روايـــــــــــــة ✍🏼 { كئيب الليل ياطفلة يغيب الكل لا غبتي }مكتملة

البارت التاسع

📖 روايـــــــــــــة ✍🏼
{  كئيب الليل ياطفلة يغيب الكل لا غبتي }

ابو يزن: سعود وش له مصلحه
الجد : باقي بينتقم على العشرين سنه اللي فاتت
ابو يزن: باقي ما نسى
الجد : ولا بينسى
ابو يزن: مدري
دخل ابو ماجد وهو يضحك: هههههه على بالكم اني بنسى مستحيل
الجد : وين نور
ابو ماجد : انا لو ادري هي وين والله لا اساعدها بس مدري نور الوحيده اللي تصرفت زين وسوت شي ماقدرنا كلنا نسويه ليتني سويت اللي هي سوته ليتني
ابو يزن: انسى الماضي ي سعود انسااه
ابو ماجد قرب وهو يحط عينه بعين ابو يزن: اذا نسيت نور انا انساه
طلع ابو ماجد وهو حاقد على ابوه واخوه اللي كسرو فيه اشياء كثير
...

عند ضاري اللي كان جالس عند امه وهو يلعب اخوانه الصغار
ابو ضاري : ضاري تعال افطر وراك دوام اترك البزران عنك
ضاري : ابشر يبه
ام ضاري : خذ يمه هاذي شوي اكل اعطيها عزام يعطيها امه
ضاري : يمه تعرفين عزام مابياخذه
ام ضاري : قول امي اشتهتها لامك
ضاري : والله يمه اعرف رده
ابو ضاري : انا اعطيه خليها
سامي اخوه الصغير: ضاري بنروح نلعب عند رعد
ضاري : روحوا مع امي شوي
ريما اخته اصغر منه بشوي : ضاري حور اليوم عندها دوام
ضاري : مدري ي ريما
ابو ضاري : تسهل ي ابوك وروح دوامك
ضاري قام وباس راسهم : يلا فمان الله
...
٠
عند عزام اللي مانام لبس لبس الدوام وطلع وهو يسكر الباب شويه شويه قال بصوت ينسمع: ي هوه في احد
ام عزام : ايه ي عزام دقيقه يمه
وقف عزام شوي تغطت نور اللي كانت صاحيه من الصبح
ام عزام: تعال يمه
عزام وقف وهو يسلم من بعيد : كيف ضيفتنا اليوم
نور بهمس : احسن
عزام: نمتي كويس ارتحتي
نور: ايوه
عزام : معليش بس اقدر افهم وش سر حالتك هاذي
حور : تعال اجلس توها كانت بتقول لنا
قرب عزام وجلس على طرف :اسمع
ام عزام : تكلمي يمه
نور خافت من اسلوب عزام وبالقوه تكلمت وقالت لهم كل قصتها وهي تبكي وقالت : اذا خايفين اصرف عليهم لا تخافون انا معي فلوس ادبر نفسي فيهم بس الله يخليكم خلوني هنا
عزام بغضب : مهما كان السبب غلط انك تهربين  رضيتي لما حطيتي روسهم بالارض واحتمال يكون كله كذب ومكيده
ام عزام: عزااااام
حور: عزام حرام عليك
عزام: حور خليك على جنب وانتي اسمعي هالفلوس اللي جايبتها ومبلغها كبير والدراما اللي سويتها ما تمشي علي ضفي عفشك وتوكلي على الله
ام عزام : عزام اش هذا الكلام
عزام : يمه كل اللي قالته مايدخل العقل وفوق هذا جايبه معاها فلوس بكم هايل وتبين نصدقها
نور: والله ما اكذب والله
ام عزام: هذا هي حلفت
عزام: ايوه قالوا للكذاب احلف قال جات النجاه
وقفت ام عزام بقوه : اش هالكلام ما تخاف ربك معليش ي بنتي ما يقصد
عزام : الا اقصد رجاء ضفي عفشك واطلعي احنا ناس مالنا بالمصايب كفايه اللي فينا واطلعي مهما كانت مصيبتك
حور: لا ي عزام
عزام : حور روحي البسي وراك جامعه
نور وقفت وهي تبكي : لا تخاف مابجلس عند ناس مايبوني لكن الله يسامحك
ام عزام: ما تروحين
عزام: يمه ما اكتفيتي من هالشكليات مو كفايه عليك ساره( زوجته ) هذا انتي دخلتيها وماقصرتي معها وفي النهايه باعتنا بتراب هالمره لا مستحيل
ام عزام: اصابعك مو سواء ي عزام
نور دخلت وهي تاخذ اغراضها وتلبس نقابها وام عزام مصره انها ماتروح
نور: معليش ي خاله جزاك الله خير ماقصرتي اسفه اني ازعجتكم
ام عزام: لا واالله ي بنتي اجلسي
دق الباب وكان ضاري : عزام ي عزعز ي عزو وينك عجل علينا قيلة القايله ( يقلد طاش ما طاش )
عزام: تفضلي لا هنتي ولا عاد ترجعين هنا
طلعت نور وهي تبكي وعزام قلبه عوره عليها بس تعب من كثر ما خانوه ناس وكسروه ماعاد يثق في احد
ضاري على باله اللي طلع عزام التفت : بدرررر......
طارت عيونه بصدمه مد عزام يده وابعده وطلعت نور وهي شايله شنطتها وتمشى ببطئ وهي تشهق راقبوها لين اختفت وضاري متنح
عزام طقه على راسه: يلا
ضاري : مين هاذي
عزام: يلا ورانا دوام
ضاري : والله ما اتحرك لين تقول
عزام: ضاري وش بلاك امش تأخرنا
ضاري : والله لو يفصلوني ابي اعرف من الزين اللي طلع
عزام: ضاري
ضاري : مالي شغل
حور جات وهي بعد تبكي وزعلانه من عزام وركبت
ركب عزام وهو معصب : حور قضينا
حور: حرام عليك ما تخاف الله
عزام : خلصنا
ركب ضاري وهو مستغرب وكان هو الوحيد اللي يسولف وبين فتره وفتره يسمعون شهقات حور المقهوره على نور نزولها بالجامعه والتفت ضاري: شسالفه
عزام : ضاري خلصني اقولك اذا وصلنا
دعس ضاري وهو متحمس يعرف شسالفه ..