روايـــــــــــــة ✍🏼 { كئيب الليل ياطفلة يغيب الكل لا غبتي }مكتملة

البارت الثامن والخمسون

عزام : اجل خون نفسك وجدد عقد الوفاء له بالسجن واترك عيالك عشان مجرم مثله اي غلط منك راس مالك رصاصه براسك تنهي كل شي لكن اذا ساعدتني اوعدك بيكون لك من املاكه نصيب وبتعيش مبسوط وانت فكر
بعد مده تكلم فتحي : اوك وش تبي تعرف عنه
عزام :كل شي واذا فكرت تخون او تلعب علي صدقني بتندم
فتحي : بكره في ذا الوقت نتقابل واعطيك كل شي تحتاجه
عزام قرب : عيوني عليك انتبه
تركه يروح وقف يناظره الين اختفى واخذ تاكسي وراح لواحد يعرفه له شغل بالالكترونيات والشغل هذا
عزام :سلام عليكم
ثامر : اهلين ي عزام شرفتنا بعد غيبه
عزام قرب وهو يسلم عليه: اسف ي ثامر الحياه ومشاغلها وانت مايخفى عليك
ثامر :معذور ي اخوي معذور قلي الحين وش تشرب
عزام : شاهي مشتاق لشاهي من تحت يدينك
ثامر : ههههه تعال تعال بسوي الشاهي وانت قول وش جابك احس وراك شي
عزام:هههههه وراي اشياء واحتاج مساعدتك
ثامر: ابشر
عزام: اول شي براقب اكثر من جوال طيب واكثر من شخص وبخترق بعض الاجهزه اذا تقدر
ثامر التفت له: وش ناوي عليه
عزام: انا انهنت ي ثامر انهنت وصعب اسكت واعديها ابنتقم ل ٢٠ سنه
ثامر : افا عليك اعتبرهم كلهم تحت يدك ولا نفكر تعال معي نشوف وش نحتاج
جلسوا وابتدوا اول شي بجوال الجد وفتحي وبعدها بجوال ابو ماجد وابو يزن
ثامر : ااما مراقبتهم في واحد اعرفه بخليه يراقبهم وكودات تبع الاجهزه انا بجيبها بكره لا تخاف
عزام لف عليه وهو يضمه : الله يسعدك ي ثامر
ثامر : قوم معي الحين ودلني على الاماكن اللي فيها الاجهزه
عزام : طيب
٠٠٠٠٠

عند نور اللي كان مشغول بالها على عزام من الصبح ماجاء البيت ولا احد يدري عنه وجاء لبس وطلع من دون حرف وهاذي مو عادته وقفت وراحت لرعد اللي كان يلعب بالحوش وقف تراقبه وهي تفكر في عزام
حور: نور شفيك
نور: ولا شي
حور: اشوفك سرحانه
نور: عادي افكر وش ممكن يكون مصيري بعدين
حور: والله ي نور مدري وش اقولك دام ابوي يكون عمك اتوقع قريب يعرفون مكانك
نور: الله يستر قلبي موجعني
حور: لا تخافين عزام بيوقف معك صدقيني
نور:متخيله ان ماجد اللي انا هربانه منه يصير اخوكم
حور جلست بغصه: اشياء كثير مو متخيلتها
٠٠٠٠٠

اما طلال طلع وراح الشركه وهو متلثم طلب يقابل ابوه
الموظف : مين انت وليش كذا متلثم
طلال: قوله طلال ومالك شغل
الموظف :احترم نفسك واطلع من هنا ما نعطي صدقات احنا
طلااال : لم لسااااانك ي كلب
طلع ابو ماجد على الاصوات :اش صاير
طلال التفت له : قول لموظفك يحترم نفسه
ابو ماجد : طلال وش موقفك هنا ادخل ي حبيبي ادخل
دخل طلال والتفت ابو ماجد للموظف :حسابك بعدين..

دخل ورا طلال وسكر الباب واقبل على طلال يضمه دق قلب طلال ما عمره تخيل حضن ابوه ابدا ابدا ماعرف يضمه او لا ابو ماجد ابتعد وهو يمسح دموعه: اجلس اجلس وش تشرب قولي
طلال : ولا شي
ابو ماجد : لا لا ضروري تشرب امر بس
طلال: قهوه عادي
طلب ابو ماجد قهوه وصلت صب له وهو من فرحته نفسه يشربه بيده
طلال: تسلم بس انا مستعجل ابي ارجع قبل يرجع عزام البيت
ابو ماجد : ليش عزام لهالدرجه شديد
طلال : لا بس في بعض المواقف واذا شافني طلعت وانا بذا الحاله بيعرف اني عندك او يحسبني رايح لماجد بالاستراحه
هز راسه ابو ماجد : خلاص ابشر بقولك كل شي
تعدل ابو ماجد وابتداء يحكي لطلال: ي طلال انا لما تزوجت امك ما تزوجتها عشان ألعب لا انا حبيتها وخطبتها وتزوجتها بس كان ابوي مو راضي اسم انها مو من مواخيذنا وانها بنت فقير كنت ابي ابره ولا ابيه يزعل مني اجبرني اتزوج بنت شريكه اللي هي ام ماجد واذا ما تزوجتها بيدمركم تزوجتها عشان بس مايصير لكم ولأمي شي وكنت اروح لامك جلست معها ٨ سنين وانا كل يوم اروح لابوي واعتذر منه واطلب يرضى علي وعلى امك  ويرضى اني اعلن زواجي منها واحاول افهمه ان الفلوس مو كل شي بالحياه بس كان رده الدايم الرفض والتهديد بعد ما جيت انت بأسبوع رحت لأبوي وقلت له اني بعلن زواجي واني مستحيل اكمل كذا وبطلق ام ماجد واخذ ماجد تربيه امك وطبعا كان ماجد عمره ٧ سنين باقي بزر رفض ابوي وابتداء يأذيكم بالخفيف وخفت منه وابتديت اطول ما اجيكم وبعدها بفتره ابتديت اكرهكم كلكم حتى عزام اللي كان يسوى عيوني كرهته فجاءه صرت ما اطيق حتى اساميكم وامكم وكل شي يخصكم صرت اكرهكم واحس بروحي تطلع اذا سمعت طاريكم وطلقت امك ورميتكم ولا عاد ادري وينكم وصرت احب ام ماجد بشكل مو طبيعي لدرجه انها لو ضربتني بقول حلال بعد ١٠ سنين طول هالفتره كان كرهي لكم مستمر ونسيتكم اصلا وطبعا اعطاني ابوي فلوس وشركات ومحلات ما حلمت فيها وانغريت بالفلوس وطرت في هالعالم