روايـــــــــــــة ✍🏼 { كئيب الليل ياطفلة يغيب الكل لا غبتي }مكتملة

.72.73.74.75

عند نور وقفت وهي بالقوه قادره توقف سمعت صوت عزام يناديها بخوف :نور انتي بخير
نور: ايوه
عزام : نور اذا ما تبين وربي ما اجبرك
نور بهمس : عيد اللي قلت
عزام اخذ نفس ورجع يعيد اللي قاله: تتزوجيني
نور بكت وهي تقول : اكيد
عزام رغم انه ماكان يحمل لها شي بقلبه الا انه اجتاحته فرحه مو طبيعيه اول مره يحس بهالشعور الحلو اخذ نفس وابتسم وهو يقول : نور تطمني وبكره ذا الوقت وانتي بالبيت انتبهي على نفسك
راح عزام وهو فرحان ونور طاحت تبكي بفرح خلاص تحس انها تبي الحياه توقف هنا خلاص ضمت رجولها وهي تبكي وتضحك انتبهت على الباب اللي انفتح وكان الجد اللي دخل هو وابوها قرب ابوها ومسكه الجد وقرب من نور وسحبها لما وقفت وضربها كف وطاحت كان يضربها ضرب ومع ذلك كانت تبكي وتضحك كان كل شي فيها مع عزام ولا هي حاسه بأشي من اللي يصير لها
٠٠٠

عند عزام ركض ليزن وضمه وضم تركي وهو مبسوط وقال : تعالوا  صار وقت نطلع نور
يزن: وش صار
عزام : مو وقته اسرع بنلحق نور
ركضوا كلهم ودخلو من البوابه وهم يركضون دخلوا القصر اتجهوا لصوت الصراخ والبكي ركض عزام ويزن وتركي ماقدر يدخل عشان نور كاشفه اما عزام ما اهتم ابدا وسحب الجد بعيد عن نور دفه : تنكسر يدك قبل تمدها عليها
الجد انفجع ووقف هو يصرخ: من انت عشان تكلمني كذا ومن سمح لك تدخل بيتي بهالطريقه
تقدم وهو ناوي يضرب عزام بس مسك عزام يده وهو يلفها وراء ظهره وناسي انه ممكن يكون جده وهمس في اذنه وهو يأشر بالفلاش: انا موتك ي الجابر يزن خذ نور من هنا
ابو يزن كان واقف بصدمه ولا تدخل اما يزن اخذ نور اللي تعلقت فيه وهي تبكي وطلعها من الغرفه
اما عزام سحب العصا منه وهو يدفه يجلس توجه للابتوب اللي جابه تركي وشغله وهو يحط الفلاشه فيه حطه قبال الجد وهو وجهه ازرق وعيونه تفجع من العصبيه فتح اول مستند وهو يقول : قلت لك مليون مره لا تحدني على الفعل ما سمعت الكلام حذرتك بس نفشت ريشك وطرت لكن اعلمك شلون تطيح على وجهك
الجد كان مصدوم صدمه مو طبيعيه كيف حصل المستند كان فيه ايصالات وسجلات وبلاوي زرقاء ماقدر يتكلم
عزام همس بأذنه : هاه ما توقعتها اصبر شوي
طلع من المستند هذا ودخل لواحد اقوى وهو يشوف الصدمه اللي انرسمت على وجهه وكمل باقي المستندات ووقف سكر اللابتوب وهو يقول : ابي افهم وش استفدت الحين مافي قوي الا فيه اقوى منه عارف لو اودي هالمستند للشرطه يمكن تقدر ترشيهم وتنهي كل شي بس اذا وديت غسيل الاموال والاختطاف والقتل والسلاح وغيره وغيره كيف بتتصرف ولو جبت ( شاكوش اسم المهرب ) وشهد وش بيصير فيك قول بس خمن
الجد انلجم تماما ماقدر يتكلم جلس عزام قباله وهمس : عشان بينا دم يعني مهما صار مانقدر ننكر بس عشان عيون نور بصفح عنك هالمره بس هااه بشروطي
جابر وقف وهو يحاول ينكر بس جلسه عزام بصراخ: انا ما امزح ي جابر لا تختبر صبري اقسم بالله لو تحاول تسوي اي شي لا اوديك في ستين داهيه وانا ماعندي شي اخسره
جلس جابر بصدمه: وش تبي ي ....
عزام: خذ راحتك كل هذا ماخوذ حقه
جابر توتر وعرق : وش تبي اصلا انت تعتبر سارق واقدر احاجك
عزام : ههههه ضحكتني ي جدي ماعلينا نعتبره طلع بلحظة غضب
جابر جلس وهو معصب ووقف عزام وجاب ابو يزن وجلسه بجنب جابر وقال وهو يناظر بعيونهم بتحدي واضح انه مايمزح : بكره اتزوج نور والا هالفلاشه بتروح لشرطه واترك لك باقي التخمين وش ممكن يصير واذا حاولت تسوي حركات وتراوغ ارسل فلاش السلاح وكل اللي فيه حتى الفيديوهات واتوقع انك شفته ي جابر بس انك ماعرفت تخبيه
جابر ابتداء يحس بدوخه حس فيه عزام واخذ كوب المويه وكبها عليه شهق جااابر : باقي بدري على التعب عيب ي جدي مو المفروض توافق على زواجي
جابر وقف بعصبيه : بأحلامك
عزام : اوك بكيفك ونتقابل في المحكمه
ابتعد عزام بيطلع بس وقفه صوت جابر: متى جاي الشيخ
عزام ابتسم والتفت: الصباح تقدر تكون جاهز ي جابر وانا بعد ي عمي خالد
راح وتركهم وهو يضحك طلع لتركي وهو يقول :انتهينا
تركي: وش صار
عزام بضحكه: بصير نسيبكم
تركي تنح: وشو
عزام :هههههه بسم الله عليك المهم وين يزن
تركي : قبل يزن فهمني
عزام: اصبر نشوف يزن ونروح لثامر ونعرف كل شي
تركي : يزن في بيت عمتي
عزام: روح خذ طريق بشوف نور
تركي : ترا مره فليتها على كيفك
عزام ضربه على راسه: اخلص
تركي : طيب بشرط
عزام: وشو ي ابو الشروط
تركي : ابيك بسالفه ضروريه
عزام: طيب بس خلص
راح تركي اخذ لهم طريق ورجع: تعال ي عزو
تقدم عزام ودخل القصر اللي كان يفتح النفس سمع يزن يقول : عزام وش سويت لا يكون بتسكت
عزام: اكيد لا بس وين نور
يزن: تلبس وتجي
دخلت نور اللي تبكي عزام تكلم: نور انتي بخير
نور ببكي: بخير بس لا تخلوني هنا ..