روايـــــــــــــة ✍🏼 { كئيب الليل ياطفلة يغيب الكل لا غبتي }مكتملة

البارت السادس والعشرون

📖 روايـــــــــــــة ✍🏼
{  كئيب الليل ياطفلة يغيب الكل لا غبتي }

عزام: هههه لا لا دام كذا بنضطر نجيب لها كل شي بوقته ولا تحقد وتزعل وي شينها لا زعلت
نور عورها قلبها كل ما تسمع صوته تتذكر (انتي مثل حور )
حاولت تنسى وقالت: عزام انت لا تتدخل والا احقد عليك انت بعد
عزام:هههههه لا لا اجل انا استسلم
راح وجلس جنب رعد وطلال وامه ونور وحور راحوا يجهزون الاغراض ولزوم السهره
وطلال يسوي الاونو وام عزام تلعب رعد .

...
اما يزن اللي طلق سميه وانتهى كل شي بينهم وقامت قيامة الجد وتبرى من يزن اما ابو يزن انصدم من اللي سواه يزن وحاول يرجع يهدده بأمه لكن يزن حلف انه لو يصير لأمه شي مايرده الا الشرطه والمحكمه وسكت ابو يزن لان سمعته على المحك
سميه اللي ارتاحت كثير وحست انها حره رغم الضرب اللي اكلته من جدها ولما حاول ابوها يدافع عنها زعل على ابوها
.....

عند ضاري اللي صار فعلا عاشق لنور ويتمنى بس متى ترجع لاهلها وتتصالح معهم عشاان يخطبها انسدح وهو نفسه يروح لبيت عزام يمكن يسمع صوتها بس يدري ان البيت كئيب بعد سالفة طلال
...

عند تركي اللي كان ضايق على افتراق يزن وسميه وزعلان من سميه اللي طيرت يزن دخل البيت وهو كاره يتكلم مع احد شاف سمر وغلا جالسين
تركي : السلام عليكم
البنات: عليكم السلام
تركي : كيفك غلا
غلا: الحمدلله وانت
تركي : الحمدلله
سمر: تعال اجلس معانا
تركي : لا بروح انام قولي لهم لا احد يجيني
طلع تركي والتفتت غلا: غريبه شفيه
سمر: مدري بس غريبه
غلا: عاد تركي والزعل
سمر : وش تستنين انتي روحي شوفي شفيه ترا تركي يحب احد يسأله وش فيه ويراعيه ترا زي البزارين
غلا: خير والله لو تموتين ي زيني وانا رايحه له غرفته
سمر: وش بتسوين انتي ترا بس بتسألينه وتجين واخوي عاقل ترا
غلا ترددت بس سمر اصرت عليهاا وقامت وهي بتموت من الخجل بس قالت :عادي فالنهايه هو زوجي
دقت الباب وفتحت وشافت تركي رامي نفسه على السرير رفع راسه : غلاا
انصدم تركي ما توقعها تجي هنا هي بالقوه ترد الكلام
غلا: اسفه ازعجتك
تركي : لا لا تعالي شفيك
غلا: ولا شي بس حبيت اتطمن عليك شفتك ضايق
تركي ابتسم وقال وهو يأشر لها تجي تجلس : تعالي تعالي اجلسي بجنبي ليش واقفه
غلا: لا لا انا اصلا بروح الحين
وقف تركي وهو يتجه لها سحبها وسكر الباب : تعالي ما أكل انا
غلا تمنت الارض تنشق وتبلعها وليتها ما طاوعت سمر
تركي قرب وهو يهمس بأذنها:  شفتي كيف اذا سمعتي كلام سمر وتهورتي في النهايه تورطتي
غلا ابتعدت وهي منصدمه: شلون عرفت
ضحك تركي اللي جلس وسحبها توقف قباله وهو يناظرها: في احد ما يعرف اطباع حبيبته
غلا احترت وحمر وجهها ابتسم تركي على وجهها وهو يجلسها بجنبه : تعالي بس بعدين اعرفي اني احبك انتي مابيك تسمعين كلام احد اذا ماجيتي من قلبك لا تسمعين احد طيب
غلا انحرجت لما كشفها ولا عرفت وش ترقع
تركي : بس من ناحيه ثانيه اعرفك ما تسوين شي مالك خاطر فيه وانتي كان ودك تجين عشان كذا جيتي
غلا ابتسمت بهدوء وهي تقول : اوك معاد بسمع كلام احد
تركي :ههههه عاد هالسمر تعجبني فيكم وتفرح قلوب الرجال شوي
سمر دقت الباب :غلا عمتي حنان تبيك
تركي : سمر ضفي وجهك
سمر فتحت الباب : اقول وخر بس وانتي قومي لا اعلم واقول انك عند تركي
حذفها تركي بالمخده وقامت غلا بتروح بس مسكها تركي
رد الباب : ثاني مره بغير المكان
ابتعدت غلا بأحراج وطلعت وابتسم تركي وهو يسمع سمر تهدد انها لو ما عطوها فلوس بتبلغ الوحش عليهم( الجد)
رجع تركي وانسدح وهو يبتسم وراحت ضيقته شوي
....

في بيت عزام اللي كانوا كلهم مسوين حقله ويلعبون والحماس مكسر الدنيا
رمت نور الورق : لاااااا عزام غشاش مايصير .
عزام اخذ السنتووب وكبه عليها
نور: ويع ي عزام شذا
عزام اللي كان يضحك عليها والكل مندهش من روح عزام الحلوه اللي ماعمرهم شافوها السبب المصايب والمسئوليه
وابتدوا والاستهبال والضحك وهو مبسوط وهي مبسوطه والكل منصدم من تغير عزام المفاجئ من شخص كتوم وعصبي وانحيادي لشخص كأنه ماعنده هموم
....

من بكره جاء ضاري لبيت عزام وهو له حجتين ياخذ عزام لدوام ويحاول يشوف نور او يسمع صوتها دق الباب فتحت ام عزام
ام عزام : هلا ضاري يمه كيفك
ضاري : تمام ي خاله انتي وش مسويه
ام عزام : الحمدلله يمه
ضاري : وين عزام
ام عزام : عزام نايم مابيداوم اليوم
ضاري : ليش فيه شي
ام عزام : لا بس يقول مابيداوم دام عنده اجازه
ضاري : معليش ي خاله خذي لي طريق بشوفه صاير كسول ذا الادمي
ام عزام:زين
اخذت له طريق ودخل وراح للغرفه اللي فيها عزام كانت ظلاام
فتح وشاف عزام نايم نومته المعتاده اللي تعبر عن شخصيته نومه مرتبه بعيده عن الفوضى دخل وهو يمشي بشويش ويعرف كيف نوم عزام خفيف قرب وصرخ:عزززو