روايـــــــــــــة ✍🏼 { كئيب الليل ياطفلة يغيب الكل لا غبتي }مكتملة

البارت السابع والثلاثون

{  كئيب الليل ياطفلة يغيب الكل لا غبتي }

عند نور فرحت لما عزام اعترض بس خاب أملها لما قال ان اللي سواه عشان ما يطيح بمشاكل جلست بإنهيار وهي خايفه ان النهايه قررربت جلست بمكانها وهي تبكي ضمت رجولها وهي مو همها الا ان ثقتها في عزاام ضاااعت
...

عند يزن اللي كان جالس بصمت وخوف وهو يراقب اللي وراهم
تركي : شصار
يزن بضيق : صار اللي ما توقعته اول مره اشوف نور مرعوبه بذا الطريقه مابغت تسلم علي كانت ترجف مثل الريشه صوتها يقطع القلب خايفه اني بوديها لجدي يذبحها او يزوجها ماجد
تركي : الله لا يلومها يزن انت شايف شكلك يخوف كأنك مجرم مستحيل انها بتتطمن لك بذا الشكل
يزن: مدري مدري اشياء كثيره مدري عنها
تركي : وش بتسوي
يزن: اول شي بفتك من ذا المصيبه اللي وراي
تركي: جدي صارت تصرفاته جنونيه
يزن: اصلا من متى هو صاااحي
تركي : تدري وش ودي
يزن : وشو
تركي : اعرف ليش عمي سعود يكرهه
يزن: مايبي لها اكيد مسوي له شي
تركي : اخ بس لو اعرف
....

اما عزام اللي رجع وهو ضايق مايدري كيف بيراضي نور اللي كان يسمع بكاها كان يروح ويرجع ع الباب
ام عزام: دامك ندمان كذا ليش سويت اللي سويته
عزام: يمه نور مكانها هنا غلط نور بين اهلها احسن ي يمه الامانه صعبه صعبه خصوصا ان تركي ويزن دايم يقابلوني ويسألوني اذا جات للمستشفى ما جات قطعوا قلبي يمه
ام عزام: لا حول الله
سكت عزام وهو يحط يدينه على راسه بتعب وقف وهو يناظر الغرفه وبعدها قال : نووور لو سمحتي بكلمك
نور ما كانت ترد عليه عزام قرب بجنب الباب وجلس وهو يبي يسمع منها رد : نوور ادري ان اللي سويته مو كويس بس والله ما قدرت اشوفهم كل يوم يسألوني واتجاهل نور تركي ويزن ضيقوا على جميع الطرق صاروا يراقبوني نور نهاية هالامر صعب احتمال يرفعون علي شكوى خطف او اي عله وانفصل او انسجن وانتي تدرين اني لو انسجنت او انفصلت كلهم بيضيعون بعدي نور انا ما افكر في نفسي افكر باللي حولي اربع ارواح معلقه برقبتي مقدر اتجاهلهم نور انا اسف يمكن اني اضيعك بس عشان كذا انا ما تقبلتك بالبدايه الا اني ادري النهايه وخيمه
نور انا ماخدعتك ولا كذبت عليك نور انا ما عرف الكذب عشان كذا سامحيني بس الشي الوحيد اللي ابيك تثقين فيه اني مستحيل اخليهم يزوجونك ماجد لو خسرت كل شي
نور رفعت راسها وهي تحاول تفهم اللي يقوله: من جدك ي عزام
عزام ابتسم : نور انتي تسوين عندي كثير لا تتوقعين اني بفرط فيك
نور ببكى: انا اسفه حملتك فوق طاقتك بس خلاص بروح مع يزن
عزام : مافيه روحه شيليها من بالك جدك مستأجر ناس يراقبون يزن مقدر اخليك تروحين معاه
نور زادت بكى هي ماهمها الا انها بتفارقه وهو همه المشاكل وجدها
عزام: نور خلااص دخيلك بطلي بكى
نور كانت تحاول تسكت بس كل ما تطالع فيه وتحس انها بتفارقه غصب الا تبكي تعودت عليه وحبته وهو ولا اهتم فيها
قام عزام وهو ضايق وطلع سحب جواله ورد على الاتصال اللي جاء :الو
هاله : عزام كيفك
عزام كان ماله خلقها ابد :اهلا تمام وانتي
هاله: بخير دامك بخير اسمع انت اليوم قلت بتتزوجني صح
عزام بقل صبر: ايوه
هاله: زين خلاص ارسلت لك الموقع بس انت جيب الشيخ وتعال
عزام غمض بضيق : زين ع الساعه ٩ بكون هناك
هاله : باي باي ي بيبي
عزام لاعت نفسه بغى يرجع : مع السلامه
سكر وهو كارهها خلااص حياته صارت زباله اكثر من اول
٠
٠
عند يزن وتركي رجعوا لشقه وهم خايفين اللي يراقبهم يقول لجده
تركي : اسمع انا بروح للبيت اذا سمعت شي او شي بقولك
يزن: لا لا تروح تعال بتنصت على مكالمات جدي
تركي بصدمه: ايش وكيف
يزن( كان يحب التكنولوجيا والاجهزه وعنده معرفه كبيره فيها ويقدر يخترق اي شي يبيه ) : اجلس وبتشوف
راح يزن وجاب لابتوبه وكل الاشياء اللي يحتاجها وابتداء يسوي طرقه الخاصه وتركي متنح يعرف انه يحبها بس ما توقع انه يوصل للاختراق وشوي وضبط يزن كل شي وجلسوا
تركي : والله برافوا عليك
يزن اشر له يسكت وابتدأو يسمعون مكالمات جدهم من يومين وكان اغلبها مع رقم وعرفوا انه هو اللي يراقب يزن وكان يقول كل شي للجد
يزن: شفت كل خطوه يقولها له
تركي :اخاف قال لجدي
يزن قرب بيتكلم بس قطع عليهم اتصال على رقم جدهم نطو كلهم وهم يسمعون بصمت
الجد : قول وش عندك
فتحي : طال عمرك تركي ويزن تو طلعوا من بيت في حاره فقيره وكانوا اول ما جو لها معصبين وبعدين طلعوا بضحك ورجعوا لشقتهم وهاذي اول مره يجون هالبيت
الجد:من هم اصحاب البيت
فتحي :اصحاب البيت دايم اشوفهم معهم اظن اصحابهم
الجد:انت غبي غبي وش دخلني بأصحابهم تأكد من البيت فيه نور او لا
فتحي : ابشر ..