روايـــــــــــــة ✍🏼 { كئيب الليل ياطفلة يغيب الكل لا غبتي }مكتملة

البارت الخامس والاربعون

وقف عزام اللي من بعد كلام يزن له بالمستشفى ومراقبته له مو راضي يهضمه ابدا واخذ موقف منه وعزام اذا اخذ موقف من احد صعب ينسى راح جاب له كل شي جابه وحطه قباله
عزام : تفضل تقهوى الخير خيرك
يزن نزل فنجانه : عزام لا تصعب الامور انا ادري انك زعلان مني واخذ موقف بس لا تلومني حط نفسك مكاني وش بتسوي
عزام : معليش على الصراحه  انا ما ازعل الا على احبابي وانت مانك منهم انا ما اعرفك الا انك اخو نور غيره مابينا صله ولا احط نفسي مكان احد كل واحد له مكانته بالدنيا ... اشرب فنجانك
يزن سكت وانسدت نفسه وقال: بشوف نور
عزام قام بدون كلام وراح لنور : نور
نور: ماذا تريد
عزام: اخاك موجود يريدك
نور: اما
عزام ضحك على شكلها: للاسف يعني
نور : بطني
عزام : هههههه يلا بس بلا دلع
لف بيروح بس نادته نور: عزام
عزام :هلا
نور همست: لا تخليه ياخذني
عزام ماحس بنفسه وقال: من عيوني
انصدمت نور من رده وانتبه عزام اختبص وراح بسرعه ونور حطت يدها على قلبها: يمه
حور: شفيك
نور بترقيع: هاه ايه اخوي هنا
حور: لا تقولين
نور: مضطره اروح اشوفه
حور: الله يعينك
راحت نور دخلت وهي تشوفهم كلهم ساكتين شافت عزام طلع اول ما دخلت ووقف يزن اللي قرب وهو يضمها: نور كيفك انا اسف على كل الرعب اللي صار معك
نور ضمته وهي مشتاقه له بكت يزن سكت شوي كان يبيها تطلع كل شي فيها وبعد شوي بدت تهدا وجلسوا
يزن : نور روحي قولي لي كل شي صار معك كل شي
نور غمضت واخذت نفس وبعدها بدت تحكي ليزن كل شي صار معها وكيف كان تعاملهم معها وكيف عدوها مثل اختهم ولا قصروا معها كانت طول ماهي تحكي ويزن يأنبه ضميره ليش اتهم عزام غلط
نور: هذا كل شي صار يزن تكفى لا تقول لا احد مكاني
يزن : لا تخافين ما بقول لاحد وانا مراقب شوي عشان كذا بخليك هنا وقت ما يحلون عني بأخذك عندي
نور كانت خايفه من انه ياخذها :يزن اخاف جدي يحصلني
يزن: لا تخافين فتره وتعدي بس توكلي على الله
نور نزلت راسها وهي تدعي انها ما تروح من هنا رفعت راسها على سؤال يزن: نور انتي تااكلين كويس تتغطين مزبوط
نور : ايوه زين الحمدلله
يزن بهمس : ما اشوف البيت يساعد
نور همست مثله: لا تخاف ماينامون الين انام ولا يتغطون الين اتغطى ولا ياكلون الين اكل  قلت لك انا هنا بألف خير
سكت يزن وانحرج حيل من. عزام وقرر يراضيه بأي طريقه
يزن: نور اذا احتجتي شي دقي علي اجيب لك
نور : زين
وقف يزن وهو يضمها ويقول : انتبهي على نفسك طيب
نور ضمته بقوه : يزن كيف امي وحشتني
يزن : ماشي حالها تبكي عليك كل يوم
نور بكت :الله لا يسامح اللي كان السبب
يزن : بتنفرج لا تخافين
طلع يزن بعد ما اعطاها فلوس واصر عليها تتصل اذا احتاجت شي وقف بجنب عزام اللي كان جالس وبيده زقارته
يزن : عزام
وقف عزام :نعم
يزن : انا اسف من جد انا اسف الواحد احيان بذا المواقف ما يعرف ايش يتصرف ادري غلطت بأشياء كثير بس انا من جد اسف وممنون لك انت ما قصرت يمكن انا اذيتك او جرحتك بدون قصد بس تأكد انه بحسن نيه
عزام تنهد وهو يقول : مو مشكله الله يسامح الكل
ابتسم يزن وقال : مشكور مره ثانيه على كل شي سويته عشان نور
عزام رد الابتسامه: ولو واجبي
تقدم يزن بيطلع بس وقفه صوت عزام : يزن اغراضك اللي جبتها لا تنساها
يزن :عز......
قاطعه عزام : لو سمحت لاتجبرني
يزن تنهد وهو مستغرب العناد هذا عليه اخذ الاغراض وطلع وهو يحطها بالسياره وحمد ربه ان فتحي ما انتبه للاغراض دور بيت فقير واعطاهم هي وكمل طريقه وهو مفجوع من حدة عزام ..

#يتـــــــــــــــــــــــــــبع....