روايـــــــــــــة ✍🏼 { كئيب الليل ياطفلة يغيب الكل لا غبتي }مكتملة

البارت الأول

📖 روايـــــــــــــة ✍🏼
{  كئيب الليل ياطفلة يغيب الكل لا غبتي ا)

في بيت مهلكه الزمااان ومتهالك وتعبان كان عزام جالس مع امه واخته وهو شارد وساكت كعادته مر عليه ذكرى يكرهها كثير صورة امه وهي تبكي وتترجا ابوه ما يتركهم بس كان يدفها وهو يقول : ابعدي عني وانتي طالق ابعدي
صرخت ام عزام : لاا حرام عليك وين بروح انا وعيالي وين ترمينا لشارع نهون عليك
ابو عزام وهو يدفها برجله : مالي شغل فيكم خذي هاذي ٢٠٠ تصرفكم واذلفي لا اشوفك جايه ولا مكلمتني
طلع وصفق الباب وراه وعزام اللي كان جالس بالزوايه ابو ٧ سنين يادوب يفهم ومعه اخته واخوه الرضيع كان يبكي على صراخ ابوه اللي عمره ما كان كذا كان مافيه احسن منه مرفهم ومعيشهم احسن عيشه كيف صار كذا كان يناظر امه وهي تبكي وعلى وجهها علامات الضرب من ابوه
تركهم ابوهم لذل والاهانه ولشارع تركهم لكل كلب يتهجم عليهم سكنوا من بعد الترف في بيوت متهالكه بدل الشبع صاروا يلمون اكل الشارع وياكلونه تركهم لشارع تركهم لضياع ترك كل شي على ظهر طفل مايعرف يقرأ ولا يكتب بعده يتعلم ..صحى على صوت امه اللي تناديه وهي تمد له كوب الحليب : عزام يمه وين وصلت
عزام : هاه يمه قريب امري شبغيتي
ام عزام : مايمر عليك ظالم لكن خذ هذا الكوب اشربه يدفيك عن البرد
عزام اخذ الكوب وهو يقول : من يد ما نعدمها يمه ..التفت على حور : حور كيف الدراسه
حور ابتسمت : زي ما تحب زي العسل
عزام ابتسم : ايه ي حبيبتي شدي حيلك ابيك ترفعين راسي
حور : افا عليك انا اختك ما ينخاف علي
عزام : كفو ... المهم قولي لي ناقص عليك شي تبين شي
حور: ابد كله تمام ي اخوي ( حور ناقصها كثير اشياء بس ماتبي تضغط عليه وهي تعرف حالته الصعبه )
عزام : يمه البيت ناقص عليه شي
ام عزام: لا يمه كل شي كويس
عزام : يمه قولي لا تخبين
ام عزام : والله يمه اللي جبته يكفينا
عزام : زين
طلال : يوه شذا الحال
ام عزام : شفيك يمه
طلال : لين متى هذا الحال لين متى تعبت ترا متى بنصير زي الناس ونفتك من ذا الحياه
عزام : شفيك تصارخ تكلم زين وبعدين شفيها حياتك هاه عايش واكل وشارب ومستوره
طلال : الله هاذي تسميها حياه احنا حتى ما عندنا دفايه ندفى فيها من البرد تجمدنا
ام عزام : احمد ربك غيرك مو محصل بيت يضفه
طلال :اي بيت هالخرابه تسمونها بيت ( كان بيتهم عباره عن غرفتين ومطبخ صغير وحوش صغير حيل ومكشوف وي دوب يكفي جلستهم وقديم)
عزام :احمد ربك وامش من هنا قبل لا اجيك اجلدك
طلال : هذا اللي عندك كلام وبس اذا فيك خير طلعنا من هنا
عزام وقف بغضب :نعم
مسكته امه وهي تترجاه :عزام دخيلك يمه اتركه دخيلك
عزام : لين متى يمه هذا مو حال نبيه عون صار فرعون كأنه مايعرف البير وغطاه
ام عزام : معليش يمه صغير امسحها بوجهي
عزام : اي صغير يمه رجال خط شاربه وين صغير لو مخليتني اربيه كان مشى عدل وبطل استهبال وطيش صدقيني على هذا الدلع بيطلع صايع
ام عزام: يمه تكفى هذا اخوك لا تصير انت والزمن عليه
عزام : لا حول ولا قوة الا بالله خلاص يمه ما بقوله شي بس فهميه يصحى لنفسه
حور: خلاص ي عزام اجلس
عزام تركهم وراح لطلال بالغرفه اخذ اللحاف تبعه من جنب رعد وعطاها طلال : خذ تلبس فيه ونام عشان تدفى
طلال: وانت
عزام : انا ادبر روحي
طلع عزام بعد ما تأكد ان رعد لابس كويس ونايم وجلس مع امه وهو ضايق من حال اخوه سمع دق الباب وقام
عزام: ضاري هلا ي اخوي
ضاري : هلابك ي عزام كيفك اليوم
عزام : كويس وانت
ضاري : انا بخير تعال تعال خذ مني واللبس وجايب لك شاهي يحبه قلبك يدفينا مع ذا البرد (ضاري : صديق عزام عشير روحه يدرس معه ومعه بنفس الحي وحالتهم نفس حالة عزام بس اهون شوي انسان متفاءل وروحه حلوه عمره (٢٥) )
عزام : ي حبيبي ي. ضاري ليش تعبت نفسك
ضاري : اقول اسكت وتعال والله شاهي من يدي لا يفوتك
جلس عزام بعد مالبس الفروه وجلس جنبه ضاري وهو يصب الشاهي
.......

في فلة ابو يزن كانت نور نازله وهي تغني شوي وشوي ترقص  نزلت وهي تصلح نقابها
يزن : اووه اوووووه نواره اليوم رايقه
نور: انا دايم رايقه لكن العذال كثير
سحب يزن نقابها وانحاش فيه وهي تصارخ وتلحقه : يزن جيبه يوه يزن
يزن: هههه مين العذال
نور: يزن شوف اعصابي تالفه جيب النقاب
يزن وهو يرفع حواجبه: مابي
نور : يزن والله ازعل والله البنات جو وانا ماقضيت
يزن : وين رايحه طيب
نور: بنروح الغرناطه مول
يزن : لحالكم
نور: شفيها يزن لا تعقدها وجيب النقاب
يزن : زين بقولك ترا جدي بيجتمع اليوم بالعايله فيه مصيبه بتصير يعني اجلسي احسن
نور: لااااااا
يزن : للاسف
نور: شيبي ياخي انا ما احبه والله ما احبه ..