روايـــــــــــــة ✍🏼 { كئيب الليل ياطفلة يغيب الكل لا غبتي }مكتملة

من 151 إلى 165

عند يزن اللي طلع وهو يبتسم وراح بيت عمه ابو تركي قال للخدم ياخذون له طريق بيروح لتركي يصحيه ودخل بسرعه وطلع لتركي فتح الباب وشاف تركي مرمي على السرير وهو مغطى باللحاف كله وملفوف عليه ومو مبين منه شي وقف يزن بحيره وهو يبي يشوف وين راسه قرب وهو يسحب في اللحاف لما حصل راسه
جلس وهو يقول :تررررركي
تركي .........
يزن: تركي تركي تركي تركي تركي تركي تركي تركي
تركي :هاااااااااااااااااااااااااه
يزن:هههههه تركش قوم يلا ورانا شغل
تركي : يزن قم فارق من هنا مالي خلقك مابي اقوم ابعد
يزن: ي رجل قوم الاثاث وصل وانت نايم
تركي انقلب : اي اثاث
يزن ضرب جبينه: اثاث شقة عزاااام
تركي :ايه يالله ي ربي انا وش حدني ادخل بذا الشغله ابي انام ابي اناااام
يزن : ي رجل قوم نخلص شغلنا وبعدها نااام لما يتفجر راسك
تركي : ي ربي ي يزن ما تقدر ما تأذيني لازم يعني تغثني
يزن : يوه يلا قوم
وقف يزن وهو يسحبه اخذه لما دخله الحمام وحطه بالبانيو وفتح المويه عليه : يلا عجل
تركي :يااااااه ياسماجتك ياخي
يزن : انا بروح لماجد اخلص وانزل
تركي صفق الباب بوجهه ونزل يزن وهو يضحك فتح الباب وطلع قابلته سميه جايه من برا وقف يزن بعيد عن الباب وقال : سلام سميه كيفك
سميه وهي تناظره : الحمدلله انت كيفك
يزن : الحمدلله كيف دراستك ان شاء الله كويسه
سميه : الحمدلله توني جيت من اختبار والحمدلله عدا
يزن : الحمدلله الله يوفقك وينولك مرادك
سميه: امين وياك
يزن: يلا الله معك
راح يزن وترك سميه تراقبه وهي مبتسمه :ما كذبوا لما قالوا طيب قلب الله يوفقك ي يزن ببنت حلال والله دخلت وشافت تركي نازل وهو يتحلطم :خير اشبك
تركي : ي شيخه انا لو اموت اريح
سميه : اوف اوف وش صاير
تركي : ولا شي بعدوا عني خلوني لحالي
ضحكت سميه من شكله وهو شوي ويبكي وواضح ان يزن السبب
٠٠٠٠

عند يزن كان بالسياره شاف ماجد وتركي جايين وكل واحد وجهه العن من الثاني ضحك وهو يقول : الله يلعن ابليس
تركي : الله يأخذك
يزن: ههههه بسم الله الرحمن الرحيم روق تركش
تركي : ي شيخ انقلع
ماجد : وقف في اي مصيبه جيب لنا شي نشربه يصحصحنا
يزن حرك وهو يضحك على اشكالهم الكئيبه
٠٠٠٠

عند الجده كان الكل جالس وابو ماجد يحاول يقنع عزام يستقر عنده بس عزام رافض
ابو تركي : الحين انت ليش رافض وش فيها اذا ظليت ببيت ابوك
عزام وهو يطالع الارض : مافيها شي بس انا مابي مرتاح هناك
ابو يزن: اي راحه ي ابوك البيت اللي انت فيه شوي وينهد
عزام تنهد وهو يقول : خلاص الله يخليكم انا مرتاح هناك
سكتوا لما شافوه قام وهو ضايق ( عزام مايبي القصور مايبي الرفاهيه مايبي كل ذا يبي يكون بسيط وواضح ما يبي الفلوس والغناء معجبته حياته ومرتاح فيها )
نزل عزام وطلع بالحوش وهو ضايق التفت وشاف عيال يارا اللي تركتهم وهي راحت مع زوجها يفطرون بمطعم تقدم وهو يناظر بأشكالهم ذكروه برعد ابتسم لهم لما لفوا عليه ونزل لهم وهو يقول : سلااام
خالد وماجد :اهلا
عزام : عرفتوني
ماجد : انت زوج خاله نور
عزام : صح عليك يصير اجلس معكم
خالد : بس انت كبير
عزام ابتسم : عادي اجلس الا اذا ما تبوني
ماجد :الا نبيك تلعب معنا كوره وخلك بفريقي لان خالد بس يفوز علي عشان اكبر مني
عزام:هههههه اوك موافق ي خالد
خالد : طيب اوريكم واهزمكم بعد
عزام ضحك واخذ الكوره : يلا نتوزع
ركضو العيال وكل واحد حجز له مرمى ورمى عزام الكوره فوق وابتدو يلعبون وكان ماجد مبسوط عشان عزام معاه وخالد اللي كان ماهر باللعب ماهمه وجود عزام بعد تعب بسيط فاز عزام وماجد على خالد اللي عصب وزعل وماجد فرح بشكل مو طبيعي
خالد: اصلا انتم غشاشين
ماجد : لا ما غشينا
خالد: مايصير اثنين على واحد
عزام: انت وافقت
خالد : خلاص مابي نعيد اللعبه
عزام : زين دور لك صاحب
خالد ضاق وهو يدري مافيه احد الحين يلعب معهم شاف سامر توه جاي من دوامه وواضح تعبان ركض له : خالي سامر خالي سامر
سامر : هلا
خالد: تعال العب معاي بفريقي شوف ماجد جاب عزام وفازوا علي
سامر بتعب : والله مافيني
عزام من بعيد: سلاااام سامر
سامر :هلا
عزام :تعال ي ولد العب معنا لا ترده
سامر: بس انا تعبان
خالد : الله يخليك
عزام : يلا تعال
نزل سامر اغراضه وجاء وخالد فرحان وابتدوا لعبتهم بضحك وحماس الصغار وكان عزام مبسوط لأنه يحس نفسه مع رعد ومسلينه ارتفعت اصواتهم وطلع ابو تركي من بلكونة الجده
ابو تركي :هههه عزام انهلبتوا
وقفوا وهم يناظرونه: ليش
ابو تركي : ههههه تلعبون مع الصغار
طلعوا الكل يناظرونهم ويضحكون وكملوا هم لعب رغم انها كانت مع صغار. الا انها كانت شوي صعبه من مهارة خالد وعزام
اما ماجد وسامر بس يركضون على عمى ..