روايـــــــــــــة ✍🏼 { كئيب الليل ياطفلة يغيب الكل لا غبتي }مكتملة

البارت الثاني والاربعون

عند يزن اللي انفجع من تسكيره تركي حس فيه شي بس مايدري ايش ولا يقدر يطلع من هالزفت حاول يدق مره واثنين على تركي بس مايرد كان بينجن الا شوي بيموت خلاص طل من الشباك وشاف فتحي باقي واقف انجلط مايدري وش يسوي
رجع للابتوبه سريع وهو يحاول يحدد مكان تركي من جواله وشافه باقي بنفس المكان انزعج وخاف ماكان عنده حل الا الانتظار
...

اما عند طلال اللي كان جالس يعد الفلوس اللي جابها من سرقة السيارات جمعها ابتسم : كم خطوه وننسى الفقر ي ابوي
ابتسم وهو يقوم يخبيها ورجع وهو يقول : انا بسوي اللي ماسويته ي عزام انا اللي بدفن هالفقر واطلع متشاطر علي بشهادتك بفهمك ان شهادتك وما تشبع البطن
ابتسم وهو ينسدح ويحلم بالغنى والرفاهيه
٠٠٠٠٠

عند تركي اللي انفجع وخاف وهو يحاول يتخلص من اللي ماسكه سمع همسه يقول : اششش انا ضاري
تركي هدا وسكت وقف ضاري بعيد شوي في مكان مهجور
تركي : شفيك فجعتني
ضاري : شكنت تسوي عند هالحيوان
تركي : استغفر الله طيحت قلبي الله يهديك كنت بوخره عن البيت
ضاري : تستهبل علي الفلوس اللي اعطيته وش مقصدها هاه لا تحاول ي تركي تغدر وتخون
تركي : اوووف اي خيانه ي مريض ترا مو من صالحنا ولا صالحكم عشان كذا اغريته بفلوس عشان يسكت ولا يقول شي
ضاري : قول كل شي قلته له
تركي : ضاري شفيك مانك واثق فيني
ضاري : انا ما اثق حتى بظلي
تركي : زين ي ضاري
ابتداء يحكي له كل شي صار بالضبط : هاه ارتحت
ضاري ابتسم: تقدر تقول ارتحت يعطيك العافيه
تركي : اووف منكم
ضاري : لا تلومنا ي تركي الدنيا ما قصرت فينا خلتنا ما نثق في احد
تركي جلس ياخذ نفس وهو يقول : مدري وش مريتوا فيه بس الجاي اصعب
ضاري : عشان كذا قلت لك ما نثق
تركي وقف : عالعموم اعجبني انتباهك يعطيك العافيه
ضاري : يعافيك
راح تركي وهو يدق على يزن ويطمنه انه بخير وقاله شصار معهم وبعدها راح لبيتهم دخل وقف يناظر بقصر عمه سعود دقق فيه : ليتني اعرف ليش رغم انك معانا بنفس مجمع البيوت بعيد عنا بالروح والسبب جدي بعرف ليش والزمن بينا
لف ودخل البيت وراح لغرفته وناام
.....

من بكره الصبح صحى عزام على شي ازعجه فتح شاف هاله قريبه منه حيل وهي ماسكه طرف ريشه وتحركها على وجهه فز وجلس
هاله: صباح الخير
عزام غمض وتذكر كل شي صار زفر وهو يحاول يجاملها: صباااح النور شهالصباح الجميل
هاله : جميل دامك معي يلا قوم عشان نفطر ونطلع لدوام
عزام وقف وراح يغسل وهو يدعي ربي يصبره رجع وحصلها مجهزه فطور اول مره يشوف هالاصناف المشهيه ومع ذلك عايفه مايبي جلس وهو يسمع سوالفها الممله كانت طول الوقت تسولف وهو يفكر بالخزنه قطع كلامها وهو يقول : هاله ماوريتني الشقه
هاله اللي كانت ذايبه مع ضحكته الجميله ولا هي مصدقه ان عزام عندها ويبتسم لها : الحين اوريك
قامت وهي تلف به على البيت ولما وصلت الغرفه اللي فيها الخزنه قالت بكذب : هاذي غرفة المرحوم ابوي مقدر افتحها احتراما له عشان كذا مابنشوفها
عزام هنا تأكد ان فيها شي مهم رجعوا يفطرون وعزام يجاهد نفسه عشان يبتسم لها او يقول لها كلمه كويسه وبعدها لبسوا وراحوا منفصلين للدوام واتفق معاها يكون زواج سري لفتره معينه وهي وافقت على طول المهم عزام معها
.....

عند ضاري اللي ترك بيت عزام وراح يلبس عشان يداوم بعد ما تأكد انهم بخير وقف يلبس وهو ساكت ويراقب نقطه معينه
دخلت ريما: ضاري
ضاري مارد عليها وكان شارد ريما قربت وهي مستغربه من حالته اللي من فتره متغير : ضاري
ضاري :هاه بسم الله شفيك انتي صاحيه فجعتيني
ريما: بسم الله عليك بس حالتك غريبه شفيك
ضاري تنهد : ولا شي
ريما : لا تلعب علي
ضاري اخذ اغراضه : ريما مالي خلق تكفين ابعدي بروح
طلع ضاري وبوجهه على الباب
ابو ضاري : ضاااري
ضاري : نعم يبه
ابو ضاري : شفيك يبه تعال افطر
ضاري : مالي نفس يبه بروح اصلا متأخر
ريما: شكله انعداء من عزام
ام ضاري : مايصير يمه تروح كذا
ضاري : لا يمه يصير سلام
طلع بضيق وراح يوقف تاكسي التفت وهو يشوف بيت عزام شاف حور طالعه بتروح الجامعه تنهد وقف شوي لين راحت وكمل طريقه وهو يناظر الطريق حوله
.....

عند نور اللي مانامت الليل من الخوف تمنت عزام فيه عشان ما تخاف تحركت وقامت وهي تشوف رعد صاحي
نور: رعود انت كويس
رعد : ايوه بس جوعان
نور: خسى الجوع قوم معي
قامت واخذت رعد وجلست تحضر له فطور
٠٠٠٠٠

عند عزام كان يمشي بممرات المستشفى وهو يدق على امه
ام عزام : هلا يمه
عزام : يمه كيفك ي الغاليه
ام عزام: بخير يمه انت كيفك وش مسوي
عزام: بخير يمه بس انتي ادعي لي
ام عزام: الله يوفقك يمه
عزام: يمه كيف نور ورعد