روايـــــــــــــة ✍🏼 { كئيب الليل ياطفلة يغيب الكل لا غبتي }مكتملة

البارت الخامس والثلاثون

{  كئيب الليل ياطفلة يغيب الكل لا غبتي }

عزام : المهم انك عرفت وهو ضروري يعرف فالنهايه هي اخته
تركي اخذ المنديل وهو يمسح وجهه: استغفر الله كان حاس انها عندك والله كان حاس
اخذ جواله ودق على يزن اللي كان رايح لصاحبه بياخذ اوراق اللي حضرها عن عزام بس قطع عليه اتصال تركي
يزن: هلا تركي
تركي : يزن اترك كل شي بيدك وتعال المستشفى سريع
يزن: اش صار
تركي: حصلت نور تعال
يزن: اييييش وين
تركي : تعال ماينفع بالجوال انتبه لطريق
قفل يزن وجاء مسرع وهو مو مصدق وملهوف لنور بسرعه البرق وصل وكان يركض فتح باب المكتب وشاف عزام وتركي وضااري ومعهم طفل كلهم كانوا يناظرونه دخل يزن اللي اول ماشاف عزام حس انه وراء كل شي
يزن: تركي وين نور
تركي وقف وهو يدري انها فعلا جات الكارثه : يزن اجلس
يزن: وش اجلس تكلم وينها
تركي : يزن ماينفع كذا تعال اجلس
يزن التفت لعزام: تعرف وينها صح
عزام : يزن اجلس عشان تفهم
يزن ايقن انها عند عزام وطول الوقت يكذب عليهم انقض عليه ولكمه على فمه رجع عزام على وراء من قوة الضربه
وصرخ يزن: كنت عارف انك كلب وحقير
ضاري وتركي مسكوا يزن وبعدوه عشان ما يضر عزام خصوصا ان رعد صار يبكي ويضرب يزن بكل شي عشان يبعد عن ابوه
ابتعد يزن وقام رعد يضم ابوه ويبكي نزل عزام وهو يضم رعد : خلااص ي بابا خلااص
عزام انجرح فمه وصار ينزف ركض رعد واخذ منديل وصار يمسح فم عزام اخذ عزام المنديل وقال : انا بخير ي حبيبي اجلس خلاص
جلس رعد وهو باقي يبكي ويناظر يزن بحقد
يزن بصراخ: شااايف شصار فيك لما بكى ولدك شايف كيف خاف عليك ما فكرت فينا كيف بنخاف ما فكرت وش ممكن يصير وش صار من مات من حيا من انطرد من احترق قولي ما خفت
عزام صد وهو متجاهل يزن ولا يبي يصير اصتدام بينهم
يزن : وباقي ساكت لكن وش ينقال لواحد واطي مثلك و مستغل والله لو تطلع مسوي لنور ش......
قطع عليه صراخ عزام اللي انفجر وهو يقول: احترم نفسك مو انا اللي اللعب بأعراض الناس ولا انا اللي اجبرت اختك تهرب وتلجأ لبيتنا كل ذنبي اني قبلت ادخلها بيتي لكن لو اني تاركها لعيال الشوارع ينهشون فيها كان الله يعطيني العافيه
ضاري :خلااااااااص هدوء يزن الموضوع مو مثل ما انت فاهم
تركي : يزن اجلس لا تصعب الامور
جلس يزن وهو يغلي من القهر وابتداء ضاري يحكي له كل شي صار مع عزام ونور وان عزام حماها بالضبط مثل اخته وكان ضميره طول الوقت يأنبه انه ليش مخبيها عنهم وقتها عم الصمت واتسعت عيون يزن بصدمه والتفت لعزام اللي كان ماسك المنديل على فمه ومنزل راسه بغضب وهو ضايق وقف وهو يقول : نور عرفت اني هنا وهربت
عزام مارد عليه تركي : ايه كانت خايفه من مصيرها مع ماجد
يزن وقف وهو مو مستوعب كل شي صار رفع راسه وهو يقول : متأكدين انها بخير
عزام كان متجاهل يزن تماما ولا يرد عليه ضاري : نور حالها احسن من حالنا كلنا
عزام وقف وهو ياخذ رعد بيده : الامانه اللي عندي وصلت بنتكم بالحفظ والصون اتوقع سويت اللي علي معاد لي لازم هنا لكن مسألة انكم تزوجون نور ولد عمكم السكير انسوها ....
تقدم بيطلع بس وقف والتفت له ...: ايه صح نسيت اقولك بطل تفتش وراي ما بتحصل شي انا ولد حي فقير وعايش على قد حالي امشي على اساس واقول ي ربي الستر مالي في مصايبكم ومشاكلكم وكذبكم من بيتي لشغلي للمسجد مايحتاج تفتش وراي والشي الوحيد اللي كان يزعجني ويربكني هو كذبي عليكم واليوم خلاص انتهى كل شي
طلع عزام وهو غضب الدنيا بوجهه اخذ اغراضه واخذ اقرب تاكسي وتوجه للبيت وهو يرجف داخله من كل شي صار له
نزل راسه لرعد وقال : بابا رعد لا تقول لاحد عن اي شي صار
رعد :ليش
عزام: عشان ما يزعلون باابا
رعد : طيب
سكت عزام اللي صد يناظر الشارع وهو مايدري وش النهايه
......

عند تركي اللي ناظر يزن بلوم : عجبك اللي سويته اتهمت الرجال ولا تركت فيه مجال
يزن: شسوي يعني هو غلطان بعد شايفنا دايخين عليها وساكت
ضاري تكلم بهدوء وهو ضايق : عزام ما ضر اختك بشي ولا رضا في اول  شي يدخلها بيته عشان ما يدخل في ذا المتاهه والمشاكل اللي فيه مكفيه مايبي بلاوي زياده ماقصرت فيه الدنيا وعمره ما كذب وخبى لكن انا اصريت عليه وحسسته بالذنب لين رجعها ويعلم الله انها عايشه معهم وعادينها مثل اختهم وإتهاماتك اللي وجهتها لعزاام باطله
يزن: انا اسف ي ضاري بس انجنيت ماعرفت وش اسوي
تركي : ضاري الله يخليك خذنا لنور وبيت عزام
يزن : دخيلك ي ضاري
وقف ضاري وجهه البشوش باين عليه الضيق : زين
طلع ضاري وطلعوا ورااه وهم متلهفين للقاء بنور ..