روايـــــــــــــة ✍🏼 { كئيب الليل ياطفلة يغيب الكل لا غبتي }مكتملة

البارت الرابع عشر

🌺🍃🌺🍃🌺
🍃🌺🍃🌺
🌺🍃🌺
🍃🌺
🌺 14 ...

{  كئيب الليل ياطفلة يغيب الكل لا غبتي }
ا

ام عزام: طلال صحيت يمه تعال كل لك لقمه
طلال :مابي يمه انا بطلع
عزام : على وين ان شاء الله
طلال: عزام مالك شغل ..حوور
عزام غمض بغضب وصرخ : طلااااااااال
طلال ارتعب بس حاول يبين انه مو خايف: نعم
قرب عزام بغضب وهو يشده بأذنه: تعلم كيف تكلم اللي اكبر منك
ام عزام: خلاص ي عزام اتركه
طلال : احترم واحد معقد مستحيل
ما حس عزام الا وهو يطيح فيه ضرب وامه تحاول تبعده عنه بس الغضب غطى عليه ابتعد طلال وهو يقول : تطقني ي المعقد تطقني
عزام: يمه قولي له يبلع لسانه احسن له
طلال التفت لامه؛ انا تعبت من حالتكم هاذي لا عيشه زي الناس ولا اكل زي الناس ولا حتى معامله زي الناس قولي وين ابوي انا اروح ادوره
كل اللي قاله ما همهم الا كلمة( قولي وين ابوي انا اروح ادوره)
عزام:نعم
طلال: اللي سمعته العيشه معك زي الزفت انا ابي اعيش زين مابي اعيش تحت صرفك علي
ام عزام : طلال عيب يمه وش اللي تقوله عزام هو اللي رباك وكبرك تكلمه كذا
طلال : يمه قولي لي وين ابوي
عزام فقد اعصابه وهو اللي يكرهه ابوه وطاري ابوه قرب وهو يمسك طلال من دقنه ويهزه بقوه : ابوك شفقان على ابوك وتدور عليه ابوك لو يبيك ما رمااااك ما باااعك ما تخلا عنك وتركك فريسه للكلاب الشوارع هه ابوك اللي انت تبيه تربى منك كذا كويس كذا ابوك اللي بتعتز فيه وتعيش معه هذا ابوك اللي اقلقتنا عشان روح دوره روح
طلال انصدم ماكان يعرف ان ابوهم تركهم كانت امه قايله له ( انه اختفى مايدرون وينه لليوم ) ما توقع انه تركهم ورماهم زي مايقول عزام عرف سبب كرهه عزاك لابوه تكلم بصدمه: ليش تركنا
ام عزام كانت تبكي ماكانت تبيه يعرف حقيقة ابوه ويكرهه زي عزام ويصير ابوه عنده عقده
عزام بعصبيه: روووح له ودوره واسأله ووقتها بتعرف قيمة عيشتنا اللي مو عاجبتك
حور من بعيد وهي متكتفه على الباب بهمس : تركنا لأننا ما نشرفه ولا امي تشرفه بأختصار لانها كانت فقيره وهو ولد العز والجاه
حور بكلامها فتحت باب مسكر من ٢٠ سنه كان كلامها بالنسبه لطلال صدمه الجمته وكان بالنسبه لأم عزام تجديد مواجع وجروح وكان بالنسبه لعزام تجديد كره وحقد لابوه
انسحب طلال بصدمه وطلع وهو مو مصدق
ام عزام ببكى: عزام يمه ألحق اخوووك
عزام: ماعليش يمه خليه يروح بيلف وبيرجع خليه يروح ويعرف ان عيشتنا احسن بكثير
ابتعد عزام وطلع هو الثاني وهو معصب وضايق وزعلان كان يمشي بحارتهم بضياع كان يتخبط بذكرى الايام اللي تركهم ابوهم فيها غمض وهو يتذكر كل التفاصيل حتى وجهه ابوه
....

عند نور كانت مصدومه من اللي سمعته قررت انها تسكت وما تتدخل كانت تلعب رعد وهي تحس الجو توتر دخلت حور بهدوء بعد ماهدت امها وجلست : احنا اسفين على هالوضع
نور: لا عادي بيتكم تسوون اللي تبون فيه
حور سكتت وهي جالسه تناظر رعد اللي يلعب مع نور صدت وقامت وهي تجمع الملابس بتغسلها وام عزام راحت تصلح العشاء وهي تبكي
...

عند طلال اللي كان مصدوم مع ذلك ما تخلى عن فكرة انه يدور ابوه وصل لشلته المعتاده وهو ضايق
صقر: شفيك تعال شوف الفلوس
رامي :اليوم بنعلب في الدنيا تعاااال
طلال : انا ابيكم بشغله
صقر : وشو
رامي : وش فيك ؟
طلال: بندور ابوي
رامي : ابوك انت مو تقول اختفى ما تدرون وينه
طلال : لا جاء الوقت اللي ادوره فيه
ابتداء طلال يقص لهم قصته وهو ناوي يحصل ابوه
....

اما عند يزن اللي رجع مكان الحادث اللي صار لنور وهو يفكر من وين جات عشان تجي هنا ويصير لها حادث رفع راسه وهو يناظر حاره متهالكه باين انها فقييره تقدم وهو يفكر وش جاب نور هنا لمثل هالحارات نزل من السياره وصار يمشي في الحاره وهو يطري عليه مليون طاري وطاري ...
عند عزام اللي كان يمشي بالحاره وهو يفكر بحالتهم ويصارع الماضي اللي مو راضي يتركه رفع راسه واتسعت عيونه بصدمه اول ما شاف يزن يمشي ويتلفت صد بسرعه وهو يغطي نفسه بجكيته ومشى بسرعه وهو يحاول مايلفت الانتباه( وش جابه هذا هنا اكيد عرف عنها اكيد ) ابتعد بسرعه وهو يركض وراح لبيتهم وفتح الباب ودخل وسكر الباب وهو يتنفس براحه: الحمدلله ماشافني
ام عزام: عزام شفيك
عزام بتوتر: هاه لا ولاشي شفتي نور اخذت ادويتها
ام عزام : ايه
جلس عزام وهو يمسح جبينه وخايف فعلا ان يزن عرف
...

عند يزن اللي كان يلف فالحاره واضح انها حاره معقده بيتوه فيها رجع بطريقه وهو يمشي ويفكر صقع كتفه بشخص
يزن: اسف م... شايفك من قبل
ضاري ارتبك وخاف انه عرف عن نور : ايه مو انت اللي مع تركي
يزن: ايه شجابك هنا
ضاري بتصريف : ابد الوالد مرسل شوي اغراض معي لناس فقراء هنا
يزن طالع فيه شافه شايل كراتين وابتسم:اسف ثاني مره
ضاري: معليش عادي ..