايوه اكيد مابنجلس بدون عشاء
عزام ابتسم بالقوه: يعني ليه الكلافه
هاله : عادي مافيه كلافه بس روح انت جيبه
سحب عزام الفلوس منها وراح واخذ العشاء وتركه على الطاوله ورجع لها ماشافها سمع صوتها بالحمام وصد وهو خلااص نفسه يصرخ عليها يقول : مابيك
التفت وهو يدور جوالها قرب وحصله مقفل رجعه بقهر والتفت شافها مجهزه له بيجامه قلب وجهه بقرف وهو يصد طلع وجلس برا وهو يحاول انه يتحكم بنفسه بعد شوي جات هاله اللي كانت لابسه لبس عدمه ووجوده واحد وتمشي بكل ثقه عزام داخ اول ماشافها غمض وهو يستغفر بنفسه وهو قرفان وهاله حسبته خاق عندها قربت وهي تجلس بجنبه : ليش ما بدلت ي بيبي
عزام: لا عادي اجلس بملابسي
هاله : لا لا ضروري تبدل كيف كذا ..