روايـــــــــــــة ✍🏼 { كئيب الليل ياطفلة يغيب الكل لا غبتي }مكتملة

البارت الستون

الكل خاف وكلهم تعلقت عيونهم على عزام اتجه لهم عزام بكل سرعته : انت وش تبي هنا كم مره صرت قايل لك لا تجي هنا
طلال : عزام اسمع ابوي بيقول كل.......
سكت لما حس بقوة الكف اللي انطبعت على وجهه
عزام : انت تسكت وتنقلع جوا وحسابي معك بعدين
طلال ارتفع صوته بصراخ: تراني مليت منك وتعبت لمتى بتشوف نفسك المضحي الفاهم اللي هو ضحيه لكل شي خلاااص
عزام اتسعت عيونه وكان ناوي يضرب طلال بس مسك يده طلال ودفه : خلاص زمان الضرب انتهى خلاص انتهى ماعاد اسمح لك تمد يدك علي انا رايح اعيش مع ابوي ومخلي لك البيت باللي فيه
شهقت ام عزام وعزام كان مصدوم من تمرد طلال عليه والاكثر من قراره
عزام : لا باين انه لعب بمخك لكن اسمعني زين لا تحلم انك بتنال مرادك وتدخل وتنبثر جوا
طلال : ابعد ي عزام ابعد اوامرك على رعد انا خلاص بروح اعيش مع ابوي تعبت من تسلطك علي
تركه طلال وراح وقف جنب ابوه عزام كان مصدوم : ايش انا متسلط عليك هذا نهاية كل شي ي طلال
طلال : ارتاح خلاص ماعاد بثقل عليك بمصاريفي
عزام انصدم عمره ماحسسه انه مثقل عليه بالعكس كان اي شي يتمناه يوصله حتى لو اضطر انه يتسلف
ابو ماجد : عزام اسمعني اسمع عذري وبعدها بكيفك ي عزام
عزام كان مصدوم شلون طلال يكلمه كذا وحط اللوم كله على ابوه : خلاص سويت اللي براسك بديت تشتتنا ما كفاك اللي سويته باقي بتجدد خلاص ارتحت الحين
ابو ماجد يهز راسه ب لا : عزام اس...
قطع عليه صراخ عزام : مابي اسمع شي اطلع من هنا اطلع
ابو ماجد سكت ولف بيروح طلال: يبه بروح معك
عزام : طلال ما تروح ي طلال ارجع ي طلال كيف تروح معاه وهو اللي رماك صغير ولا فكر طلال
طلال طنش عزام وراح مع ابوه وهى يسمع عزام يناديه بصوت مبحوح : طلاااااال
ابو ماجد : طلال رد على اخوك
طلال: اتركه يبه هذا هو يصيح ويسكت
ما طاوعه قلبه ابو ماجد والتفت على عزام : عزام اللي تبيه انت بيصير مهما كان
عزام احمر وجهه ولف وصرخ: ادخلو جووا
دخلوا كلهم وام عزام تبكي : عزام لا تخلي طلال يروح تكفى ي عزام
عزام ضااق بيبكي خلاص كيف كذا هو اللي تعب عليه يعده مثل ولده مهما طلب منه يجيبه ماكان عليه حمل بالعكس كان يفرح اذا طلب منه يستانس يحس انه قاعد يقدم له شي كيف يقول له كذا غمض وطلع شافهم ماشين حط يده على راسه وهو يكافح دموعه كره ابوه زود كرهه انتبه لجواله شاف هاله تتصل وهي اللي ما قفلت من يوم كل يوم تدق عليه ومنتبهه له
سكر واخذ اقرب تاكسي وتوجه لشقتها
٠٠٠

عند طلال اللي كان مستانس بحنان ابوه عليه ويسولف لابوه كل شي عاشه وابو ماجد مستانس بس ضايق عشان عزام شاف القهر بعيونه وكان مستعد يخلي طلال لين يرضى عزام بس طلال مصر يروح معاه وصلو بيت ابو ماجد ودخلو بالقصر نزل وهو مذهول ويناظر يمين ويسار طلع تركي وهو يقول : عمي طلال
ابو ماجد : تعال ي تركي سلم على طلال بيعيش معي
تركي انصدم : عزام رضا
نزل راسه ابو ماجد : لا ما رضا
تركي سلم اي كلام على طلال وطلع وتركهم ودخلو هم قصر ابو ماجد
٠٠٠٠٠

عند هاله كانت تدور ماتدري عن عزام من يومين ماشافت وجهه وصلها خبر فصله خافت عليه حيل انتبهت للباب اتجهت ركض لعزام وضمته : عزام وينك وش صار فيك حبيبي
عزام ضل ساكت ومستكن غمض وهو يدور تفكيره كان قلبه مثل الناس وعروقه طالعه ومارد عليها سكتت هاله وهي مقدره وضعه ظلت واقفه وضامته بقوه لانها حاسه انه مشتت عزام ما حاول انه يبعد ولا حاول يتحرك ابدا كان ساكن ولا يتحرك للحظه حس انه ضعيف طول عمره كان متخيل طلال بيشتد ويصير رجال ويسنده ويكون له ظهر بس للأسف في اقل موقف يحصله ضده ظل فتره هادي وبعدين حس على نفسه وابتعد وهو يحاول مايبين ضعفه
هاله: تعبان عزام فيك شي وش اللي صاير معك
عزام جلس : مافيني شي شوية ظروف انتي شخبارك وش مسويه
هاله : طالما انت بخير انا بخير
عزام تنهد : بخير بخير
هاله مسكت يده : عزام اذا فيك شي قولي وبعدين ليش فصلوك
عزام : من دون سبب
هاله : مو معقوله كذا
عزام : معقوله ي هاله معقوله بس ابي منك شغله
هاله : امر
عزام : ابي منك تحاولين تعرفين بلاوي المدير كلها يعني حاولي قد ماتقدرين تمسكين عليه دليل
هاله : ليش
عزام حب يستغل هاله في طرفه وقال بستعطاف: ابي انتقم منه هو كسرني حيل
هاله انقهرت على عزام وحلفت في نفسها تسوي اي شي عشان يتورط به المدير : ابشر
بعد سكوت تكلمت هاله وهي تشوف عزام يفكر : عزام تعشيت
عزام : انتي تعشيتي
هاله : لا مالي نفس بس اذا تبي اقوم اسوي
عزام بتفكير: اي بالله عليك سوي وانا بريح جوا شوي