روايـــــــــــــة ✍🏼 { كئيب الليل ياطفلة يغيب الكل لا غبتي }مكتملة

البارت الثاني

📖 روايـــــــــــــة ✍🏼
{  كئيب الليل ياطفلة يغيب الكل لا غبتي }

يزن : لا انا اللي بموت عليه بس شنسوي هذا قرار ابوي
نور: يوه مايصير والله الله يستر بس ماندري مين حاط براسه. المره هاذي
يزن : الله يستر
......

عند عزام اللي كان ساند راسه على الجدار وهو يتنهد
ضاري : شفيك اليوم
عزام : مافيني شي
ضاري : نرجع لنفس السؤال ياخي تكلم
عزام : ابد افكر في الحياه اللي رميت نفسي فيها كانت نتيجتها رعد اللي ماله ذنب يوجعني قلبي اذا شفته
ضاري : عزام خلاص انتهت من زمان باقي تفكر
عزام : مدري كيف الناس تبيع عيالها وانفسنا عشان كم فلس
ضاري : الفلوس تغير النفوس بس ضروري تنسى ولا تجلس اسير للمشكله هاذي
عزام : مو بهالسهوله ي ضاري عمرك جبرت تنخان جربت تذوق طعم الشك ماعمرك جربت انك تشك بولدك اذا هو ولدك او لا
ضاري : بس انت سويت تحليل واثبت انه ولدك
عزام : اثبت اثبت بس ليت الايام ترجع والله ما اتزوجها
ضاري : كل شي خيره ما تدري
عزام: اخ لو ما ترجتني امي واجبرتني اخذها اخ ولا انا وين والزواج وين
ضاري : اللي راح راح وحنا عيال اليوم التفت لولدك وانتبه له واترك اللي راح يروح
عزام : تدري اني صرت اخاف من الفلوس
ضاري : ليه
عزام : ابوي تركنا عشان فلوس واللي تتسمى زوجتي خانتني عشان فلوس وعشاني فقير ولا قدرت اغطي جميع احتياجتها
ضاري : انت ماقصرت معها ابد انت كل تملكه لها ولامك واخوك واختك لكن قليل الاصل دايم قليل اصل
عزام : خايف من طلال حاله مو عاجبني ابد اخاف ينلف على عيال حرام ويضيعونه
ضاري : تبي الصراحه ولا تزعل
عزام ابتسم بضيق وهو يدري وش بيقول : طلال يشبه ابوي حتى بالطمع
ضاري: ايه
عزام : وهذا بلا ابوك ي عقاب ( يعني هذا اللي خايف منه بس بمثل )
ضاري : ماعليك ربي معك وبيساعدك المهم خلني اروح وانت ادخل نام وراك دوام
عزام : ايه الله يكون بالعون
ضاري : تعال تعشى معي
عزام : لا لا بروح انام
ضاري : ممكن سؤال
عزام: شعندك ي المحترم وشو امر
ضاري : الحين انت وشوله كل هالجسم وانت ما تاكل ولا تشرب ( عزام كان طويل عريض شوي بشكل حلو)
عزام:ههههههه مدري
ضاري : الله فوق سلام
عزام دخل وتوجه للغرفه وشاف اخته وامه نامو وراح وحصل طلال نايم  ورعد راح وانسدح بجنب رعد اللي كان قمة البراءه والطفوله تنهد وهو يبوس يده : بعدك صغير على كل اللي صار يبه بعدك صغير  ضمه وهو يحاول يدفيه من البرد وهو يفكر وش المستقبل وغفى بدون لحاف وهو المهم عنده اهله يكونون بخير
....

في بيت ابو يزن كانوا الكل متجمعين وينتظرون دخول جدهم بفارغ والكل خايف سمعوا صوت عصاته وابتدت قلوبهم تدق
دخل الجد اللي كان مقطب حواجبه : السلام عليكم
الكل وقفوا وردوا السلام وجلسوا بعد ما جلس جدهم
ابو يزن : سم يبه وش اللي انت مجمعنا عشانه
الجد : ان شاء الله خير المهم اليوم جاي وانا ناوي احل بعض الامور اللي ما ترضيني
حنان : وش يبه اللي ما يرضيك
الجد : اليوم ابي يزن وتركي وماجد بزوجهم كلهم
يزن وقف وهو مصدوم: نعععم
ابو يزن : اجلس
تركي : ومن ناوي ترمينا عليه هالمره
الجد : اسكت انت وهو
ابو يزن : اجلسو 
جلسو بصدمه وخايفين من الجاي
الجد : تركي له غلا ويزن له سميه وماجد له نور
نور وقفت بصرخه: نعم مابقى الا انا اخذ السكير هذا والله لو تموتوني
ابو يزن : نور اسكتي
نور: ما راح اسكت واسلوب التعبيد هذا ما يمشي علي يرضى اللي يرضى ويزعل اللي يزعل
الجد : ترفعين صوتك علي ي بنت
نور: ارفعه على الظلم والظالم
ابو يزن تقدم وهو ناوي يضربها ورفع يده لكن انطبع الكف على وجه يزن اللي اعترض بقوه وهو يقول : انا مستعد اتزوج سميه تركي بعد لكن نور مستحيل تتزوج الصايع
الجد : خالد جيب بنتك هنا
يزن: ما راح تجي لاي احد
تقدم الجد وهو يدق عصاته بصدر يزن واوجعه بعدت نور يزن وتقدمت وهي تناظر جدها بتحدي : لو تخيط جلدي بجلده ما راح اتزوجه
تقدم ابو تركي : يبه تكفى الله يخليك الاجبار مو حل وانت تعرف ان ماجد حاله مايل
الجد : محد له شغل انا أأمر ما اخذ ارأهم
يزن ما كان يبي سميه بس ما حب يرفضها ويكسرها وهو مافي قلبه احد بيحاول يتقبلها بس كل همه نور  تركي كان عنده غلا عادي وسبق وشافها وحلوه وتنحب
نور : ههههههه ضحكتني الكلمه لي وانا اقول لا واللي تبي تسويه سوه
راحت نور ركض لغرفتها وهي فيها عناد الدنيا والكل تحت منصدم من اللي هي سوته عمره محد تجرا وقال اللي قالته ..